അടുത്ത തലമുറയെ പ്രചോദിപ്പിക്കുക
ഇല്‍മി സര്‍ഗ്ഗാത്മകതയുടെയും പഠനത്തിന്റെയും ഒരു വഴിവിളക്കായിരിക്കുമെന്ന് സാറ രാജകുമാരി പറഞ്ഞു: സൗദി അറേബ്യയിലെ എല്ലാ ചെറുപ്പക്കാര്‍ക്കും ആജീവനാന്ത പഠിതാക്കള്‍ക്കും അവരുടെ കഴിവുകള്‍ തിരിച്ചറിയാനും രാജ്യത്തിനായി കൂടുതല്‍ മുന്നേറ്റങ്ങള്‍ നടത്താനും ഭാവി രൂപപ്പെടുത്താനും ഇത് അവസരം പ്രദാനം ചെയ്യും. ഒരുമിച്ച്, നാമെല്ലാവരും ഇല്‍മി സൃഷ്ടിക്കുമെന്നും നമ്മുടെ അടുത്ത തലമുറയെ പ്രചോദിപ്പിക്കുകയും പിന്തുണയ്ക്കുകയും ചെയ്യുമെന്നും പ്രതീക്ഷിക്കുന്നതായും അവര്‍ അറിയിച്ചു.
ഹമ്മദ് ബിന്‍ സല്‍മാന്‍ നോണ്‍പ്രോഫിറ്റ് സിറ്റിയില്‍ 2025
സൗദി അറേബ്യയിലുടനീളമുള്ള ചെറുപ്പക്കാര്‍ സ്ട്രീം വിഷയങ്ങളുമായി എങ്ങനെ മികച്ച ബന്ധം പുലര്‍ത്തുന്നു എന്നതിന്റെ വിശദവും ഗുണനിലവാരമുള്ളതുമായ ഒരു ചിത്രം മുന്നോട്ടുവയ്ക്കാന്‍ ശ്രമിക്കുന്ന സവിശേഷമായ ഒരു സമീപനമാണ് ഇല്‍മിയുടെ കാതല്‍. ഈ വിവരങ്ങള്‍ ഉപയോഗിച്ച്, യുവാക്കള്‍ക്കൊപ്പം, രക്ഷിതാക്കള്‍, അധ്യാപകര്‍, പഠന വിദഗ്ധര്‍, തൊഴിലുടമകള്‍, ശാസ്ത്രജ്ഞര്‍, ക്രിയേറ്റീവ് വ്യക്തികള്‍, സംരംഭകര്‍ എന്നിവരും കൈകോര്‍ക്കും. റിയാദിലെ മുഹമ്മദ് ബിന്‍ സല്‍മാന്‍ നോണ്‍പ്രോഫിറ്റ് സിറ്റിയില്‍ 2025 ഓടെ നിര്‍മാണം പൂര്‍ത്തിയാവുന്ന ഇല്‍മി സെന്റര്‍ പഠന, ഗവേഷണ പ്രവര്‍ത്തനങ്ങളുടെ കേന്ദ്രമായി മാറും. 27,000 ചതുരശ്ര മീറ്റര്‍ വിസ്തൃതിയില്‍ വ്യാപിച്ചുകിടക്കുന്നു കേന്ദ്രം ഏറ്റവും പുതിയതും പ്രകൃതി സൗഹൃദവും സര്‍ഗാത്മകവുമായ രീതിയിലാകും പടുത്തുയര്‍ത്തുകയെന്നും അവര്‍ അറിയിച്ചു.
നല്ല വിളവാണ് പരീക്ഷണ കൃഷിയില്‍ ലഭിച്ചതെന്ന് കര്‍ഷകനായ സുരേഷ്
നല്ല വിളവാണ് പരീക്ഷണ കൃഷിയില്‍ ലഭിച്ചതെന്ന് കര്‍ഷകനായ സുരേഷ് | Sesame
സൗദി പ്രസ് ഏജൻസി പുറത്തുവിട്ട ട്വീറ്റ്
പുതിയ സ്ട്രീം കമ്മ്യൂണിറ്റി
സൗദി അറേബ്യയില്‍ ഒരു പുതിയ സ്ട്രീം കമ്മ്യൂണിറ്റി കെട്ടിപ്പടുക്കുന്നതിനായി രൂപകല്‍പ്പന ചെയ്തിരിക്കുന്ന വിവിധ ഇന്‍സ്റ്റാളേഷനുകള്‍, ഇവന്റുകള്‍, സംഭാഷണങ്ങള്‍, പ്രകടനങ്ങള്‍, പഠന പങ്കാളി പ്രോഗ്രാമുകള്‍ എന്നിവയ്ക്ക് കേന്ദ്രം മേല്‍നോട്ടം വഹിക്കും. സൗദി അറേബ്യയിലുടനീളമുള്ള പുതിയ പഠന അനുഭവങ്ങളെ സംയോജിപ്പിച്ച് ഒരു സംയോജിത ഡിജിറ്റല്‍ പ്ലാറ്റ്‌ഫോമും ഇല്‍മി വാഗ്ദാനം ചെയ്യുന്നുണ്ട്. ഈ വര്‍ഷം തന്നെ ഇല്‍മിയുടെ ഡിജിറ്റല്‍ പ്ലാറ്റ്‌ഫോമിന് തുടക്കമാവും. ഇതുവഴി പദ്ധതിയെ കൂടുതല്‍ ശക്തമാക്കാനുതകുന്ന വിവിധ മല്‍സരങ്ങള്‍ സംഘടിപ്പിക്കുമെന്നും അവര്‍ വ്യക്തമാക്കി
