നോയ്ഡയിൽ നിന്ന് ഡൽഹി-മുംബൈ എക്സ്പ്രസ്‌വേയിലേക്ക് യാത്രാസമയം 3 മണിക്കൂറാകും; വെർട്ടിക്കൽ ഗാർഡൻ വരും; പുതിയ ആറുവരിപ്പാതയുടെ മനോഹര ദൃശ്യങ്ങൾ പുറത്ത്

Authored by Santheep Kariyan | Samayam Malayalam | Updated: 15 May 2023, 9:42 pm

ദേശിയപാതാ അതോരിറ്റി പുതിയൊരു ആറുവരിപ്പാതയുടെ നിർമ്മാണത്തിലാണ്. നോര്‍ത്ത്/ഈസ്റ്റ് ഡൽഹിയും, നോയ്ഡയും ഗാസിയാബാദും തമ്മിലുള്ള കണക്ടിവിറ്റി മെച്ചപ്പെടുത്തുന്ന ഈ പാത നിരവധി ഹൈവേകളുമായി കണക്ട് ചെയ്യുന്നുണ്ട്.

Jaitpur-Pushta Road to the junction near the KMP Expressway

പുതിയൊരു ആറുവരിപ്പാത തയ്യാറാവുകയാണ് ഡൽഹിയിൽ. ആറുവരിയിലുള്ള ഈ കൺട്രോൾഡ് ഹൈവേ തുടങ്ങുന്നത് ഡിഎൻഡി മഹാറാണ് മാർഗിൽ നിന്നാണ്. നാഷണൽ ഹൈവേ 148എൻഎ ജയ്പൂർ-പുഷ്ത റോഡ് സെക്ഷനിലെ ജങ്ഷൻ വരെയാണ് പാത. നോര്‍ത്ത്/ഈസ്റ്റ് ഡൽഹിയും, നോയ്ഡയും ഗാസിയാബാദും തമ്മിലുള്ള കണക്ടിവിറ്റി മെച്ചപ്പെടുത്തും ഈ പാത. പ്രധാനപ്പെട്ട നിരവധി ഹൈവേകളുമായും ഈ പാത ബന്ധപ്പെടുമെന്നതിനാൽ വലിയ യാത്രാസൗകര്യമാണ് ജനങ്ങൾക്കുണ്ടാവുക. നോയ്ഡ-ഡൽഹി ഫ്ലൈവേയ്സ്, ഡൽഹി മീററ്റ് ഹൈവേ, കുണ്ഡിൽ-മനെസർ-പാൽവാല്‍ മോട്ടോർവേ, എൻഎച്ച് 2 എന്നീ ഹൈവേകളുമായും കണക്ടിവിറ്റി മെച്ചപ്പെടും.ഭാരത്മാല പ്രൊജക്ടിന്റെ ഭാഗമായാണ് ഈ ആറുവരി ഹൈവേ നിർമ്മിക്കുന്നത്. 50 കിലോമീറ്ററാണ് ഈ ഹൈവേയുടെ നീളം. 2,627 കോടി രൂപയാണ് പദ്ധതിച്ചെലവ്.

ഡല്‍ഹി, ഹരിയാന, ഉത്തർപ്രദേശ് എന്നീ സംസ്ഥാനങ്ങളുടെ റോഡ് ട്രാഫിക്കിൽ ഗുണപരമായ വലിയ മാറ്റങ്ങളുണ്ടാക്കാൻ ചെറുതെങ്കിലും ഈ ഹൈവേക്ക് സാധിക്കും. നിരവധി ഹൈവേകളുമായി ബന്ധപ്പെടുന്നുവെന്നതു തന്നെയാണ് ഇതിനു കാരണം. മുംബൈ എക്സ്പ്രസ്‌വേയിലേക്ക് എത്തിച്ചേരാനെടുക്കുന്ന സമയം വലിയതോതിൽ കുറയ്ക്കും ഈ പാത.

ഈ ആറുവരിപ്പാതയുടെ എലിവേഷൻ വരുന്ന ഭാഗങ്ങളിൽ വെർട്ടിക്കൽ ഗാർഡനുകൾ സെറ്റ് ചെയ്യാനും പദ്ധതിയുണ്ട്. പാരിസ്ഥിതികമായ നേട്ടങ്ങൾക്കൊപ്പം പാതയുടെ ഭംഗി വലിയതോതിൽ കൂട്ടുന്ന നടപടിയായിരിക്കും ഇത്.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക