രാജസ്ഥാനിലെ ഭിൽവാഡ സ്വദേശിയായ സംഗീത ലഖ്‌റ (28) ആണ് മരിച്ചത്. കഴിഞ്ഞ വർഷം ഫെബ്രുവരി 10നാണ് സംഗീതയുടെ ഭർത്താവ് മരണപ്പെട്ടത്. ഭർതൃവീട്ടിൽ നിന്നും താൻ ഏൽക്കേണ്ടവന്ന മാനസിക പീഡനത്തെക്കുറിച്ച് യുവതി ഡയറിയിൽ കുറിച്ചിരുന്നു. സംഭവത്തിൽ യുവതിയുടെ പിതാവ് ഭർതൃമാതാവിനും മറ്റ് നാല് ബന്ധുക്കൾക്കുമെതിരെ പരാതി നൽകി. മകളെ ആത്മഹത്യക്ക് പ്രേരിപ്പിച്ചുവെന്നാണ് പരാതി. തന്റെ മകൾ ഒരു വർഷത്തോളമായി വിഷാദരോഗം അനുഭവിച്ചു വരികയായിരുന്നുവെന്ന് പരാതായിൽ പറയുന്നു.
പൂക്കോട്ടുമണ്ണ സ്വദേശി അബ്ദുൽ കരീമാണ് അറസ്റ്റിലായത്
മെയ് 10ന് യുവതിയെ കാണാതാകുകയും 11ന് മൃതദേഹം സബർമതിയിൽ നിന്നും കണ്ടെത്തുകയുമായിരുന്നു. താൻ ആത്മഹത്യ ചെയ്യാൻ പോകുകയാണെന്നും തന്നോട് ക്ഷമിക്കണമെന്നും സഹോദരന് അയച്ച സന്ദേശത്തിൽ സംഗീത പറയുന്നുണ്ട്.
“സതി അനുഷ്ഠിക്കാൻ ആവശ്യപ്പെട്ട് ഭർതൃമാതാവ് കൈലാഷ് ദേവി ലഖറയും മറ്റ് ബന്ധുക്കളും നിർബന്ധിക്കുകയാണ്. സൽസ്വഭാവമുള്ള പെണ്ണാണെങ്കിൽ സതി അനുഷ്ഠിക്കണമെന്ന് ഭർതൃമാതാവ് എപ്പോഴും പറയാറുണ്ട്.” യുവതിയുടെ ആത്മഹത്യാ കുറിപ്പിൽ പറയുന്നു.
ജയിച്ചതിന് പിന്നാലെ വനിത എംഎൽഎയുടെ സ്വകാര്യ ചിത്രങ്ങളടക്കം പുറത്തുവിട്ട് സൈബർ ആക്രമണം; പ്രതികരണവുമായി യുവ എംഎൽഎ
അപകടത്തെ തുടർന്നായിരുന്നു സംഗീതയുടെ ഭർത്താവ് വിഷ്ണു കുമാറിന്റെ മരണം. ഭർത്താവിന്റെ മരണശേഷവും ഭർതൃവീട്ടിലാണ് സംഗീത കഴിഞ്ഞിരുന്നത്. എന്നാൽ ഭർതൃമാതാവിന്റെയും ബന്ധുക്കളുടെയും മാനസിക പീഡനം താങ്ങാൻ കഴിയാതെ വന്നതോടെ സ്വന്തം വീട്ടിലേക്ക് താമസം മാറ്റി. നിരന്തര മാനസികപീഡനം നിമിത്തം മകൾ വിഷാദരോഗിയായി മാറിയെന്ന് പരാതിയിൽ പറയുന്നു.
സബർബൻ പഴങ്കഥയാകും, മുംബൈയിലേയ്ക്ക് വരുന്നു 238 വന്ദേ മെട്രോ ട്രെയിനുകൾ, ലോകോത്തര നിലവാരത്തിലേയ്ക്ക് മുംബൈ ഗതാഗതം
ഏപ്രിൽ അവസാന ആഴ്ചവരെ സൂറത്തിലെ ഒരു മാളിൽ സംഗീത ജോലിക്ക് പോയിരുന്നു. മെയ് 10ന് ജോലി സ്ഥലത്തേക്ക് പോയ സംഗീത മടങ്ങിവന്നില്ല. അഹമ്മദാബാദ് നഗരത്തിലായിരുന്നു സംഗീതയുടെ അവസാന ടവർ ലൊക്കേഷൻ. തൊട്ടടുത്ത ദിവസമാണ് സംഗീതയുടെ മൃതദേഹം കണ്ടെടുത്തത്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങൾ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെൽപ്പ്‍ലൈൻ – 1056, 0471-2552056 ടോൾ ഫ്രീ)
