Edited by Samayam Desk | Samayam Malayalam | Updated: 15 May 2023, 8:36 am
സംസ്ഥാനത്ത് ഉടൻ നടപ്പാക്കാനൊരുങ്ങുന്ന രണ്ട് പുതിയ ദേശീയപാതാ പദ്ധതികളിലാണ് ഭൂമിയേറ്റെടുപ്പിനുള്ള സംസ്ഥാന സർക്കാർ വിഹിതത്തെ ചൊല്ലി അനിശ്ചിതത്വം തുടരുന്നത്.
ഹൈലൈറ്റ്:
- ഔട്ടർ റിങ് റോഡിന് സംസ്ഥാനം മുടക്കേണ്ടത് 50 ശതമാനം തുക
- ചെങ്കോട്ട ഗ്രീൻഫീൽഡ് പദ്ധതിയിലും സംശയം
- ധന, നിയമവകുപ്പുകളുടെ പരിഗണനയിൽ ഫയലുകൾ
രാജ്യത്തെ മറ്റു സംസ്ഥാനങ്ങളെ അപേക്ഷിച്ച് കേരളത്തിൽ ദേശീയപാതയ്ക്കായി ഭൂമിയേറ്റെടുക്കാൻ ഉയർന്ന ചെലവാണെന്നും ഈ സാഹചര്യത്തിൽ സംസ്ഥാനസർക്കാരും ഭൂമിയേറ്റെടുപ്പിനായി പണം മുടക്കണമെന്നുമാണ് കേന്ദ്രസർക്കാർ പറയുന്നത്. എന്നാൽ രണ്ട് പദ്ധതികളിൽ സ്ഥലമേറ്റെടുപ്പ് കരാറിൽ സംസ്ഥാനം ഒപ്പുവെക്കാതെ വന്നതോടെ ഭൂമിയേറ്റെടുപ്പ് മുടങ്ങിയേക്കുമെന്ന അവസ്ഥയാണ്. തിരുവനന്തപുരം നഗരത്തിലെ കുരുക്കഴിക്കാനും വിഴിഞ്ഞം തുറമുഖത്തിലേയ്ക്ക് എളുപ്പവഴി തുറക്കാനുമാണ് ഔട്ടർ റിങ് റോഡ് പദ്ധതി ആവിഷ്കരിക്കുന്നത്. പദ്ധതിയ്ക്ക് ഭൂമിയേറ്റെടുക്കാനായി 50 ശതമാനം തുക വീതം സംസ്ഥാനവും കേന്ദ്രവും മുടക്കാമെന്നാണ് വ്യവസ്ഥ. ഇതാദ്യമായാണ് ഒരു ദേശീയപാതാ പദ്ധതിയ്ക്കായി ഇത്ര വലിയ വിഹിതം സംസ്ഥാന സർക്കാർ മുടക്കേണ്ടത്. തിരുവനന്തപുരം – കാസർകോട് ദേശീയപാത 66നായി 25 ശതമാനം തുകയായിരുന്നു സംസ്ഥാനം നീക്കി വെച്ചത്. ഇതേ മാതൃകയാണ് ചെങ്കോട്ട ഗ്രീൻഫീൽഡ് പാതയ്ക്കും പിന്തുടരുന്നത്.
ഡോ. വന്ദനയുടെ വീട് സന്ദർശിച്ച് സുരേഷ് ഗോപി | Dr. Vandana | Suresh Gopi |
നിലവിൽ തിരുവനന്തപുരം നഗരഹൃദയത്തിലൂടെയാണ് ദേശീയപാത 66 കടന്നുപോകുന്നത്. എന്നാൽ നഗരമേഖലയിൽ പലയിടത്തും വലിയ ഗതാഗതക്കുരുക്ക് അനുഭവപ്പെടാറുണ്ട്. നാവായിക്കുളം മുതൽ വിഴിഞ്ഞം വരെ പുതുതായി സ്ഥലമേറ്റെടുത്ത് നഗരത്തിൻ്റെ കിഴക്കൻ മേഖലയിലൂടെയാണ് ഔട്ടർ റിങ് റോഡ് കടന്നുപോകുന്നത്. സ്ഥലമേറ്റെടുപ്പിനായി 50 ശതമാനം തുക മുടക്കണമെന്നതിനു പുറമെ സർവീസ് റോഡ് സംസ്ഥാനം നിർമിക്കണമെന്നും കല്ലിൻ്റെയും മണ്ണിൻ്റെയും റോയൽറ്റി ഒഴിവാക്കണമെന്നും വ്യവസ്ഥകളുണ്ട്. ഈ വിഷയങ്ങളിൽ തീരുമാനമായിട്ടില്ലെന്നും ഫയൽ ധന, നിയമവകുപ്പുകളുടെ പക്കലാണെന്നും ദേശീയപാതാ അതോരിറ്റി പറയുന്നു.
Also Read: കർണാടകത്തിൽ സസ്പെൻസ്: മുഖ്യമന്ത്രിയെ ഖാർഗെ തീരുമാനിക്കും; എംഎൽഎമാരുടെ മനസറിഞ്ഞ് നിരീക്ഷകർ
ഔട്ടർ റിങ് റോഡ് പദ്ധഥിയ്ക്ക് 2967 കോടി രൂപയാണ് ചെലവ്. ചെങ്കോട്ട ഗ്രീൻഫീൽഡ് പദ്ധതിയ്ക്ക് 1192.8 കോടി രൂപയും ചെലവു കണക്കാക്കുന്നു. ഇരുപാതകൾക്കുമുള്ള നടപടികൾ വർഷങ്ങൾക്കു മുൻപു തന്നെ തുടങ്ങിയിരുന്നു. ഔട്ടർ റിങ് റോഡ് പദ്ധതിയ്ക്ക് ഇതിനോടകം മൂന്ന് വില്ലേജുകളിലെ ഹിയറിങ് പൂർത്തിയാക്കിയിട്ടുണ്ട്. 100.87 ഹെക്ടർ ഭൂമി ഏറ്റെടുക്കാനാണ് വിജ്ഞാപനം പുറത്തിറങ്ങിയിട്ടുള്ളത്.
Also Read: ആൾക്കൂട്ട ആക്രമണം: ഇതര സംസ്ഥാന തൊഴിലാളിയുടെ മൃതദേഹം കാണേണ്ടെന്നു ബിഹാറിലെ വീട്ടുകാർ; കോഴിക്കോട് സംസ്‌കരിച്ചു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
