ജയിച്ചതിന് പിന്നാലെ വനിത എംഎൽഎയുടെ സ്വകാര്യ ചിത്രങ്ങളടക്കം പുറത്തുവിട്ട് സൈബർ ആക്രമണം; പ്രതികരണവുമായി യുവ എംഎൽഎ

വ്യക്തിജീവിതവും രാഷ്ട്രീയവും രണ്ടായി കാണണമെന്ന് ട്വിറ്ററിൽ പങ്കുവച്ച കുറിപ്പിൽ നയന പറയുന്നു. തന്റെ പേരിൽ പ്രചരിക്കുന്ന സ്വകാര്യ ചിത്രങ്ങളുടെ കൊളാഷ് ചെയ്ത വീഡിയോയും അവർ പങ്കുവച്ചിട്ടുണ്ട്.

തനിക്കെതിരെ നടക്കുന്ന സൈബർ ആക്രമണത്തിന് പിന്നിൽ പരാജയപ്പെട്ടവരുടെ മോഹഭംഗമാണെന്നും ഇതിലൂടെ തന്നെ തളർത്താനാകില്ലെന്നും അവർ സമൂഹമാധ്യമങ്ങളിലൂടെ വ്യക്തമാക്കിയിട്ടുണ്ട്. പരാജയത്തിന്റെ ഇച്ഛാഭംഗം നിങ്ങളെ വേട്ടയാടരുത്. രാഷ്ട്രീയവും വ്യക്തിജീവിതവും എന്താണ് എന്ന തിരിച്ചറിയാത്ത വിഡ്ഢികൾക്കുള്ള ഉത്തരമാണിത്. എന്നായിരുന്നു ഇവരുടെ കുറിപ്പ്.

ഇത്തരത്തിൽ സൈബർ ആക്രമണങ്ങളെ എങ്ങനെ നേരിടണമെന്ന് തനിക്ക് അറിയാമെന്നും അവർ കൂട്ടിച്ചേർത്തു. കർണാടക നിയമസഭയിലെ ഏറ്റവും പ്രായം കുറഞ്ഞ വനിത എംഎൽഎയാണ് 43കാരിയായ നയന. ബിജെപിയുടെ ദീപക് ദൊദ്ദയ്യയെ കുറഞ്ഞ ഭൂരിപക്ഷത്തിലാണ് ഇവർ പരാജയപ്പെടുത്തിയത്. നാഷണൽ ലോ സ്കൂളിൽ പഠിച്ച ഇവർ പെൻസൽവേനിയ സർവകലാശാലയിൽ നിന്നാണ് ബിരുദാനന്തര ബിരുദം സ്വന്തമാക്കിയത്.

Also Read : വേനൽ തിരക്ക് കൂടുതൽ: 380 പ്രത്യേക ട്രെയിനുകളിലായി മൊത്തം 6,369 ട്രിപ്പുകൾ ഒരുക്കി ഇന്ത്യൻ റെയിൽവേ

നിയമസഭയിലേക്ക് നയനയ്ക്ക് പുറമേ, കോൺഗ്രസിന്റെ മൂന്ന് വനിതകളാണ് തെരഞ്ഞെടുക്കപ്പെട്ടത്. ബെലഗാവി റൂറൽ മണ്ഡലത്തിൽ നിന്നും ലക്ഷ്മി ഹെബ്ബാൾക്കർ, കലബുറഗി നോർത്ത് മണ്ഡലത്തിൽ നിന്നും കനീസ് ഫാത്തിമ, കെജിഎഫ് മണ്ഡലത്തിൽ നിന്നും രൂപകല എന്നിവരാണുള്ളത്. ഇത്തവണ 185 വനിതാ സ്ഥാനാർത്ഥികളാണ് ഇത്തവണ രംഗത്തുണ്ടായിരുന്നത്. അതേസമയം, ഇതിൽ നിന്നും പത്ത് പേർ വിജയിച്ചത്.

Read Latest National News and Malayalam News