വേനൽ ചൂട് മറികടക്കാൻ ആരോഗ്യം ശ്രദ്ധിക്കാം
അടിവസ്ത്രങ്ങളുടെ വൃത്തി
അടിവസ്ത്രങ്ങള്‍ നമ്മള്‍ നന്നായി കഴുകി വൃത്തിയാക്കി എടുക്കാറുണ്ട്. ഇതിന്റെ പ്രധാന ലക്ഷ്യം സ്വകാര്യഭാഗത്ത് അണുബാധ ഉണ്ടാകാതിരിക്കുന്നതിനും അതുപോലെ തന്നെ വ്യക്തി ശുചിത്വത്തിന്റെ ഒരു ഭാഗം കൂടിയാണ് ഇത്. അടിവസ്ത്രങ്ങള്‍ കഴുകുമ്പോള്‍ ഇതില്‍ അധികം സോപ്പ് തേക്കാറില്ല. അതുപോലെ തന്നെ സോപ്പ് പൊടിയില്‍ ഇത് മുക്കി വെക്കുന്നത് ഒട്ടും നല്ലതല്ല.
അതുപോലെ തന്നെ, അടിവസ്ത്രങ്ങള്‍ എല്ലായ്‌പ്പോഴും വെയില്‍ കൊണ്ട് ഉണക്കി എടുക്കണം എന്നാണ് പറയുന്നത്. എന്നാല്‍ മാത്രമാണ് ഇതില്‍ അണുക്കള്‍ ഇല്ലാതിരിക്കുക. ഇത് സ്ത്രീകള്‍ മാത്രമല്ല, പുരുഷന്മാരായാലും ശ്രദ്ധിക്കേണ്ട പ്രധാനപ്പെട്ട കാര്യമാണ്. അതുപോലെ, അടിവസ്ത്രങ്ങള്‍ കഴുകുമ്പോള്‍ അധികം കെമിക്കല്‍സ് അടങ്ങിയ സാധാനങ്ങള്‍ ഉപയോഗിക്കാതിരിക്കുന്നതാണ് നല്ലത്.
അമിതമായി കെമിക്കല്‍ അടങ്ങിയതും സുഗന്ധം ഉള്ളതുമായ വസ്തുക്കള്‍ ഉപയോഗിക്കുന്നത് സ്വകാര്യഭാഗത്ത് അലര്‍ജി പോലെയുള്ള പ്രശ്‌നങ്ങള്‍ ഉണ്ടാക്കുന്നതിന് ഒരു കാരണമാണ്. അലക്കുന്ന കാര്യത്തില്‍ മാത്രം പോര, ഇത് അയേണ്‍ ചെയ്തും എടുക്കണം എന്നാണ് പറയുന്നത്. എന്നാല്‍ മാത്രമാണ് അടിവസ്ത്രങ്ങളിലെ അണുക്കള്‍ നശിക്കുന്നത്.
അയേണ്‍ ചെയ്‌തെടുത്താല്‍
അടിവസ്ത്രങ്ങള്‍ അയേണ്‍ ചെയ്ത് എടുത്താല്‍ നിരവധി ഗുണങ്ങളുണ്ട്. പ്രത്യേകിച്ച് അടിവസ്ത്രങ്ങളില്‍ അടങ്ങിയിരിക്കുന്ന അണുക്കളെ നീക്കം ചെയ്യാന്‍ നല്ല ചൂടില്‍ അയേണ്‍ ചെയ്ത് എടുക്കുമ്പോള്‍ സാധിക്കും. നമ്മള്‍ അലക്കി വെയിലത്ത് ഇട്ട് ഉണക്കിയാലും നശിക്കാത്ത അണുക്കളെ ഇത്തരത്തില്‍ നീക്കം ചെയ്യാന്‍ സാധിക്കുന്നതാണ്.
ചില ആണുക്കള്‍ 60 ഡിഗ്രി സെല്‍ഷ്വസിലും ജീവിക്കും. ഇവയെ എത്ര കഴുകി ഉണക്കിയാലും നീക്കം ചെയ്‌തെടുക്കാന്‍ സാധിക്കുന്നതല്ല. ഇത്തരം അണുക്കളെ നീക്കം ചെയ്യണമെങ്കില്‍ അയേണ്‍ ചെയ്യുക തന്നെ വേണം.
അണുക്കള്‍ കയറുന്ന വിധം
മിക്കവരും വസ്ത്രങ്ങള്‍ അലക്കുന്നത് വാഷിംഗ് മെഷീനില്‍ ഇട്ടിട്ടാണ്. ഈ വാഷിംഗ് മെഷീനില്‍ ധാരാളം അണുക്കള്‍ ഉണ്ടാകും. കാരണം, പലരും വാഷിംഗ് മെഷീന്‍ അലക്കിയതിന് ശേഷം കൃത്യമായ രീതിയില്‍ വൃത്തിയാക്കി സൂ ക്ഷിക്കാറില്ല. അതിനാല്‍ തന്നെ അതില്‍ അടിഞ്ഞ് കൂടിയിരിക്കുന്ന അണുക്കളെല്ലാം തന്നെ അടിവസ്ത്രങ്ങളിലേയ്ക്ക് പറ്റിപിടിക്കുന്നു.
ഇവ കൂടാതെ, മറ്റ് വസ്ത്രങ്ങളില്‍ നിന്നുമുള്ള അണുക്കളും അടി വസ്ത്രത്തില്‍ പറ്റിപിടിക്കാനുള്ള സാധ്യത കൂടുതലാണ്. ഇവ കൂടാതെ, മൂത്രത്തിന്റെ അംശവും വിയര്‍പ്പുമെല്ലാം പറ്റി പിടിക്കുന്നതോടെ അടിവസ്ത്രത്തില്‍ അടിഞ്ഞ് കൂടുന്ന അണുക്കള്‍ ഏകദേശം 10000ത്തില്‍ പരം ഉണ്ട് എന്നാണ് പറയപ്പെടുന്നത്.
യുടിഐ പോലെയുള്ള അസുഖത്തില്‍ നിന്നും സംരക്ഷണം
യൂറിനറി ട്രാക്റ്റ് ഇന്‍ഫക്ഷന്‍ വന്ന് കഴിഞ്ഞാല്‍ പലതരത്തിലുള്ള ബുദ്ധിമുട്ടുകളാണ് അനുഭവിക്കേണ്ടി വരുന്നത്. ഇത്തരം അസുഖങ്ങള്‍ വരുന്നതിന് പ്രധാന കാരണമാണ് അടിവസ്ത്രങ്ങളിലെ അണുക്കള്‍. അതിനാല്‍, നിങ്ങള്‍ അടിവസ്ത്രങ്ങള്‍ അലക്കി ഉണക്കി എടുത്തത്തിന് ശേഷം അത്യാവശ്യം ചൂടില്‍ അയേണ്‍ ചെയ്ത് സൂക്ഷിക്കേണ്ടതാണ്.
അയേണ്‍ ചെയ്യുമ്പോള്‍ ശ്രദ്ധിക്കേണ്ട കുറച്ച് കാര്യങ്ങളുണ്ട്. അഥായത്, നിങ്ങളുടെ അടിവസ്ത്രത്തിന്റെ മെറ്റീരിയല്‍ എന്താണോ അതിനനുസരിച്ച് ചൂട് ക്രമീകരിച്ച് വേണം അയേണ്‍ ചെയ്ത് എടുക്കാന്‍, ഇല്ലെങ്കില്‍ അടിവസ്ത്രങ്ങള്‍ കരിഞ്ഞ് പോകുന്നതായിരിക്കും.
