സർക്കാർ മാനദണ്ഡങ്ങൾ പാലിച്ച് മെയ്ക്ക് ഇൻ ഇന്ത്യ പദ്ധതിയുടെ ഭാഗമായാണ് ട്രെയിനുകൾ നിർമിക്കുകയെന്ന് എംആർവിസി ചീഫ് പബ്ലിക് റിലേഷൻസ് ഓഫീസർ സുനിൽ ഉദാസി വ്യക്തമാക്കി. മുംബൈ നഗരത്തിൻ്റെ ഭാഗമായ അഞ്ച് ജില്ലകളെ ബന്ധിപ്പിച്ച് 319 കിലോമീറ്റർ ദൂരത്തിലാണ് നിലവിൽ സബർബൻ ട്രെയിനുകൾ ഓടുന്നത്. സെൻട്രൽ റെയിൽവേയും വെസ്റ്റേൺ റെയിൽവേയും ചേ‍ർന്നാണ് സബർബൻ ട്രെയിനുകൾ നടത്തുന്നത്. മുംബൈ, മുംബൈ സബർബൻ, താനെ, പാൽഘർ, റായ്ഗ‍ഡ് ജില്ലകളെ മുംബൈ സബർബൻ ട്രെയിൻ ബന്ധിപ്പിക്കുന്നുണ്ട്. അടുത്ത കാലത്തായി എസി സബർബൻ ട്രെയിനുകളും മുംബൈയിൽ ഓടുന്നുണ്ട്. എന്നാൽ ട്രെയിനുകൾക്കെല്ലാം പകരമായി വന്ദേ മെട്രോ ട്രെയിനുകൾ വരുന്നതോടെ യാത്രാസുഖവും സുരക്ഷയും വലിയ തോതിൽ ഉയരുമെന്നാണ് മുംബൈ കോർപ്പറേഷൻ പ്രതീക്ഷിക്കുന്നത്.
മെട്രോ ട്രെയിനുകൾക്ക് സമാനമായ സൗകര്യങ്ങളോടെ ബ്രോഡ്ഗേജ് ട്രാക്കിൽ ഓടാൻ സാധിക്കുന്ന ട്രെയിനുകളാണ് വന്ദേ മെട്രോ ട്രെയിനുകൾ. 100 കിലോമീറ്ററിൽ താഴെ മാത്രമുള്ള യാത്രകൾക്കായാണ് ഈ ട്രെയിനുകൾ തയ്യാറാക്കുന്നത്. ലോക്കോപൈലറ്റിനു നിയന്ത്രിക്കാവുന്ന വാതിലുകൾ, സീൽ ചെയ്ത ഗാങ്‍വേ, ഭംഗിയും പ്രകാശവുമുള്ള ഇൻ്റീരിയർ, വലിയ ജനലുകൾ, സിസിടിവി ക്യാമറകൾ തുടങ്ങിയവ വന്ദേ മെട്രോ ട്രെയിനുകളിലുണ്ടാകും. ഇന്ത്യ തദ്ദേശീയമായി നിർമിക്കുന്ന വന്ദേ മെട്രോ ട്രെയിനുകളുടെ പ്രോട്ടോടൈപ്പ് ഇതുവരെ പുറത്തിറങ്ങിയിട്ടില്ല.
രക്തസാക്ഷികൾ അനാവശ്യമായി കലഹിക്കാൻ പോയവർ, അപ്പോസ്തലന്‍മാർ അവരെപോലെയല്ല, വിവാദ പ്രസ്താവയുമായി പാംപ്ലാനി
അതേമസമയം, നിലവിലെ എസി സബർബൻ ട്രെയിനുകളുടെ കുറവുകൾ നികത്തിയായിരിക്കും വന്ദേ മെട്രോ ട്രെയിനുകൾ എത്തുക. നഗരത്തിലെ ഡബ്ബാവാലകൾ അടക്കമുള്ളവർക്ക് ലഗേജ് സൂക്ഷിക്കാനായി പ്രത്യേക എസി വെൻ്റുകളോടു കൂടിയ രണ്ട് ലഗേജ് കംപാർട്ട്മെൻ്റുകളും ട്രെയിനുകളിലുണ്ടാകും. ഓരോ ട്രെയിനിൻ്റെയും മുന്നിലും പിന്നിലുമായിരിക്കും ഇവയുടെ സ്ഥാനം. മുംബൈ മെട്രോ ട്രെയിനുകളിൽ ഈ സൗകര്യമില്ലാത്തത് വലിയ വിമ‍ർശനത്തിന് ഇടയാക്കിയിരുന്നു. ട്രെയിനുകളിലെ പരമ്പരാഗത യാത്രക്കാരെക്കൂടി ഉൾപ്പെടത്തുക എന്ന ലക്ഷ്യത്തോടെയാണ് വന്ദേ മെട്രോ ട്രെയിനുകളിലെ ഡിസൈൻ മാറ്റം. ട്രെയിനുകളുടെ അറ്റകുറ്റപ്പണികൾക്കായി രണ്ട് ഡിപ്പോകളും സ്ഥാപിക്കും.
റാന്‍, ഇവ, നോവ കൂട്ടത്തിൽ കുഞ്ഞ് കേശുവും; പറശിനിക്കടവ് സ്‌നേക്ക് പാര്‍ക്കിന് കൗതുകമായി നവാതിഥികളെത്തി
വേനൽക്കാലത്ത് ചൂടുവ‍ർധിച്ചതോടെ മുംബൈയിൽ എസി സബർബൻ ട്രെയിനുകൾക്ക് ആവശ്യക്കാർ വർധിച്ചിരുന്നു. ഈ സാഹചര്യത്തിലാണ് ശീതീകരിച്ച ട്രെയിനുകളുടെ വലിയ ഫ്ലീറ്റ് തന്നെ മുബൈയിലേയ്ക്ക് എത്തുന്നത്. മുംബൈ മെട്രോയ്ക്കൊപ്പം സൗകര്യങ്ങളോടെ സബർബൻ ട്രെയിൻ ശൃംഖലയും നവീകരിക്കപ്പെടുന്നതോടെ ലോകോത്തര നിലവാരത്തിലുള്ള റെയിൽ ഗതാഗതമായിരിക്കും രാജ്യത്തിൻ്റെ വ്യവസായതലസ്ഥാനത്ത് ഉണ്ടാകുക.
