ബദാം കഴിക്കുന്നതിനും ചില രീതികള്‍ ഉണ്ട്. കൃത്യമായ രീതിയില്‍ കഴിച്ചാല്‍ ആരോഗ്യ ഗുണങ്ങള്‍ ഏറെയാണ് ഇതിന് ഉള്ളത്. ഇത്തരത്തില്‍ ബദാം കഴിച്ചാലുള്ള ഗുണങ്ങളും, ബദാം എങ്ങിനെ കഴിക്കണം എന്നും നമുക്ക് നോക്കാം.
ആന്റിഓക്‌സിഡന്റ്‌സ്
ബദാമിന്‍ ധാരാളം ആന്റിഓക്‌സിഡന്റ്‌സ് അടങ്ങിയിട്ടുണ്ട്. ഇത് നമ്മളുടെ ആരോഗ്യം വര്‍ദ്ധിപ്പിക്കുന്നതിനും രോഗപ്രതിരോധശേഷി വര്‍ദ്ധിപ്പിക്കാനും സഹായിക്കുന്നുണ്ട്. ചര്‍മ്മത്തിന്റെ ആരോഗ്യം നിലനിര്‍ത്തുന്നതിനും ആര്‍ത്രിറ്റീസ് പോലെയുള്ള അസുഖങ്ങള്‍ മാറ്റി എടുക്കുന്നതിനും ആന്റിഓക്‌സിഡന്റ്‌സ് സഹായിക്കുന്നുണ്ട്.
ഓര്‍മ്മക്കുറവ് പരിഹരിക്കാന്‍, ഹൃദയത്തിന്റെ ആരോഗ്യം മെച്ചപ്പെടുത്താനും ചില കാന്‍സര്‍ രോഗങ്ങളെ തടയുന്നതിനും ആന്റിഓക്‌സിഡന്റ്‌സ് സഹായിക്കുന്നുണ്ട്. ബദാമില്‍ ആന്റിഓക്‌സിഡന്റ്‌സ് അടങ്ങിയിരിക്കുന്നതിനാല്‍ തന്നെ ആരോഗ്യത്തിന് ഇത് ഗുണകരവുമാണ്.
മുടിയുടെ ആരോഗ്യം
മുടിയുടെ ആരോഗ്യം നിലനിര്‍ത്തുന്നതിനും മുടിയ്ക്ക് നല്ല കരുത്ത് ലഭിക്കുന്നതിനും ബദാം നല്ലതാണ്. ബദാം എന്നും ദിവസേന രാവിലെ കഴിക്കുന്നതും അല്ലെങ്കില്‍ നിങ്ങള്‍ കാച്ചി എടുക്കുന്ന എണ്ണയില്‍ ബദാം കുറച്ച് ചേര്‍ക്കുന്നതും നല്ലതാണ്.
അല്ലെങ്കില്‍ മുടിയില്‍ ബദാം ഓയില്‍ പുരട്ടുന്നതും നല്ല മാറ്റം ഉണ്ടാക്കാന്‍ സഹായിക്കുന്നതാണ്. കാരണം, ബദാമില്‍ വിറ്റമിന്‍ ഇ അടങ്ങിയിരിക്കുന്നു. വിറ്റമിന്‍ ഇ മുടിയ്ക്ക് നല്ല കരുത്ത് നല്‍കാനും, മുടി കൊഴിച്ചില്‍ അകറ്റാനും വളരെയധികം സഹായിക്കുന്നുണ്ട്.
മഗ്നീഷ്യം
നമ്മളുടെ ശരീരത്തിന് വേണ്ട പ്രധാനപ്പെട്ട ഒരു പോഷകമാണ് മഗ്നീഷ്യം. നമ്മളുടെ പേശികളുടെ പ്രവര്‍ത്തനം നിയന്ത്രിക്കാനും ഞരമ്പുകള്‍ കൃത്യമായി പ്രവര്‍ത്തിക്കുന്നതിനും രക്തത്തിലെ പഞ്ചസ്സാരയുടെ അളവ് നിയന്ത്രിക്കുന്നതിനും രക്തസമ്മര്‍ദ്ദം നിയന്ത്രിക്കാനും എല്ലുകളുടെ ആരോഗ്യത്തിനുമെല്ലാം മഗ്നീഷ്യം വേണം.
നമ്മളുടെ ശരീരത്തിലേയ്ക്ക് മഗ്നീഷ്യം എത്തിക്കാന്‍ സഹായിക്കുന്ന ഒരു ആഹാരമാണ് ബദാം. അതിനാല്‍, കുട്ടികള്‍ക്കും അതുപോലെ തന്നെ പ്രായമായവര്‍ക്കും ബദാം കഴിക്കാന്‍ നല്‍കുന്നത് നല്ലതാണ്.
ശരീരഭാരം കുറയ്ക്കാന്‍
പൊതുവില്‍ ശരീരഭാരം കുറയ്ക്കാന്‍ ശ്രമിക്കുന്നവര്‍ തങ്ങളുടെ ഡയറ്റില്‍ ചേര്‍ക്കുന്ന ഒരു ആഹാരമാണ് ബദാം. ദിവസേന രാവിലെ ബദാം കഴിക്കുന്നത് ശരീരത്തിലേയ്ക്ക് നാരുകള്‍ എത്തുന്നതിന് സഹായിക്കുന്നു. 28 ഗ്രാം ബദാം എടുത്താല്‍ അതില്‍ 3.5 ഗ്രാം നാരുകള്‍ അടങ്ങിയിരിക്കുന്നു എന്നാണ് പറയുന്നത്.
ഇത്തരത്തില്‍ നാരുകള്‍ ശരീരത്തിലേയ്ക്ക് എത്തുമ്പോള്‍ അത് വിശപ്പിനെ നിയന്ത്രിക്കുകയും അമിതമായി കഴിക്കാനുള്ള ത്വര കുറയ്ക്കുകയും ചെയ്യുന്നു. ഇത് ശരീരഭാരം കുറയ്ക്കാന്‍ നിങ്ങളെ സഹായിക്കുന്നതാണ്.
Also read: മുഖത്തെ ചുളിവുകള്‍ അകറ്റാന്‍ ഈ അടുക്കള സാധനങ്ങള്‍ ധാരാളം
കഴിക്കേണ്ട വിധം
സത്യത്തില്‍ ബദാമിന്റെ ഗുണങ്ങള്‍ അതിന്റെ പൂര്‍ണ്ണ രൂപത്തില്‍ ലഭിക്കണമെങ്കില്‍ ബദാം കുതിര്‍ത്ത് കഴിക്കുന്നതാണ് നല്ലത്. അതുപോലെ തന്നെ അമിതമായി ബദാം കഴിക്കുന്നതും നല്ലതല്ല. ദഹന പ്രശ്‌നങ്ങള്‍ വരാനുള്ള സാധ്യത വളരെ കൂടുതലാണ്.
തലേദിവസം രാത്രിയില്‍ ഒരു മൂന്ന് അല്ലെങ്കില്‍ നാല് ബദാം എടുത്ത് കുതിര്‍ക്കണം. ഇത് തൊലി കളയാതെ തന്നെ രാവിലെ വെറും വയറ്റില്‍ കഴിച്ചാല്‍ അതിലെ പോഷകങ്ങള്‍ കൃത്യമായി ശരീരത്തില്‍ എത്തുന്നതിനും അതുപോലെ, ശരീരഭാരം കുറയ്ക്കാനുമെല്ലാം ഇത് സഹായിക്കും.
ബദാമില്‍ നല്ല ഹെല്‍ത്തി ആയിട്ടുള്ള കൊഴുപ്പാണ് അടങ്ങിയിരിക്കപുന്നത്. അതിനാല്‍ തന്നെ ഇത് വേഗത്തില്‍ ദഹിച്ച് പോകുന്നുണ്ട്. ഇത് ഹൃദയത്തിന്റെ ആരോഗ്യവും മെച്ചപ്പെടുത്തു. അതിനാല്‍, ഏതൊരു ആഹാരം പോലെ ശരിയാ വിധത്തില്‍ ബദാം കഴിച്ച് ആരോഗ്യം മെച്ചപ്പെടുത്താവുന്നതാണ്.
English Summary: Health Benefits of Almond
