വിവിധ ട്രെയിനുകൾ ഭാഗികമായും, ചിലത് പൂർണ്ണമായും റദ്ദാക്കിയിട്ടുണ്ട്. കഴിഞ്ഞദിവസവും കേരളത്തിൽ ട്രെയിൻ ഗതാഗതത്തിന് നിയന്ത്രണമേർപ്പെടുത്തിയിരുന്നു. അറ്റകുറ്റപ്പണികളെത്തുടർന്നാണ് നിയന്ത്രണം
ഹൈലൈറ്റ്:
- ട്രെയിൻ നിയന്ത്രണം തുടരും
- വിവിധ ട്രെയിനുകൾ റദ്ദാക്കി
- സമയത്തിലും മാറ്റം
ലോകമാന്യതിലക്- കൊച്ചുവേളി ഗരീബ്രഥ് എക്സ്പ്രസ് (12201), മധുര- തിരുവനന്തപുരം അമൃത എക്സ്പ്രസ് ( 16344), നിലമ്പൂര്‍ റോഡ്- കൊച്ചുവേളി രാജറാണി എക്സ്പ്രസ് (16350), നിലമ്പൂര്‍ റോഡ്- ഷൊര്‍ണൂര്‍ ജങ്ഷന്‍ അണ്‍റിസര്‍വ്ഡ് എക്സ്പ്രസ് (06466), ഷൊര്‍ണൂര്‍ ജങ്ഷന്‍- നിലമ്പൂര്‍ റോഡ് അണ്‍റിസര്‍വ്ഡ് എക്സ്പ്രസ് (06467) എന്നിവയാണ് റദ്ദാക്കിയത്.
Also Read : മലപ്പുറത്ത് കെഎസ്ആർടിസി ബസിൽ യുവതിക്ക് നേരെ പീഡന ശ്രമം; കണ്ണൂർ സ്വദേശി പിടിയിൽ
ചികിത്സയിലായിരുന്ന കൊമ്പൻ ചരിഞ്ഞു
ആലപ്പുഴ വഴിയുള്ള ഗുരുവായൂർ – ചെന്നൈ എഗ്മോർ എക്സ്പ്രസ് കോട്ടയം വഴിയാക്കി. നിലമ്പൂർ റോഡ് – കോട്ടയം എക്സ്പ്രസ് അങ്കമാലിയിൽ യാത്ര അവസാനിപ്പിക്കും. കണ്ണൂർ- എറണാകുളം എക്സ്പ്രസ് തൃശൂരിൽ യാത്ര അവസാനിപ്പിക്കുകയും ചെയ്യും.
ചില ട്രെയിനുകൾ പുറപ്പെടുന്ന സമയത്തിലും മാറ്റം വരുത്തിയിട്ടുണ്ട്. മംഗലാപുരത്ത് നിന്ന് തിരുവനന്തപുരത്തേയ്ക്ക് 5.30 നു പുറപ്പെടേണ്ട എക്സ്പ്രസ് ട്രെയിൻ 7.45നാണ് പുറപ്പെടുന്നത്. മംഗലാപുരത്ത് നിന്ന് തിരുവനന്തപുരത്തേക്ക് 2.25ന് പുറപ്പെടേണ്ട എക്സ്പ്രസ് ട്രെയിൻ 6.40ന് ആയിരിക്കും പുറപ്പെടുക.
Also Read : തെങ്ങ് കടപുഴകി കാറിനു മുകളില്‍ വീണു; വന്‍ അപകടം ഒഴിവായത് തലനാരിഴയ്ക്ക്
ചൊവ്വാഴ്ചത്തെ കണ്ണൂർ- ഷൊർണൂർ റൂട്ടിലെ മെമു ട്രെയിൻ കോഴിക്കോട് യാത്ര അവസാനിപ്പിക്കും. ആലപ്പുഴ- കണ്ണൂർ എക്സ്പ്രസ് നാളെയും 30നും കൊയിലാണ്ടിയിൽ സ‍ർവീസ് അവസാനിപ്പിക്കുകയും ചെയ്യും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
