മധ്യപ്രദേശിലെ ഇൻഡോറിൽ ക്ഷേത്രത്തിന് സമീപത്ത് കഴിഞ്ഞ ദിവസം ഒരു വിദ്യാർത്ഥിനിയെ തട്ടിക്കൊണ്ടു പോയിരുന്നു. എന്നാൽ, ഇത് കെട്ടിച്ചമച്ചതാണെന്നാണ് പോലീസ് ഇപ്പോൾ കണ്ടെത്തിയിരിക്കുന്നത്. കോളജ് പരീക്ഷയിൽ തോറ്റ വിദ്യാർത്ഥിനി വീട്ടുകാരുടെ വഴക്ക് ഭയന്ന് മെനഞ്ഞ കഥയാണിത് എന്നാണ് പോലീസ് പറയുന്നത്.
കർണാടകയിൽ ബിജെപിയ്ക്ക് പാളിയതെവിടെ?
കോളേജ് പരീക്ഷാഫലം പ്രഖ്യാപിച്ച് മണിക്കൂറുകൾക്ക് ശേഷമാണ് പെൺകുട്ടി ഓട്ടോഡ്രൈവർ തട്ടിക്കൊണ്ടു പോയതായി പോലീസിൽ പരാതി ലഭിച്ചത്. തന്നെ മകൾ അജ്ഞാത നമ്പറിൽ നിന്നും വിളിച്ചെന്ന് കാണിച്ച് പിതാവ് തന്നെയാണ് പോലീസിനെ സമീപിച്ചത്.
കോളജിലെ അധ്യാപകരിലൊരാൾ ക്ഷേത്രത്തിന് സമീപം വരെ ലിഫ്റ്റ് നൽകിയെന്നും തുടർന്ന് ഓട്ടോയിൽ കയറിയതിന് പിന്നാലെ ഡ്രൈവർ ആളൊഴിഞ്ഞ സ്ഥലത്തേക്ക് കൊണ്ടുപോയെന്നും വായിൽ തുണി തിരുകി ബോധരഹിതയാക്കിയെന്നും പെൺകുട്ടി പറഞ്ഞതായി പിതാവ് നൽകിയ പരാതിയിൽ പറയുന്നു.
സംഭവത്തിൽ പോലീസ് നടത്തിയ അന്വേഷണത്തിൽ പോലീസ് പെൺകുട്ടി പറഞ്ഞ സ്ഥലത്തെ സിസിടിവി ദൃശ്യങ്ങൾ പരിശോധിച്ചെങ്കിലും അത്തരത്തിൽ ഒരു കാര്യം നടന്നതായി കണ്ടെത്താൻ സാധിച്ചില്ല.
പിന്നീട്, വിശദമായ അന്വേഷണത്തിൽ ഇൻഡോറിൽ നിന്ന് 50 കിലോമീറ്റർ അകലെയുള്ള ഉജ്ജയിനിൽ നിന്ന് കണ്ടെത്തുകയായിരുന്നു. ഉജ്ജയിനിലെ ഒരു റെസ്റ്റോറന്റിൽ ഒറ്റയ്ക്ക് ഇരിക്കുന്ന ഒരു പെൺകുട്ടിയെക്കുറിച്ച് പോലീസിന് വിവരം ലഭിക്കുകയായിരുന്നു. ശനിയാഴ്ച വീട്ടുകാർക്ക് കൈമാറുകയുമായിരുന്നുവെന്ന് പോലീസ് പറഞ്ഞു. കോളേജിൽ ബിഎ ഒന്നാം വർഷ വിദ്യാർത്ഥിനിയായ 17 കാരിയാണ് ഇത്തരത്തിൽ ഒരു പണിയൊപ്പിച്ചത്.
Also Read : തമിഴ്നാട്ടിൽ വിഷമദ്യ ദുരന്തം; 10 പേർ മരിച്ചു, നിരവധി പേർ ആശുപത്രിയിൽ
സംശയം തോന്നിയ പോലീസ് പെൺകുട്ടിയെ വിശദമായി ചോദ്യം ചെയ്തതോടെയാണ് നാടകം പൊളിഞ്ഞത്. പിന്നീട്, പെൺകുട്ടിക്ക് വിശദമായ കൗൺസിലിങ്ങ് നൽകി മാതാപിതാക്കൾക്കൊപ്പം വിട്ടുവെന്നും പോലീസ് അറിയിച്ചു.
Read Latest National News and Malayalam News
