ഇഷ്ടമുള്ളപ്പോൾ മാത്രം ഗ‍ർഭധാരണം; അണ്ഡം സൂക്ഷിച്ചുവെക്കുന്നവരുടെ എണ്ണം അഞ്ചിരട്ടി കൂടി

Authored by Karthik KK | Samayam Malayalam | Updated: 15 May 2023, 11:25 am

ഒരിക്കൽ എടുക്കുന്ന അണ്ഡം എത്രകാലം വരെ വേണമെങ്കിലും സൂക്ഷിക്കാൻ കഴിയും. 21 വർഷത്തിനിടെ സംസ്ഥാനത്ത് പ്രത്യുൽപാദന ചികിത്സാ കേന്ദ്രങ്ങളുടെ എണ്ണം ഏഴിൽ നിന്നും 73 ആയി വർദ്ധിച്ചു.

ഹൈലൈറ്റ്:

ഉപയോഗ ശൂന്യമാകാൻ 20 ശതമാനം സാധ്യത
പ്രത്യുൽപാദന ചികിത്സാ കേന്ദ്രങ്ങളിൽ വർദ്ധനവ്
സംസ്ഥാനത്ത് 73 സ്ഥാപനങ്ങൾ

തിരുവനന്തപുരം: അണ്ഡം സൂക്ഷിച്ചുവെച്ച ശേഷം ഇഷ്ടമുള്ളപ്പോൾ ഗർഭധാരണത്തിന് ഉപയോഗിക്കുന്നവരുടെ എണ്ണം കേരളത്തിൽ വർദ്ധിക്കുന്നു. രണ്ട് വർഷത്തിനിടെ അണ്ഡം ശീതീകരിച്ചുവെക്കുന്നവരുടെ എണ്ണത്തിൽ അഞ്ചിരട്ടി വർദ്ധനയാണ് രേഖപ്പെടുത്തിയിരിക്കുന്നത്. ഒരിക്കൽ എടുക്കുന്ന അണ്ഡം എത്രകാലം വരെ വേണമെങ്കിലും സൂക്ഷിച്ചുവെക്കാൻ കഴിയുമെന്നാണ് ആരോഗ്യരംഗത്തെ വിദഗ്ധർ പറയുന്നത്.

സൂക്ഷിച്ചുവെക്കുന്ന അണ്ഡങ്ങളിൽ 20 ശതമാനം മാത്രമേ ഉപയോഗശൂന്യമാകാൻ സാധ്യതയുള്ളൂവെന്ന് കൊച്ചി അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ പ്രത്യുൽപാദന ചികിത്സാ വിഭാഗം മേധാവിയും പ്രഫസറുമായ ഡോ ഫെസി ലൂയിസ് പറയുന്നു. മനോരമ ഓൺലൈനോടായിരുന്നു പ്രതികരണം.

ഡോ. വന്ദനയുടെ വീട് സന്ദർശിച്ച് സുരേഷ് ഗോപി | Dr. Vandana | Suresh Gopi |

അർബുദം അടക്കമുള്ള രോഗങ്ങളുടെ ചികിത്സയ്ക്ക് വിധേയമാകുമ്പോൾ അണ്ഡോത്പാദനം കുറയാൻ ഇടയുണ്ട്. അതിനാൽ അണ്ഡം സൂക്ഷിച്ചുവെക്കാൻ ഡോക്ടർമാർ നിർദ്ദേശിക്കാറുണ്ട്. ഇത്തരം ചികിത്സയ്ക്ക് വിധേയരാകുന്ന പുരുഷന്മാരുടെ ബീജോത്പാദനം കുറയും. അവരും ബീജം ശീതീകരിണിയിൽ വെക്കാറുണ്ട്. കൂടാതെ പ്രൊഫഷണൽ കാരണങ്ങളാലും ആരോഗ്യ കാരണങ്ങളാലും അണ്ഡം എടുത്ത് സൂക്ഷിച്ചുവെക്കുന്നവരുമുണ്ട്.

‘വന്ദനയെ കുത്തിയത് ഓർമ്മയുണ്ട്, ലക്ഷ്യം പുരുഷ ഡോക്ടറായിരുന്നു’; സന്ദീപിന് മാനസികാരോഗ്യപ്രശ്‌നങ്ങളില്ല, എല്ലാം ഓർമ്മയുണ്ട്

സംസ്ഥാനത്ത് 2002ൽ ഏഴ് പ്രത്യുത്പാദന ചികിത്സാ കേന്ദ്രങ്ങളാണ് ഉണ്ടായിരുന്നത്. എന്നാൽ ഇപ്പോൾ അത് 73 ആയി വർദ്ധിച്ചു. ഇതിൽ 50 എണ്ണത്തിലും അണ്ഡവും ബീജവും ശീതീകരിക്കാൻ സൗകര്യമുണ്ട്. അണ്ഡം എടുക്കാൻ ഒരു ലക്ഷം മുതൽ 1.25 ലക്ഷം വരെ ചെലവാകും. വാ‍ർഷിക ഫീസായി വ‍ർഷം തോറും 20,000 മുതൽ 30,000 രൂപവരെ നൽകണം. ബീജം സൂക്ഷിക്കുന്നതിന് വ‍ർഷം 7,000 രൂപയാണ് ചെലവ്.