പ്രതിസന്ധികളില്‍ താങ്ങ്
ജീവിതം എല്ലായ്‌പ്പോഴും സന്തോഷം മാത്രം നിറഞ്ഞതായിരിക്കുകയില്ല. അതില്‍ സുഖവും ദുഃഖവും ഉണ്ടായിരിക്കും. ചിലപ്പോള്‍ സാമ്പത്തിക ബുദ്ധിമുട്ടുകള്‍ പോലും നമ്മള്‍ നേരിടുന്ന ഒരു ഘട്ടം ഉണ്ടായെന്ന് വരാം. ഇത്തരം അവസരത്തില്‍ നമ്മളെ സഹായിക്കാന്‍ അല്ലെങ്കില്‍ മാനസിമായി പിന്തുണയ്ക്കാന്‍ ആരും ഉണ്ടായില്ലെങ്കിലും വീട്ടുകാര്‍ ഒപ്പം നില്‍ക്കും.
നമ്മള്‍ പ്രതീക്ഷിക്കാത്ത സമയത്ത് ഒപ്പം നില്‍ക്കുന്നവരാണ് വീട്ടുകാര്‍. അവര്‍ അവര്‍ക്ക് പറ്റുന്ന വിധത്തില്‍ നമ്മളെ ആശ്വസിപ്പിക്കാനും അതുപോലെ, നമ്മള്‍ക്ക് വേണ്ട സഹായം അവരെകൊണ്ട് പറ്റുന്ന വിധത്തില്‍ നല്‍കാനും ഇവര്‍ക്ക് സാധിക്കും. ഇത്തരത്തില്‍ ന്മളുടെ പ്രതിസന്ധിഘട്ടത്തില്‍ കിട്ടുന്ന സഹായം അത് മാനസികമായിയും ഒരു ആശ്വാസം നല്‍കുന്നതിന് സഹായിക്കുന്നുണ്ട്.
ഭാവി നിര്‍ണ്ണയിക്കാന്‍ സഹായിക്കും
നമ്മളില്‍ തന്നെ എല്ലാവര്‍ക്കും നല്ലപോലെ ജീവിത ലക്ഷ്യം ഉണ്ട് എന്ന് പറയാന്‍ സാധിക്കുകയില്ല. പലര്‍ക്കും എന്ത് പഠിക്കണം, അല്ലെങ്കില്‍ എങ്ങിനെ സമ്പാദിക്കണം എന്ന ധാരണയൊന്നും ഉണ്ടായെന്ന് വരികയില്ല. അത് ജോലി കിട്ടിയാലും കിട്ടണമെന്നില്ല. കിട്ടുന്ന സാലറിയെല്ലാം തന്നെ സ്വന്തം ആവശ്യങ്ങള്‍ക്കായി ഉപയോഗിച്ച് സേവിംഗ്‌സ് ഇല്ലാത്തവരും നമ്മള്‍ക്കിടയില്‍ ഉണ്ട്.
ഇത്തരം സന്ദര്‍ഭത്തില്‍ പൈസ എങ്ങിനെ സേവ് ചെയ്യണം, അല്ലെങ്കില്‍ ജീവിതത്തില്‍ എങ്ങിനെ ഉത്തരവാദിത്വ ബോധം വരണം എന്നെല്ലാം നമ്മളെ പഠിപ്പിക്കുന്നതും മനസ്സിലാക്കി തരുന്നതും കുടുംബമാണ്.
അത്മവിശ്വാസം ഉള്ള പുതിയ തലമുറയെ വളര്‍ത്തിയെടുക്കാന്‍
ആത്മവിശ്വാസമുള്ള പുതു തലമുറയെ വാർത്തെടുക്കാൻ ഈ ടിപ്സ്
ബന്ധങ്ങള്‍ നിലനിര്‍ത്താന്‍
ഒരു കുടുംബം എന്നത് പലരേയും ബന്ധിപ്പിക്കുന്ന ഒരു ഘടകം കൂടിയാണ്. പല കുടുംബങ്ങളെ, പല വ്യക്തികളെ തമ്മില്‍ ബന്ധിപ്പിക്കുന്നുണ്ട്. ഇവിടെ നല്ല സ്‌നേഹബന്ധം വളര്‍ത്തിയെടുക്കുന്നതിനും എങ്ങിനെ പരസ്പരം സ്‌നേഹിച്ചും സഹകരിച്ചും ജീവിക്കണമെന്നും ഒരു കുടുംബം നമ്മളെ പഠിപ്പിച്ച് തരുന്നു.
ഇത്തരത്തില്‍ ബന്ധങ്ങളെ വികസിപ്പിക്കാനും ജീവിതം എന്തെന്ന് മനസ്സിലാക്കി പഠിക്കാനും ഒരു കുടുംബം അനിവാര്യമാണ്. എന്നാല്‍, ഇന്നത്തെ തിരക്ക് പിടിച്ച ജീവിതത്തില്‍ പലരും വിദേശ രാജ്യങ്ങളില്‍ സ്ഥിരതാമസമാക്കിയവരുണ്ട്. ഇത്തരത്തില്‍ പുറം രാജ്യങ്ങളിലേയ്ക്കുള്ള ഒഴുക്ക് ഇത്തരം കുടുംബാന്തരീക്ഷത്തില്‍ പല മാറ്റങ്ങളും വരുത്തി കഴിഞ്ഞിട്ടുണ്ട്.
കരുതല്‍
എന്ത് വന്നാലും എല്ലാത്തിനും ഒപ്പം ഞങ്ങള്‍ ഉണ്ട് എന്ന് സ്വന്തം മാതാപിതാക്കള്‍ നമ്മളുടെ മുഖത്ത് നോക്കി പറയുമ്പോള്‍ ലഭിക്കുന്ന ആശ്വാസം ചെറുതൊന്നുമല്ല. അപ്പോള്‍ ലഭിക്കുന്ന സന്തോഷവും അത്മധൈര്യവും പറഞ്ഞറിയിക്കാന്‍ സാധിക്കാത്തതാണ്. കുടുംബത്തില്‍ ഉള്ളവര്‍ നമ്മളെ വിശ്വസിക്കുന്ന പോലെ അല്ലെങ്കില്‍ പിന്തുണയ്ക്കുന്നത് പോലെ പുറത്് നിന്നും ആരും നമ്മള്‍ക്ക് ഇത്തരത്തില്‍ നല്ല പിന്തുണ നല്‍കണമെന്നില്ല.
നമ്മള്‍ക്ക് കുറേ സുഹൃത്തുക്കള്‍ ഉണ്ടായിരിക്കാം. പക്ഷേ, അവരാരും നമ്മള്‍ക്കൊരാവശ്യം വരുമ്പോള്‍ ഒപ്പം നില്‍ക്കണമെന്നില്ല. ഇത്തരം അവസരങ്ങളില്‍ നമ്മള്‍ക്ക് വിശ്വസിച്ച് ഒപ്പം ചേര്‍ക്കാന്‍ സാധിക്കുന്നത് നമ്മളുടെ കുടുംബത്തെ മാത്രമാണ്.
Also Read: ബന്ധങ്ങളിൽ ഏകാന്തത അനുഭവപ്പെടാറുണ്ടോ? കാരണങ്ങൾ ഇതാണ്
ആരോഗ്യകരമായ ബന്ധം
പുറം രാജ്യങ്ങളില്‍ നിന്നും നമ്മളുടെ രാജ്യത്തെ വ്യത്യസ്തമാക്കുന്ന ഒരു സംസ്‌ക്കാരമാണ് കുടുംബം. വിദേശരാജ്യങ്ങളില്‍ ഒരു പ്രായം കഴിഞ്ഞാല്‍ മാതാപിതാക്കള്‍ കുട്ടികളുടെ കാര്യത്തില്‍ ഇടപെടില്ല. എല്ലാവര്‍ക്കും അവരവരുടെ ജീവിതം എന്ന കാഴ്ച്ചപ്പാടാണ് അവിടെ നിലനിര്‍ത്തുന്നത്.
ഈ സംസ്‌ക്കാരത്തിന് അതിന്റേതായ ഗുണവും അതുപോലെ തന്നെ ദോഷവശവും ഉണ്ട്. ഇവിടെ മാതാപിതാക്കളും കുട്ടികളും തമ്മിലുള്ള ആത്മബന്ധം നഷ്ടപ്പെടുന്നു. ചില പഠനങ്ങള്‍ പ്രകാരം, വിദേശ രാജ്യങ്ങളില്‍ കുട്ടികള്‍ വളരെയധികം ഏകാന്തത അനുഭവിക്കുന്നുണ്ട് എന്നാണ് പൊതുവേ പറയുന്നത്.
എന്നാല്‍, ഇന്ത്യന്‍ സംസ്‌ക്കാരം പ്രകാരം നമ്മള്‍ കുട്ടികളെ ഏത് പ്രായത്തിലും ചേര്‍ത്ത് പിടിക്കാന്‍ മറക്കാറില്ല. അവര്‍ക്ക് എന്ത് പ്രശ്‌നം വന്നാലും വീട്ടുകാര്‍ ഒപ്പം നില്‍ക്കുന്നു. അതുപോലെ, കുട്ടികളില്‍ ഏകാന്തത അനുഭവിക്കുകയോ, അല്ലെങ്കില്‍ അവരില്‍ മാനസിക പ്രശ്‌നങ്ങള്‍ വരാതെ സംരക്ഷിക്കുന്നതിനും ഇത് സഹായിക്കുന്നുണ്ട്. മാനസകമായി എന്തെങ്കിലും പ്രശ്‌നം നേരിട്ടാല്‍ അത് അമ്മയോടോ അല്ലെങ്കില്‍ അച്ഛനോടോ തുറന്ന് പറയാനുള്ള അവസരം നമ്മള്‍ക്കുണ്ട്. ഇത് മാനസിക പ്രശ്‌നങ്ങള്‍ നല്ലരീതിയില്‍ കുറയ്ക്കാന്‍ സഹായിക്കുന്നു.
