‘രാവിലെയും വൈകിട്ടും നിലപാട് മാറ്റുന്നവരല്ല ഞങ്ങൾ’; ചെന്നിത്തലയ്ക്ക് ചുട്ടമറുപടിയുമായി റോഷി അഗസ്റ്റിൻ

കോട്ടയം: കേരളാ കോൺഗ്രസ് (എം) ജോസ് കെ മാണി വിഭാഗത്തെ യുഡിഎഫിലേക്ക് ക്ഷണിച്ച രമേശ് ചെന്നിത്തലയ്ക്ക് മറുപടിയുമായി മന്ത്രി റോഷി അഗസ്റ്റിൻ. രാവിലെയും വൈകിട്ടുമായി നിലപാട് മാറ്റുന്നവരല്ല ഞങ്ങൾ. കേരളാ കോൺഗ്രസ് ജോസ് കെ മാണി വിഭാഗം യുഡിഎഫിൽ നിന്ന് പുറത്ത് പോയതല്ല. യുഡിഎഫ് പുറത്താക്കുകയായിരുന്നുവെന്ന് ഓർമ്മിക്കണമെന്ന് റോഷി തുറന്നടിച്ചു.

ഡ്രൈവർ ഉറങ്ങിപ്പോയതോ? തെറ്റായ ദിശയിൽ കാർ; ലോറിയും കാറും കൂട്ടിയിടിച്ച് യുവാക്കൾക്ക് ദാരുണാന്ത്യം

യുഡിഎഫിലേക്കുള്ള ക്ഷണത്തിൽ സന്തോഷമുണ്ടെങ്കിലും എൽഡിഎഫിൽ തുടരാനാണ് ജോസ് കെ മാണി വിഭാഗത്തിൻ്റെ തീരുമാനമെന്ന് മന്ത്രി റോഷി അഗസ്റ്റിൻ പറഞ്ഞു. ഞങ്ങളെ മുന്നണിയിൽ നിന്ന് പുറത്താക്കിയ തീരുമാനം തെറ്റായിപ്പോയെന്ന് യുഡിഎഫ് മനസിലാക്കിയതിൽ സന്തോഷമുണ്ട്. കേരളാ കോൺഗ്രസ് (എം) എൽഡിഎഫിൽ ഉറച്ച് നിൽക്കുമെന്നും അദ്ദേഹം കൂട്ടിച്ചേർത്തു.

കർണാടകയിൽ ബിജെപിയ്ക്ക് പാളിയതെവിടെ?

ജോസ് കെ മാണി വിഭാഗം യുഡിഎഫിലേക്ക് മടങ്ങിയെത്തിയാൽ നന്നായിരിക്കുമെന്നായിരുന്നു മുൻ പ്രതിപക്ഷ നേതാവ് കൂടിയായ രമേശ് ചെന്നിത്തല കഴിഞ്ഞ ദിവസം പറഞ്ഞത്. പാർട്ടി വിട്ടവരും മുന്നണി വിട്ടവരെയും ഒപ്പം നിർത്താനും മടക്കി കൊണ്ടുവരാനുമുള്ള കോൺഗ്രസ് നീക്കത്തിൻ്റെ ഭാഗമായിട്ടായിരുന്നു ചെന്നിത്തലയുടെ പ്രതികരണം. വയനാട്ടിൽ നടന്ന കെപിസിസിയുടെ ലീ‍ഡേഴ്സ് മീറ്റിൽ ഇക്കാര്യങ്ങൾ ചർച്ചയായെന്നാണ് റിപ്പോർട്ട്.

‘കേരളത്തിൽ 80 ശതമാനം കമ്മീഷൻ സർക്കാർ, മുഖ്യമന്ത്രി കമ്മീഷൻ ഏജൻ്റാണോ?’; രമേശ് ചെന്നിത്തല

കേരളാ കോൺഗ്രസ് ജോസ് കെ മാണി വിഭാഗം യുഡിഎഫിലേക്ക് വരുന്നതിൽ സന്തോഷമെന്നായിരുന്നു വാർത്താസമ്മേളനത്തിൽ മാധ്യമ പ്രവർത്തകരുടെ ചോദ്യത്തിന് മറുപടിയായി ചെന്നിത്തല പറഞ്ഞത്. ഇത് സംബന്ധിച്ച് ചർച്ചകളൊന്നും നടന്നിട്ടില്ല. അവർ യുഡിഎഫിൻ്റെ ഭാഗമായിരുന്നു, തിരിച്ചുവന്നാൽ സന്തോഷം എന്നായിരുന്നു അദ്ദേഹത്തിൻ്റെ പ്രതികരണം.

യുഡിഎഫിലേക്ക് ക്ഷണിച്ച രമേശ് ചെന്നിത്തലയ്ക്ക് മറുപടി നൽകാൻ കേരളാ കോൺഗ്രസ് (എം) ചെയർമാൻ കൂടിയായ ജോസ് കെ മാണി ഇതുവരെ തയ്യാറായിട്ടില്ല. കേരളാ കോൺഗ്രസ് (എം) ജോസ് കെ മാണി വിഭാഗം മുന്നണിയിലേക്ക് മടങ്ങിയെത്തുന്നതിനോട് അനുകൂല നിലപാടാണ് കെപിസിസി പ്രസിഡൻ്റ് കെ സുധാകരൻ ഉൾപ്പെടെയുള്ളവർക്ക്. എന്നാൽ, ഇക്കാര്യം ഔദ്യോഗികമായി വ്യക്തമാക്കാൻ നേതൃത്വം തയ്യാറായിട്ടില്ല.

മെഗാ ഇവന്റെന്നും പറഞ്ഞ് പിരിച്ചത് 8 ലക്ഷം രൂപ, ഒന്നും പറയാതെ സംഘാടകർ മുങ്ങി, കാണികളെ നിരാശരാക്കാതെ കണ്ണൂർ ഷരീഫ് അടക്കമുള്ള കലാകാരന്മാർ

നിലവിലെ രാഷ്ട്രീയ സാഹചര്യത്തിൽ ജോസ് കെ മാണിയെ പോലെ ഒരു നേതാവിനെ ഒപ്പം നിർത്താൻ സാധിച്ചാൽ മുന്നണിക്ക് നേട്ടമാകുമെന്ന വിശ്വാസം കോൺഗ്രസിനുണ്ട്. കോട്ടയം ജില്ലാ പഞ്ചായത്ത് പ്രസിഡൻ്റ് സ്ഥാനം രാജിവെക്കുന്നതിനെ ചൊല്ലിയുള്ള തർക്കം മുറുകുന്നതിനിടെയാണ് കേരളാ കോൺഗ്രസ് (എം) ജോസ് കെ മാണി വിഭാഗത്തെ യുഡിഎഫ് മുന്നണിയിൽ നിന്ന് പുറത്താക്കിയത്.