ഇന്ന് ഈ ജില്ലകളിൽ മഴ കനത്തേക്കും, ഒരിടത്ത് യെല്ലോ അലേർട്ട്; വെള്ളിയാഴ്ചവരെ മഴയെന്ന് മുന്നറിയിപ്പ്

Edited by Jibin George | Samayam Malayalam | Updated: 22 May 2023, 5:51 pm

സംസ്ഥാനത്ത് വരും ദിവസങ്ങളിൽ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിൻ്റെ മുന്നറിയിപ്പ്. വിവിധ ജില്ലകളിൽ വെള്ളിയാഴ്ച വരെ മഴ തുടരുമെന്നാണ് അറിയിപ്പ്

kerala rain — പ്രതീകാത്മക ചിത്രം. Photo: PTI

ഹൈലൈറ്റ്:

സംസ്ഥാനത്ത് ഇന്നും വരും ദിവസങ്ങളിലും മഴയ്ക്ക് സാധ്യത.
ഇടിമിന്നലോട് കൂടിയ മഴയ്ക്കാണ് സാധ്യത.
ഇടുക്കി ജില്ലയിൽ ഇന്ന് യെല്ലോ അലേർട്ട് പ്രഖ്യാപിച്ചു.

തിരുവനന്തപുരം: സംസ്ഥാനത്ത് ഇന്നും വരും ദിവസങ്ങളിലും മഴയ്ക്ക് സാധ്യത. ഇന്ന് മുതൽ വെള്ളിയാഴ്ച (26-05-2023) വരെ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാവകുപ്പ് അറിയിച്ചു. ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും 30 മുതൽ 40 കി.മീ വരെ വേഗതയിൽ വീശിയേക്കാവുന്ന ശക്തമായ കാറ്റിനും സാധ്യതയാണ് പ്രവചിച്ചിരിക്കുന്നത്.

ധ്യാനത്തിന് പോയി മടങ്ങിയെത്തിയ ശേഷം കാണാതായ യുവതി ആളൊഴിഞ്ഞ വീട്ടിൽ മരിച്ച നിലയിൽ; ദുരൂഹതയെന്ന് കുടുംബം

വരും മണിക്കൂറിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ എന്നീ ജില്ലകളിൽ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ട്. ഇടിമിന്നലോടു കൂടിയ നേരിയതോ മിതമായതോ ആയ മഴയ്ക്കും മണിക്കൂറിൽ 40 കി.മീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനുമാണ് സാധ്യത.

കുർബാന നടക്കുന്നതിനിടയിൽ അൾത്താരയിൽ കയറി യുവാവിന്റെ അതിക്രമം

അതേസമയം, ഇടുക്കിയിൽ ഇന്ന് മഴയ്ക്ക് സാധ്യത നിലനിൽക്കുന്നതിനാൽ ജില്ലയിൽ ഇന്ന് (22-05-2023) യെല്ലോ അലേർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. ഇന്ന് പത്തനംതിട്ട ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ നേരിയതോ മിതമായതോ ആയ മഴയ്ക്കും മണിക്കൂറിൽ 40 കി.മീ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

കിഫ്ബി വായ്പ തയ്യാർ; കെഎസ്ആർടിസിയുടെ പുതിയ 1,020 ബസുകൾകൂടി എത്തുന്നു

കോട്ടയം ജില്ലയിലെ വിവിധ ഭാഗങ്ങളിൽ ഇന്ന് ഇടിയോട് കൂടി മഴ എത്തി. പലയിടത്തും ശക്തമായ ഇടി അനുഭവപ്പെട്ടു. സംസ്ഥാനത്തെ വിവിധ ജില്ലകളിൽ മഴ മുന്നറിയിപ്പ് നിലവിലുണ്ടെങ്കിലും കേരള – കർണാടക തീരങ്ങളിൽ മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.