തമിഴ്നാട്ടിൽ വീണ്ടും മദ്യദുരന്തം; ബാറിൽ നിന്നും മദ്യം വാങ്ങിക്കുടിച്ച രണ്ട് പേർ കൊല്ലപ്പെട്ടു

തമിഴ്നാട്ടിൽ കഴിഞ്ഞയാഴ്ചയുണ്ടായ വിഷമദ്യദുരന്തത്തിൽ 22 പേർ കൊല്ലപ്പെട്ടിരുന്നു. വ്യാവസായിക മെത്തനോൾ ഉപയോഗിച്ച മദ്യം കഴിച്ചതാണ് അന്ന് അപകടമുണ്ടായത്. അതിന് പിന്നാലെയാണ് പുതിയ സംഭവമുണ്ടായിരിക്കുന്നത്. മദ്യവിവാദത്തിൽ സ്റ്റാലിൻ സർക്കാർ കടുത്ത വിമർശനം കേൾക്കുന്ന സാഹചര്യത്തിലാണ് പുതിയ വിവാദം കൂടിയുണ്ടായിരിക്കുന്നത്.

മരിച്ച രണ്ട് പേരുടെയും ശരീരത്തിൽ നിന്ന് ശേഖരിച്ച സാമ്പിളുകൾ പരിശോധിച്ചപ്പോൾ ഫോറൻസിക് പരിശോധനയിൽ സയനൈഡിന്റെ സാന്നിധ്യവും മെഥനോളിന്റെ സാന്നിധ്യവും കണ്ടെത്തിയിരുന്നു.

സാധാരണയായി വ്യാവസായിക ആവശ്യങ്ങൾക്ക് ഉപയോഗിക്കുന്ന മെഥനോളിന് മദ്യത്തിന്റെ മണമാണുള്ളത്. അതിനാൽ ഇരുവരും മദ്യമാണെന്ന് കരുതിക്കുടിച്ചതാണോ എന്നും പരിശോധിക്കുന്നുണ്ട്.

ആത്മഹത്യയാണോ കൊലപാതകമാണോ എന്ന കാര്യത്തിൽ അന്വേഷണം നടത്തുമെനന്ന് തഞ്ചാവൂർ ജില്ലാ കളക്ടർ ദിനേശ് പൊൻരാജ് ഒലിവർ പറഞ്ഞു.

അതേസമയം, നിയമലംഘനം നടന്നതായും കണ്ടെത്തിയിട്ടുണ്ട്. ബാറുകളിൽ സമയത്തിന് ശേഷവും അനധികൃതമായി മദ്യം വിൽക്കുന്നുവെന്ന പ്രതിപക്ഷം ആരോപിച്ചിരുന്നു. ഇത് ശരിവച്ചുകൊണ്ട് ഉച്ചയ്ക്ക് 12 മണിക്ക് മദ്യശാല തുറക്കുന്നതിന് മുമ്പുതന്നെ ബാർ മദ്യം നൽകിയതായി കണ്ടെത്തിയിരുന്നു.

അതിന് പുറമെ, ബാറിലെ സിസിടിവി പ്രവർത്തിച്ചിരുന്നില്ലെന്നും കണ്ടെത്തിയിട്ടുണ്ട്. കഴിഞ്ഞയാഴ്ച വില്ലുപുരത്തുണ്ടായ മദ്യദുരന്തത്തിൽ നാൽപതോളം ആളുകൾക്കാണ് ഗുരുതരമായി പരിക്കേറ്റത്.

Also Read : സ്വഭാവ മാഹാത്മ്യം തെളിയിക്കണം; സതി അനുഷ്ഠിക്കാൻ നിർബന്ധിച്ച് മാതാപിതാക്കൾ; യുവതി ആത്മഹത്യ ചെയ്തു

ഈ സംഭവത്തിന് പിന്നാലെ എസ്പിയും രണ്ട് ഡിഎസ്പിമാരും അടക്കം പത്ത് പോലീസ് ഉദ്യോഗസ്ഥരെ സസ്പെന്റ് ചെയ്തിരുന്നു. വില്ലുപുരം മദ്യദുരന്തത്തിന് പിന്നാലെ സർക്കാരിനെതിരെ കടുത്ത വിമർശനവുമായി എഐഡിഎംകെയും ബിജെപിയും രംഗത്തുവന്നിരുന്നു. ഉത്തരവാദിത്തം ഏറ്റെടുത്ത് മുഖ്യമന്ത്രി സ്റ്റാലിൻ രാജിവയ്ക്കണമെന്ന് മുൻ മുഖ്യമന്ത്രി ഇപിഎസ് ആവശ്യപ്പെട്ടു.

Read Latest National News and Malayalam News