മഹാലക്ഷ്മി അഞ്ചാമത് വിവാഹം കഴിച്ച് തട്ടിപ്പിനിരയാക്കിയ മണികണ്ഠന്‍റെ പരാതിയിലാണ് യുവതി അറസ്റ്റിലായത്. ഫേസ്ബുക്കിലൂടെ പരിചയപ്പെട്ട് വിവാഹം കഴിച്ച ശേഷം ആഭരണങ്ങളും പണവുമായി മുങ്ങിയെന്നാണ് മണികണ്ഠന്‍റെ പരാതി. 2022 നവംബർ 18നായിരുന്നു ഇവരുടെ വിവാഹം. കല്യാണം കഴിഞ്ഞ് മൂന്ന് ആഴ്ച കഴിഞ്ഞപ്പോൾ വീട്ടിലേക്ക് എന്ന് പറഞ്ഞുപോയ യുവതി തിരിച്ച് വന്നില്ല. ഫോൺ വിളിച്ചിട്ട് എടുക്കുകയും ചെയ്തില്ല.
Also Read : ജഗദീഷ് ഷെട്ടാറിനെ കോൺഗ്രസ് കൈവിടില്ല; എംഎൽസിയാക്കി മന്ത്രിസഭയിൽ ഉൾപ്പെടുത്തിയേക്കും
ആൾക്കൂട്ട കൊലപാതകം മൃതദേഹം കാണേണ്ടന്ന് കുടുംബം
യാതൊരു വിവരം ഇല്ലാതെ ആയതോടെയാണ് വിവാഹ സമയത്ത് തങ്ങൾ മഹാലക്ഷ്മിക്ക് നൽകിയ എട്ടു പവൻ സ്വർണ ആഭരണങ്ങളും ഒരു ലക്ഷം രൂപയും കാണാനില്ലെന്ന് മണികണ്ഠൻ മനസിലാക്കിയത്. സംശയം തോന്നി മണികണ്ഠൻ വിളിച്ചപ്പോൾ യുവതി ഭീഷണിപ്പെടുത്തുകയായിരുന്നു. തുടർന്ന് വീട്ടുകാർ പോലീസിൽ പരാതി നൽകുകയായിരുന്നു. ഇവരുടെ വിവാഹ സമയത്ത് യുവതിയുടെ കുടുംബാഗങ്ങൾ ചടങ്ങിൽ പങ്കെടുത്തിരുന്നില്ല.
പോലീസ് നടത്തിയ അന്വേഷണത്തിൽ മഹാലക്ഷ്മി സേലത്തുണ്ടെന്ന് മനസിലാക്കുകയായിരുന്നു. തുടർന്ന് ഇവിടെയെത്തിയാണ് പോലീസ് അറസ്റ്റ് ചെയ്തത്. മണികണ്ഠന്‍റെ വീട്ടിൽ നിന്ന് പണവുമായി മുങ്ങിയ മഹാലക്ഷ്മി സിങ്കരാജ് എന്നൊരാളെ പരിചയപ്പെട്ട് ഇയാളെ വിവാഹം കഴിച്ച് ജീവിക്കുകയായിരുന്നു.
Also Read : ‘കേരളത്തിൽ 80 ശതമാനം കമ്മീഷൻ സർക്കാർ, മുഖ്യമന്ത്രി കമ്മീഷൻ ഏജൻ്റാണോ?’; രമേശ് ചെന്നിത്തല
പുരുഷന്മാരെ പരിചയപ്പെട്ട് അവരുമായി അടുപ്പത്തിലാകുന്ന മഹാലക്ഷ്മി വിവാഹം കഴിച്ച് പണവും ആഭരണവുമായി മുങ്ങുകയായിരുന്നു ചെയ്തിരുന്നത്. ഈ പണം കഴിയുന്നതുവരെ ആഡംബര ജീവിതം നയിക്കും. പണം തീരുമ്പോൾ അടുത്തയാളെ വലയിൽ വീഴ്ത്തുകയായിരുന്നു ഇവർ ചെയ്തിരുന്നത്. 17, 15, 14 വയസുള്ള മൂന്ന് മക്കളും യുവതിക്കുണ്ടെന്ന് പോലീസ് പറഞ്ഞു.
