നരേന്ദ്ര മോദിയുടെ കാൽ തൊട്ടു വന്ദിച്ച് പാപുവ ന്യൂഗിനിയ പ്രധാനമന്ത്രി

വിമാനമിറങ്ങിയ നരേന്ദ്ര മോദി ജെയിംസ് മാറാപെയെ കെട്ടിപ്പിടിച്ചു. കൈകോ‍ർത്ത് സംസാരിക്കുന്നതിനിടെയാണ് മോദിയുടെ കാൽതൊട്ട് വന്ദിച്ചത്. ഉടൻ അദ്ദേഹത്തെ പിടിച്ച് എഴുന്നേൽപ്പിച്ച മോദി അദ്ദേഹത്തെ വാരി പുണ‍ർന്നു. പ്രാദേശിക സമയം രാത്രി 10ന് ശേഷമാണ് നരേന്ദ്ര മോദി പാപുവ ന്യൂഗിനിയയിൽ എത്തിയത്.

പൂക്കളും ഷാളുകളും വേണ്ട, സമ്മാനമായി പുസ്തകങ്ങൾ മതി; വീണ്ടും ഞെട്ടിച്ച് സിദ്ദരാമയ്യ

തന്നെ വരവേൽക്കാനെത്തിയ ജെയിംസ് മാറാപെയെ എന്നും ഓ‍ർക്കുമെന്ന് നരേന്ദ്ര മോദി ട്വീറ്റ് ചെയ്തു. പാപുവ ന്യൂഗിനിയയുമായി ഇന്ത്യ ഊഷ്മള ബന്ധം സ്ഥാപിക്കാൻ ആഗ്രഹിക്കുന്നുണ്ടെന്ന് അദ്ദേഹം വ്യക്തമാക്കി. 19 നേതാക്കളുടെ സല്യൂട്ട്, ഗാ‍ർഡ് ഓഫ് ഓണ‍ർ, ആചാരപരമായ സ്വീകരണം എന്നിവ പ്രധാനമന്ത്രിക്ക് ലഭിച്ചതായി വിദേശകാര്യ മന്ത്രാലയം വക്താവ് അരിന്ദം ബാഗ്ചി പറഞ്ഞു.

ഈ മേഖലയിൽ ചൈന സ്വാധീനം ചെലുത്താൻ ശ്രമിക്കുന്നതിനിടെയാണ് നരേന്ദ്ര മോദിയുടെ സന്ദ‍ർശനം. ജപ്പാനിൽ നടന്ന ജി 7 ഉച്ചകോടിയിൽ പങ്കെടുത്ത ശേഷമാണ് പ്രധാനമന്ത്രി പാപുവ ന്യൂഗിനിയയിൽ എത്തിയത്.