ചുരുങ്ങിയ ദിവസങ്ങളിൽ ചർമ്മത്തിലെ കരുവാളിപ്പ് മാറ്റാം ഇങ്ങനെ

​കരുവാളിപ്പ് അകറ്റാൻ

സൂര്യപ്രകാശം ചർമ്മത്തിൽ കരുവാളിപ്പ് മാത്രമല്ല ഉണ്ടാക്കുക, ഭാവിയിൽ കറുത്ത പാടുകൾ, ഹൈപ്പർപിഗ്മെന്റേഷൻ പോലുള്ള ചർമ്മ പ്രശ്‌നങ്ങൾക്ക് കാരണമായി മാറുകയും ചെയ്തേക്കാം. മിക്കവാറും എല്ലാവരും അഭിമുഖീകരിക്കുന്ന സൗന്ദര്യ പ്രശ്‌നമായ മുഖത്തെ കരുവാളിപ്പ് അകറ്റാനായി നിങ്ങൾക്ക് പരീക്ഷിക്കാൻ കഴിയുന്ന ചില വീട്ടുവൈദ്യങ്ങൾ ഉണ്ട്. വിലകൂടിയ ഡി-ടാനിംഗ് ചികിത്സകളുടെ പിറകേ പോയി കാശ് കളയുന്നതിന് പകരം ചില പ്രകൃതിദത്ത മാർഗങ്ങൾ പരീക്ഷിക്കുകയാണെങ്കിൽ നിമിഷ നേരം കൊണ്ട് നിങ്ങളുടെ മുഖചർമ്മത്തിലെ കരിവാളിപ്പ് എളുപ്പത്തിൽ ഒഴിവാക്കാൻ കഴിയും. യാതൊരു രീതിയിലും നിങ്ങളുടെ ചർമ്മത്തെ പ്രകോപിപ്പിക്കാത്ത രീതിയിൽ പ്രകൃതിദത്ത ചേരുവകൾ ഉപയോഗിച്ച് കരുവാളിപ്പ് അകറ്റേണ്ടത് എങ്ങനെ എന്ന് നോക്കിയാലോ?

​തൈര്, തേൻ പായ്ക്ക്

ചർമത്തിൽ അടിഞ്ഞുകൂടുന്ന അഴുക്കിനെ ഏറ്റവും ഫലപ്രദമായ രീതിയിൽ പുറംതള്ളുന്നതിന് തൈരിലെ പ്രകൃതിദത്ത ഗുണങ്ങൾ സഹായിക്കുന്നു. തേൻ ചർമ്മത്തെ കൂടുതൽ മൃദുലവും തിളക്കവുമുള്ളങ്കി തീർക്കുന്നതിന് സഹായിക്കും. ചർമത്തിൽ ഒരു ആൻറി-ഇൻഫ്ലമേറ്ററി ഏജന്റായി പ്രവർത്തിക്കുന്നതിനു ശേഷിയുള്ള ഘടകമാണ് തേൻ. സൂര്യരശ്മികൾ വരുത്തിവയ്ക്കുന്ന പാടുകൾക്കെതിരെ പോരാടുന്നതിന് ഏറ്റവും നല്ലതാണ് ഈ രണ്ടു ചേരുവകളും ചേർത്ത് ഉപയോഗിക്കുന്നത്.

1 ടീസ്പൂൺ തേൻ 2 ടീസ്പൂൺ തൈരിനൊപ്പം ചേർത്ത് കലർത്തുക. നന്നായി ഇത് മിക്സ് ചെയ്ത ശേഷം ചർമ്മത്തിൽ പ്രയോഗിക്കുക. കഴുകിക്കളയുന്നതിനു മുമ്പ് 15 മിനിറ്റ് നേരം മുഖത്ത് സൂക്ഷിക്കാം.

​കറ്റാർ വാഴ പായ്ക്ക്

ചർമ്മത്തിൻ്റെ കാര്യത്തിൽ അത്ഭുതങ്ങൾ സൃഷ്ടിക്കുന്ന ആൻറി ബാക്ടീരിയൽ, ആൻറി-ഇൻഫ്ലമേറ്ററി ഗുണങ്ങളാൽ സമ്പന്നമാണ് കറ്റാർ വാഴ എന്ന പ്രകൃതിദത്ത ചേരുവ. ചർമത്തിലുണ്ടാകുന്ന കരുവാളിപ്പും പാടുകളും കുറയ്ക്കാൻ ഇത് വളരെയധികം ഗുണം ചെയ്യുമെന്ന് തെളിയിക്കപ്പെട്ടിട്ടുള്ളതാണ്. ഇത് ചർമ്മത്തെ ശാന്തമാക്കാൻ ആവശ്യമായ ഗുണങ്ങളെ നൽകുകയും മുഖത്തിന് കൂടുതൽ തിളക്കം പകർന്നുകൊണ്ട് ചർമ്മത്തെ സംരക്ഷിക്കുകയും ചെയ്യുന്നു.

കറ്റാർ വാഴയുടെ ഇലകളിൽ നിന്ന് ജെല്ല് മാത്രം വേർതിരിച്ചെടുത്തുകൊണ്ട് രാത്രി ഉറങ്ങാൻ കിടക്കുന്നതിനു മുൻപ് നിങ്ങളുടെ മുഖ ചർമത്തിൽ പുരട്ടുക. ഒരു രാത്രി മുഴുവൻ ഇത് സൂക്ഷിച്ച ശേഷം രാവിലെ ഉണർന്നെണീറ്റ ഉടനെ ഇത് കഴുകി കളയുക. മികച്ച ഫലങ്ങൾ ലഭിക്കുന്നതിനായി ഒരാഴ്ച തുടർച്ചയായി ദിവസവും ഈ പ്രതിവിധി ആവർത്തിക്കുക.

​തേങ്ങാപ്പാൽ ഫേസ് പായ്ക്ക്

തേങ്ങാപ്പാലിൽ അടങ്ങിയിരിക്കുന്ന പ്രകൃതിദത്ത ഗുണങ്ങൾ നിങ്ങളുടെ ചർമ്മത്തെ വളരെ പെട്ടെന്ന് പരിപോഷിപ്പിക്കുകയും ചർമ്മത്തെ സാന്ത്വനിപ്പിക്കുന്ന ഗുണങ്ങളെ നൽകുകയും ചെയ്യുന്നു. ഇതിലെ ഉയർന്ന ജലാംശവും വിറ്റാമിൻ സി യുമെല്ലാം ചർമത്തിലുണ്ടാകുന്ന കരുവാളിപ്പിൻ്റെ ലക്ഷണങ്ങളെ വളരെ ഫലപ്രദമായി നീക്കം ചെയ്യാൻ സഹായിക്കും. കുറച്ചു തേങ്ങ പാൽ എടുത്ത് ഒരു പഞ്ഞിയുടെ സഹായത്തോടെ ഇത് മുഖത്തിന് ചുറ്റും പുരട്ടുക. ഒരു മണിക്കൂറെങ്കിലും ഇത് കാത്തുസൂക്ഷിച്ച ശേഷം മിതമായ ഏതെങ്കിലും ഫെയ്സ് ക്ലെൻസർ ഉപയോഗിച്ചു കൊണ്ട് മുഖം കഴുകി വൃത്തിയാക്കുമ്പോൾ നിങ്ങളുടെ മുഖം തിളങ്ങുന്നത് തിരിച്ചറിയാനാവും.

Also read: താടി വളർത്തുന്നവർ ഈ കാര്യങ്ങൾ മറക്കല്ലേ…

​കുങ്കുമം, പാൽ പായ്ക്ക്

മിക്ക സ്ത്രീകളുടെയും സൗന്ദര്യം പരിപാലനത്തിൽ മുന്നിൽ തന്നെ സ്ഥാനമുറപ്പിച്ച ഒരു പരമ്പരാഗത സൗന്ദര്യ ഘടകമാണ് കുങ്കുമം. ചർമ്മത്തിലുണ്ടാകുന്ന പിഗ്മെന്റേഷൻ പ്രശ്നങ്ങൾ, മുഖക്കുരു, തുടങ്ങിയവ പോലുള്ള എല്ലാത്തരം പ്രശ്നങ്ങളെയും എളുപ്പത്തിൽ അകറ്റാൻ കുങ്കുമം സഹായിക്കും. ഏതുതരം പ്രശ്നങ്ങൾ മൂലവും ഉണ്ടാവുന്ന ചർമത്തിലെ ഇരുണ്ട നിറഞ്ഞ കുറയ്ക്കാൻ ഏറ്റവും മികച്ചതാണ് കുങ്കുമവും പാലും ചേർത്ത പാക്കിൻ്റെ ഉപയോഗം.

കുങ്കുമത്തിന്റെ കുറച്ച് സരണികൾ എടുത്ത് അല്പം പാലിനോടൊപ്പം ചേർത്തു കലർത്തി കുറച്ച് നേരം സൂക്ഷിക്കുക. ഒരു ചെറിയ പഞ്ഞികഷണം ഉപയോഗിച്ച് ഇത് നിങ്ങളുടെ മുഖ ചർമ്മത്തിൽ പുരട്ടുക. കഴുകി കളയാനായി ഇളം ചൂടുള്ള വെള്ളം ഉപയോഗിക്കാം.

Also read: മുഖം തിളങ്ങാന്‍ ഇന്‍സ്റ്റന്റ് പപ്പായ ഫേഷ്യല്‍

​ചന്ദനം, മഞ്ഞൾ പായ്ക്ക്

ചർമ്മത്തെ വേഗത്തിൽ സുഖപ്പെടുത്താനും കേടുപാടുകൾ പരിഹരിക്കാനും ഉള്ള ഗുണങ്ങൾ പ്രകൃതിദത്ത ചേരുവയായ ചന്ദനം നൽകും. ചർമത്തിന് തണുപ്പും ഈർപ്പവും പകരാൻ സഹായിക്കുന്ന ചന്ദനം മഞ്ഞളിനോടൊപ്പം ചേർത്ത് ഉപയോഗിച്ചാൽ ഇത് മുഖത്തെ കരിവാളിപ്പ് എളുപ്പത്തിൽ നീക്കം ചെയ്യാൻ സഹായിക്കും.

മഞ്ഞൾ ചന്ദനം എന്നിവ കുറച്ചെടുത്ത് ഇതിലേക്ക് അല്പം പാലും ചേർത്ത് കലർത്തി കഴിയുമ്പോൾ നിങ്ങൾക്ക് ഒരു മികച്ച ഫേസ്പാക്ക് ലഭിക്കും. ഈയൊരു പാക്ക് നിങ്ങളുടെ മുഖചർമ്മത്തിൽ ചർമ്മത്തിൽ പ്രയോഗിക്കുക. കുറഞ്ഞത് 20 മിനിറ്റ് സൂക്ഷിച്ചശേഷം ഇളം ചൂടുള്ള വെള്ളത്തിൽ കഴുകിക്കളയാം. കഴുകിത്തുടച്ച് കളഞ്ഞ ഉടൻ തന്നെ മോയ്‌സ്ചുറൈസർ പ്രയോഗിക്കുക.