Sumayya P | Samayam Malayalam | Updated: 22 May 2023, 5:08 pm
രാജ്യത്ത് പുതുതായി നല്‍കുന്ന വിവിധ ലൈസന്‍സുകളുടെ കാലാവധി പ്രവാസികള്‍ക്ക് ഒരു വര്‍ഷം മാത്രമാക്കി ചുരുക്കിയതാണ് പ്രധാന മാറ്റങ്ങളിലൊന്ന്. സ്വകാര്യ കാറുകള്‍, ടാക്‌സികള്‍, ട്രാന്‍സ്‌പോര്‍ട്ട് കാറുകള്‍ എന്നിവ ഓടിക്കാന്‍ നല്‍കുന്ന ‘സ്‌പെഷ്യല്‍ മാര്‍ക്കറ്റ് ലൈസന്‍സുകള്‍’ കുവൈറ്റ് പൗരന്മാര്ക്കും ജിസിസി പൗരന്മാര്ക്കും 15 വര്‍ഷത്തേക്കും ഇവര്‍ അല്ലാത്തവര്‍ക്ക് ഒരു വര്‍ഷത്തേക്കുമാണ് അനുവദിക്കുക.
ജനറല്‍ മാര്‍ക്കറ്റ് ലൈസന്‍സുകള്‍
പുതിയ ഭേദഗതി പ്രകാരം ‘ജനറല്‍ മാര്‍ക്കറ്റ് ലൈസന്‍സുകള്‍’ രണ്ട് വിഭാഗങ്ങളായി തിരിച്ചിരിക്കുന്നു. കാറ്റഗറി ‘എ’ 25-ല്‍ കൂടുതല്‍ യാത്രക്കാരെ ഉള്‍ക്കൊള്ളുന്ന പാസഞ്ചര്‍ ട്രാന്‍സ്‌പോര്‍ട്ട് വാഹനങ്ങള്‍, അപകടകരമായ വസ്തുക്കള്‍ കൊണ്ടുപോകുന്നതിനുള്ള വാഹനങ്ങള്‍ എന്നിവ ഉള്‍ക്കൊള്ളുന്നവയാണ്. 7 മുതല്‍ 25 വരെ യാത്രക്കാരെ വഹിക്കുന്ന പാസഞ്ചര്‍ ട്രാന്‍സ്‌പോര്‍ട്ട് വാഹനങ്ങളും 2 ടണ്ണില്‍ കൂടുതല്‍ 8 ടണ്‍ വരെ ഭാരമുള്ള ട്രാന്‍സ്‌പോര്‍ട്ട് വാഹനങ്ങളും കാറ്റഗറി ‘ബി’യില്‍ ഉള്‍പ്പെടുന്നു. ഈ ലൈസന്‍സുകള്‍ കുവൈറ്റ് പൗരന്മാര്ക്കും ജിസിസി പൗരന്മാര്ക്കും 10 വര്‍ഷത്തേക്കും അല്ലാത്തവര്‍ക്ക് ഒരു വര്‍ഷത്തേക്കുമാണ് അനുവദിക്കുക. പുതുക്കിയ ചട്ടങ്ങള്‍ മോട്ടോര്‍ബൈക്ക് ലൈസന്‍സുകളും പുതുതായി അവതരിപ്പിച്ചിട്ടുണ്ട്. കാറ്റഗറി ‘എ’യില്‍, എല്ലാത്തരം മോട്ടറൈസ്ഡ് സൈക്കിളുകളും ഉള്‍പ്പെടും. മൂന്നോ അതിലധികമോ ചക്രങ്ങളുള്ള എല്ലാത്തരം മോട്ടോര്‍ സൈക്കിളുകളും ഓടിക്കാന്‍ കാറ്റഗറി ‘ബി’ അനുവദിക്കും. കുവൈറ്റ് പൗരന്മാര്ക്കും ജിസിസി പൗരന്മാര്ക്കും ഈ ലൈസന്‍സ് മൂന്ന് വര്‍ഷത്തേക്ക് സാധുതയുള്ളതാണ്. അല്ലാത്തവര്‍ക്ക് ഒരു വര്‍ഷത്തേക്കായിരിക്കും ലൈസന്‍സ് സാധുത.
സ്‌പെഷ്യല്‍ ആക്ടിവിറ്റി മാര്‍ക്കറ്റ് ലൈസന്‍സ്
നിര്‍മ്മാണ, വ്യാവസായിക, കാര്‍ഷിക മേഖലകളില്‍ പ്രവര്‍ത്തിക്കുന്നവര്‍ക്ക് ആവശ്യമായ വലിയ വാഹനങ്ങള്‍ക്കുള്ള ലൈസന്‍സുകളുടെ കാര്യത്തില്‍, കുവൈറ്റികള്‍ക്കും ജിസിസി പൗരന്മാര്ക്കും മൂന്ന് വര്‍ഷവും മറ്റുള്ളവര്‍ക്ക് ഒരു വര്‍ഷവുമായിരിക്കും കാലാവധി. പ്രത്യേക സേവന പ്രവര്‍ത്തനങ്ങള്‍ക്കായി എല്ലാത്തരം വാഹനങ്ങള്‍ക്കും ‘സ്‌പെഷ്യല്‍ ആക്ടിവിറ്റി മാര്‍ക്കറ്റ് ലൈസന്‍സ്’ എന്ന പേരില്‍ ഒരു പുതിയ തരം ലൈസന്‍സും അവതരിപ്പിച്ചിട്ടുണ്ട്. ഒരു വര്‍ഷത്തേക്ക് സാധുതയുള്ള ഈ ലൈസന്‍സ്, ഉടമ തന്റെ തൊഴില്‍ മാറ്റുകയോ രാജ്യത്തെ താമസം റദ്ദാക്കുകയോ ചെയ്താല്‍ റദ്ദാക്കപ്പെടുമെന്നും വ്യവസ്ഥ ചെയ്തിരിക്കുന്നു. മോട്ടോര്‍ സൈക്കിള്‍ ലൈസന്‍സ് ലഭിക്കുന്നതിന് ശമ്പള വ്യവസ്ഥയും മന്ത്രാലയം ഏര്‍പ്പെടുത്തിയിട്ടുണ്ട്. അപേക്ഷകര്‍ക്ക് റെസിഡന്‍സി ഡാറ്റ ഉണ്ടായിരിക്കണം, അവരുടെ ശമ്പളം 120 ദിനാറില്‍ കുറവായിരിക്കരുത് എന്നിവയാണ് വ്യവസ്ഥകള്‍.
ഇനി അപകടങ്ങൾ ഇങ്ങനെ പ്രവചിച്ച് മുരളി തുമ്മാരുക്കുടി
ഇനി അപകടങ്ങൾ ഇങ്ങനെ പ്രവചിച്ച് മുരളി തുമ്മാരുക്കുടി
ലൈസന്‍സ് വ്യവസ്ഥകളില്‍ നിന്ന് ഒഴിവാക്കിയവർ ഇവരാണ്
കൂടാതെ, മുകളില്‍ സൂചിപ്പിച്ച ലൈസന്‍സ് വ്യവസ്ഥകളില്‍ നിന്ന് നിര്‍ദ്ദിഷ്ട വിഭാഗങ്ങളെ ഒഴിവാക്കിയിട്ടുമുണ്ട്. കുവൈറ്റ് പൗരന്‍മാരായ ഭാര്യമാര്‍, വിധവകള്‍, വിദേശ പങ്കാളികളില്‍ നിന്നുള്ള കുട്ടികളുള്ള വിവാഹമോചിതര്‍, കുവൈറ്റ് സ്ത്രീകളുടെ ഭര്‍ത്താക്കന്മാര്‍, കുട്ടികള്‍, നയതന്ത്ര സ്ഥാപനങ്ങളിലെ അംഗങ്ങള്‍, കായികരംഗത്തെ പ്രൊഫഷണല്‍ കളിക്കാര്‍ തുടങ്ങിയവര്‍ക്കാണ് ഇളവുകളുള്ളത്. പുതിയ മന്ത്രിതല തീരുമാനം ഔദ്യോഗിക ഗസറ്റില്‍ പ്രസിദ്ധീകരിച്ച തീയതി മുതല്‍ പ്രാബല്യത്തില്‍ വരുമെന്നും അധികൃതര്‍ അറിയിച്ചു.
