കോഴിക്കോട്: കൊയിലാണ്ടിക്കു സമീപം ഓടിക്കൊണ്ടിരുന്ന തീവണ്ടിക്കുമുകളില്‍ തെങ്ങ് വീണു. വൈകീട്ട് 5.48-നാണ് സംഭവം. കൊയിലാണ്ടിക്കും തിക്കോടിക്കുമിടയിലാണ് അപകടം നടന്നത്.
തിരുവനന്തപുരത്തുനിന്നു മംഗലാപുരം ഭാഗത്തേക്ക് പോകുകയായിരുന്ന നേത്രാവതി എക്പ്രസിന്റെ എന്‍ജിനുമുകളിലാണ് തെങ്ങുവീണത്. ആളപായമില്ല. തീവണ്ടി ഗതാഗതം ഭാഗികമായി തടസ്സപ്പെട്ടു.
എന്‍ജിനു കേടുപാടുകള്‍ സംഭവിച്ചതിനാല്‍ കോഴിക്കോടുനിന്നു പുതിയ എന്‍ജിനെത്തി സ്ഥാപിച്ചതിനുശേഷം മാത്രമേ യാത്ര തുടരാന്‍ സാധിക്കുകയുള്ളൂവെന്ന് റെയില്‍വേ അധികൃതര്‍ അറിയിച്ചു. വൈദ്യുതിബന്ധം വിച്ഛേദിച്ചതിനുശേഷം തെങ്ങുമുറിച്ചുമാറ്റാനുള്ള ശ്രമങ്ങള്‍ തുടരുകയാണ്‌.
Content highlight: Coconut tree found fell down on running train’s engine
