862 കോടി ചെലവ്, പുതിയ മന്ദിരം നിലവിലെ പാർലമെന്റിന് തൊട്ടരികെ, പുതിയ കാലത്തിനു ചേരുന്ന സവിശേഷതകളുമായി ജനാധിപത്യത്തിൻ്റെ കേന്ദ്രബിന്ദു

നിലവിലെ പാർലമെന്റിനോടു തൊട്ടുചേർന്നാണ് പുതിയ മന്ദിരവും നിർമിച്ചിരിക്കുന്നത്. 65,000 ചതുരശ്ര മീറ്റർ വലുപ്പമുള്ളതാണ് പുതിയ നിർമിതി. പുതിയ മന്ദിരത്തിൽ തയ്യാറായിരിക്കുന്ന 384 പേർക്ക് ഇരിക്കാവുന്ന രാജ്യസഭാ ഹാളിൻ്റെ തീം താമരയാണ്. കൂടാതെ 888 പേർക്കിരിക്കാവുന്ന ലോക്സഭാ ഹാളുമുണ്ടാകും. മയിലിൻ്റെ രൂപമാണ് ലോക്സഭാ ഹാളിൻ്റെ ഇൻ്റീരിയർ തീം. രാജ്യത്തെ വർധിച്ച ജനസംഖ്യയ്ക്ക് അനുസരിച്ച് ജനപ്രതിനിധികളുടെ എണ്ണം കൂട്ടുന്നതിൻ്റെ ഭാഗമാണിത്. ഇപ്പോഴത്തെ ലോക്സഭാ ഹാളിൻ്റെ മൂന്നിരട്ടി വലുപ്പമാണ് പുതിയ ഹാളിന് ഉണ്ടാകുക. കൂടാതെ രാജ്യത്തിൻ്റെ ജനാധിപത്യ ചരിത്രം അടയാളപ്പെടുത്തുന്ന മനോഹരമായ കോൺസ്റ്റിറ്റ്യൂഷൻ ഹാളും പുതിയ പാർലമെന്റ് മന്ദിരത്തിൽ ഉണ്ടാകും. ഏറ്റവും പുതിയ സാങ്കേതികവിദ്യകൾ ഉൾക്കൊള്ളിക്കാൻ സാധിക്കുന്ന തരത്തിലാണ് ഓഫീസ് മുറികൾ തയ്യാറാക്കിയിരിക്കുന്നത്. കൂടാതെ മികച്ച ശബ്ദ, ദൃശ്യസംവിധാനങ്ങളോടു കൂടിയതാണ് രാജ്യസഭാ, ലോക്സഭാ ഹാളുകൾ. നിലവിലെ കെട്ടിടത്തിൽ ഇക്കാര്യത്തിൽ പല പരിമിതികളുമുണ്ട്. കഴിഞ്ഞ വർഷം ഡിസംബറിൽ പൂർത്തിയാക്കാനാണ് പദ്ധതിയിട്ടിരുന്നതെങ്കിലും നിർമാണം ആറുമാസത്തോളം വൈകുകയായിരുന്നു.

ഇന്ന് ഈ ജില്ലകളിൽ മഴ കനത്തേക്കും, ഒരിടത്ത് യെല്ലോ അലേർട്ട്; വെള്ളിയാഴ്ചവരെ മഴയെന്ന് മുന്നറിയിപ്പ്

രാജ്യത്തിന് സ്വാതന്ത്ര്യം ലഭിച്ച് 75 വർഷം പിന്നിടുമ്പോൾ പാർലമെന്റ് ഉദ്യോഗസ്ഥരുടെയും സന്ദർശകരുടെയും എണ്ണത്തിൽ വലിയ വർധനവുണ്ടായിട്ടുണ്ട്. കൂടാതെ പഴയ പാർലമെന്റ് മന്ദിരത്തിൽ ഇതനുസരിച്ച് പല കൂട്ടിച്ചേർക്കലുകളും നടത്തിയിട്ടുണ്ട്. യഥാർഥ മന്ദിരത്തിൻ്റെ വിശദാംശങ്ങൾ രേഖയായി ഇല്ലാത്തതിനാൽ പുതുതായി നടത്തിയ പല കൂട്ടിച്ചേർക്കലുകളും കെട്ടിടത്തിനുള്ളിലേയ്ക്കുള്ള വായൂസ‍ഞ്ചാരത്തെയും സൂര്യപ്രകാശത്തെയും തടസ്സപ്പെടുത്തുന്നുമുണ്ട്. കൂടാതെ ഒരു നൂറ്റാണ്ടോളം പഴക്കമുള്ള കെട്ടിടത്തിൽ അടിയന്തരമായി അറ്റകുറ്റപ്പണികൾ നടത്തേണ്ടതുണ്ടെന്നും രേഖകൾ വ്യക്തമാക്കുന്നു. ഈ സാഹചര്യത്തിലാണ് പുതിയ പാർലമെന്റ് മന്ദിരം നിർമിക്കാൻ സർക്കാർ പദ്ധതിയിട്ടത്. പഴയ മന്ദിരം ഒരു മ്യൂസിയമായി നിലനിർത്താനാണ് നിലവിലെ പദ്ധതി.

പുതിയ മദ്യനയം ഈ ആഴ്ച പ്രഖ്യാപിച്ചേക്കും; ഡ്രൈ ഡേ തുടരും, കള്ളുഷാപ്പുകൾക്കും സ്റ്റാർ പദവി

പാർക്കിങിനു പുറമെ നാലുനിലകൾ കൂടി പാർലമെന്റ് മന്ദിരത്തിനുണ്ടാകും. ഇവിടെയാണ് ഓഫീസ് മുറികളും അനുബന്ധ സൗകര്യങ്ങളും ഒരുക്കുക. ഊർജ്ജം നഷ്ടപ്പെടുത്തുന്നത് പരമാവധി ഒഴിവാക്കുന്ന തരത്തിൽ നിർമിക്കുന്ന കെട്ടിടം ഒരു പ്ലാറ്റിനം റേറ്റഡ് ഗ്രീൻ ബിൽഡിങ് ആയിരിക്കും. പുതിയ കാലത്തെ ഇന്ത്യയുടെ സംസ്കാരവും പ്രാദേശികകലകളും ഉൾപ്പെടുത്തിയാണ് പാർലമെന്റ് മന്ദിരം നിർമിച്ചിരിക്കുന്നത്. അംഗങ്ങൾക്ക് പരസ്പരം സംവദിക്കാൻ ഇടമൊരുക്കുന്ന നടുമുറ്റത്ത് ഒരു ആൽമരവും ഉണ്ടാകും.