Edited by Karthik KK | Lipi | Updated: 15 May 2023, 6:14 pm
കേരളത്തിലെ വിദ്യാലങ്ങൾ ജൂൺ ഒന്നിന് തുറക്കുമെന്ന് വിദ്യാഭ്യാസമന്ത്രി വിശിവൻകുട്ടി അറിയിച്ചു. എസ്എസ്എൽസി പരീക്ഷ ഫലം മെയ് 20ന് പ്രസിദ്ധീകരിക്കും. പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം മലയൻകീഴ് ബോയ്സ് സ്കൂളിൽ നടക്കും.
ഹൈലൈറ്റ്:
- ഈ വർഷം സ്കൂൾ അന്തരീക്ഷം ഭിന്ന ശേഷി സൗഹൃദമാകും.
- പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം മലയൻകീഴ് ബോയ്സ് സ്കൂളിൽ നടക്കുമെന്നും അദ്ദേഹം അറിയിച്ചു.
- പരിപാടിയിൽ മുഖ്യമന്ത്രി പങ്കെടുക്കും.
Also Read: യുഡിഎഫിനെ നാണം കെടുത്തി, പികെ രാഗേഷും കൂട്ടരും ഇനി പാർട്ടിക്ക് പുറത്ത്, കണ്ണൂരിൽ വീണ്ടും പ്രതിസന്ധിയിലായി കോൺഗ്രസ്
ഈ വർഷം സ്കൂൾ അന്തരീക്ഷം ഭിന്ന ശേഷി സൗഹൃദമാകും. പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം മലയൻകീഴ് ബോയ്സ് സ്കൂളിൽ നടക്കുമെന്നും അദ്ദേഹം അറിയിച്ചു. പരിപാടിയിൽ മുഖ്യമന്ത്രി പങ്കെടുക്കും. വിദ്യാർത്ഥികൾക്കായി സ്കൂളുകൾ വിപുലമായി ഒരുക്കുമെന്ന് അദ്ദേഹം വ്യക്തമാക്കി. അതേസമയം സ്കൂളുകളിലെ അറ്റകുറ്റ പണികൾ നേരത്തെ പൂർത്തിയാക്കാൻ അറിയിച്ചിട്ടുണ്ട്. ഗ്രീൻ ക്യാമ്പസ് ക്ലീൻ കാമ്പസ് എന്ന ആശയത്തിലൂന്നിയാകും മുന്നോട്ടു പോകുക. ലഹരി വിരുദ്ധ ക്യാമ്പയിൻ സ്കൂളുകളിൽ ശക്തമാക്കും. കൂടാതെ, സ്കൂൾ ക്യാംപസ് മറ്റു ആവശ്യങ്ങൾക്ക് നൽകരുതെന്ന് അറിയിച്ചതായും മന്ത്രി വ്യക്തമാക്കി.
എഐ ക്യാമറ വിവാദത്തിൽ മുഖ്യമന്ത്രിയെ വിമർശിച്ച് ചെന്നിത്തല
അതേസമയം മൂല്യനിർണയത്തിന് എത്താതിരുന്ന അധ്യാപകർക്ക് നോട്ടീസ് നൽകിയെന്ന് മന്ത്രി അറിയിച്ചു. ചില അധ്യാപകർ കാരണമില്ലാതെ എസ്എസ്എൽസി പരീക്ഷ പേപ്പർ മൂല്യനിർണയത്തിന് എത്തിയില്ലെന്ന് മന്ത്രി കുറ്റപ്പെടുത്തി. പരീക്ഷ പേപ്പർ മൂല്യനിർണയത്തിൽ എത്താതിരുന്ന 3006 അധ്യാപകർക്ക് നോട്ടീസ് നൽകിയതായി മന്ത്രി വ്യക്തമാക്കി. പൊതു വിദ്യാഭ്യാസ സ്ഥാപനങ്ങളിലെ അധ്യാപകർ പ്രൈവറ്റ് ട്യൂഷന് പോകാൻ പാടില്ലെന്നും മന്ത്രി അറിയിച്ചു. ഇത്തരക്കാരെ കണ്ടെത്താൻ ഈ വർഷം മുതൽ സ്ക്വാഡിനെ സജീവമാക്കുമെന്നും മന്ത്രി പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
