വയർ ചാടുന്ന പ്രശ്നമുണ്ടോ നിങ്ങൾക്ക്? എങ്കിൽ ഈ ഭക്ഷണങ്ങൾ തീർച്ചയായും ഒഴിവാക്കണം

ശീതളപാനീയങ്ങൾ

ആരോ​ഗ്യത്തിൽ കൂടുതലായി ശ്രദ്ധിക്കുന്ന ആളുകൾ പഞ്ചസാരയുടെ ഉപയോ​ഗം കുറയ്ക്കുന്നത് പതിവാണ്. മധുരമുള്ള ഭക്ഷണങ്ങളിൽ നിന്നും പാനീയങ്ങളിൽ നിന്നും ആരോ​ഗ്യത്തിൽ ശ്രദ്ധിക്കുന്നവർ വിട്ടു നിൽക്കും. ഇതിന്റെ പ്രധാന കാരണം പഞ്ചസാരയിൽ കാണപ്പെടുന്ന അനാരോഗ്യകരമായ ഘടകങ്ങൾ മാത്രമല്ല, പഞ്ചസാരയ്ക്ക് പകരമായി ഉപയോഗിക്കുന്ന കൃത്രിമ മധുരപലഹാരങ്ങളും ആരോഗ്യത്തിന് വളരെ അപകടകരമാണ്.

പല ശീതളപാനീയങ്ങളിലും ജ്യൂസുകളിലും കൃത്രിമ പഞ്ചസാര അടങ്ങിയിട്ടുണ്ടെന്നതാണ് യാഥാർത്ഥ്യം. ഇത്തരം പാനീയങ്ങൾ കുടിക്കുന്നത് ആരോഗ്യപ്രശ്നങ്ങൾ ഉണ്ടാകാനുള്ള സാധ്യത വർദ്ധിപ്പിക്കുന്നു. ഇത് മൂലം രക്തത്തിലെ പഞ്ചസാരയുടെ അളവ് കൂടുകയും അതുപോലെ അമിതവണ്ണത്തിന് കാരണമാവുകയും ചെയ്യും.

കൂൾ ഡ്രിങ്കുകളോ ശീതളപാനീയങ്ങളോ അമിതമായി കുടിക്കുന്ന ശീലമുള്ളവരിൽ ക്രമേണ വയറിലെ കൊഴുപ്പ് നിറയുകയും വയറിന്റെ വലിപ്പം മാത്രമല്ല, ശരീരഭാരവും കൂടുകയും ചെയ്യുമെന്ന് ഓർക്കുക.

ആരോഗ്യത്തോടെയിരിക്കാനും ഭാരം നിയന്ത്രിക്കാനും ടിപ്‌സുകൾ

ഐസ്ക്രീം വേണ്ട

കുട്ടികൾക്കും മുതിർന്നവർക്കും ഒരുപോലെ ഇഷ്ട്ടമുള്ള ഭക്ഷണമാണ് ഐസ്ക്രീം. എന്നാൽ ഐസ്ക്രീമിൽ രുചി കൂട്ടാൻ കൃത്രിമ പഞ്ചസാര ഉപയോഗിക്കുന്നതിനു പുറമേ, പാലും ഉപയോഗിക്കുന്നുണ്ട്. ചിലപ്പോൾ ദിവസങ്ങളോളം സൂക്ഷിച്ച പാൽപ്പൊടിയും കലർത്തും. പ്രധാനമായും പാലിൽ ലാക്ടോസ് ഉള്ളടക്കം കൂടുതലായി കാണപ്പെടുന്നുണ്ട്. ഇത് ചിലർക്ക് ദഹനക്കേടോ അലർജി പ്രശ്നമോ ഉണ്ടാക്കാനുള്ള സാധ്യത കൂടുതലാണ്. വയറുവേദന, ആമാശയം, വയർ വീക്കം തുടങ്ങിയ പല പ്രശ്നങ്ങളും ഉണ്ടാകാനുള്ള സാധ്യതയുണ്ട്. ഇതിനു പുറമെ നേരത്തെ സൂചിപ്പിച്ചതുപോലെ കൃത്രിമ മധുരം ചേർക്കുന്നത് മൂലം അമിതവണ്ണം പ്രശ്നം കൂടാനും സാധ്യത വളരെ കൂടുതലാണ്.

പാസ്ത

പാസ്ത തയ്യാറാക്കുന്നത് മൈദയിൽ നിന്നാണെന്നാണ് പറയപ്പെടുന്നത്. എന്നാൽ പഞ്ചസാരയും മൈദയും ആരോഗ്യത്തിന്റെ ഏറ്റവും വലിയ ശത്രുവാണ്. പാസ്തയിൽ നാരുകളും പോഷകങ്ങളും പ്രോട്ടീനും കുറവായതിനാൽ ഇത് വളരെ പെട്ടെന്ന് തന്നെ ആരോഗ്യപ്രശ്നങ്ങൾ ഉണ്ടാക്കും.

പ്രധാനമായും പാസ്ത നമ്മുടെ ശരീരത്തിൽ വളരെ വേഗത്തിൽ ദഹിക്കുന്നതിനാൽ ഇൻസുലിന്റെ അളവ് കൂടുകയും ശരീരത്തിൽ കൊഴുപ്പ് അടിഞ്ഞുകൂടുകയും ചെയ്യുന്നു, ഇതുമൂലം അരക്കെട്ടിലും അതുപോലെ അമിതവണ്ണവും ഉണ്ടാകാനുള്ള സാധ്യത കൂടുതലാണ്. ആരോഗ്യ വിദഗ്ധർ പറയുന്നതുപോലെ, പ്രോട്ടീനും നാരുകളും കുറഞ്ഞ അളവിൽ അടങ്ങിയിരിക്കുന്ന ഏതെങ്കിലും ഭക്ഷണം കഴിക്കുന്നത് ദഹനപ്രക്രിയ വേഗത്തിലാക്കുന്നു. ഇക്കാരണത്താൽ, വിശപ്പ് പലപ്പോഴും വർദ്ധിക്കാൻ സാധ്യത കൂടുതലാണ്. അത്തരമൊരു സാഹചര്യത്തിൽ, നമ്മൾ കൂടുതൽ അനാരോഗ്യകരമായ ഭക്ഷണങ്ങൾ കഴിക്കുന്നതിനാൽ, ശരീരം കൂടുതൽ കലോറി ശേഖരിക്കുകയും ഒടുവിൽ അമിതവണ്ണം ഉണ്ടാകുകയും ചെയ്യുന്നു.

​പായ്ക്കറ്റ് ഭക്ഷണങ്ങൾ

പായ്ക്ക് ചെയ്ത ഭക്ഷണങ്ങൾ പരമാവധി ഒഴിവാക്കുക. ഉദാഹരണത്തിന്, ബ്രെഡ്, ബിസ്കറ്റ്, പൊറോട്ട പാക്കറ്റുകൾ, ജ്യൂസുകൾ തുടങ്ങിയവ. കാരണം ഇതിൽ കൃത്രിമ പഞ്ചസാരയുടെ അംശവും സംസ്കരിച്ച ഭക്ഷണങ്ങളും കൂടുതലാണ്

മൈദാ മാവ് കൊണ്ട് ഉണ്ടാക്കുന്ന ഭക്ഷണങ്ങൾ ഒഴിവാക്കാനും ശ്രമിക്കേണ്ടത് വളരെ പ്രധാനമാണ്. ഗോതമ്പ് പൊടിയും മറ്റ് ധാന്യങ്ങളും കൊണ്ട് ഉണ്ടാക്കുന്ന ചപ്പാത്തിയോ ബ്രെഡുകളോ കഴിക്കുന്നത് ശീലമാക്കുക. എണ്ണയിൽ വറുത്ത ഭക്ഷണങ്ങൾ പരമാവധി ഒഴിവാക്കുക. കഴിയുന്നത്ര പോഷകങ്ങൾ അടങ്ങിയ ഭക്ഷണം കഴിക്കുന്നത് ശീലമാക്കുക.

English Summary: Foods causes belly fat

Disclaimer: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. ഡയറ്റിൽ മാറ്റം വരുത്തുന്നതിന് മുൻപ് ആരോഗ്യ വിദഗ്ധരുമായി സംസാരിക്കുക.

​

​കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​