നിയമസഭാ കയ്യാങ്കളിക്കേസ് സുപ്രീം കോടതി വീണ്ടും പരിഗണിക്കും

ന്യൂഡൽഹി: നിയമസഭാ കയ്യാങ്കളിക്കേസ് ഇന്ന് വീണ്ടും സുപ്രീം കോടതി പരിഗണിക്കും. കഴിഞ്ഞ വട്ടം കേസ് പരിഗണിച്ചപ്പോള്‍ കോടതി സംസ്ഥാന സര്‍ക്കാരിനെ വിമര്‍ശിച്ചിരുന്നു. കേസിലെ അപ്പീൽ പിൻവലിക്കുന്നതിൽ സര്‍ക്കാര്‍ നിലപാട് അറിയിക്കും. അതേസമയം, കേസിൽ അപ്പീൽ പിൻവലിക്കുന്ന കാര്യം ഔദ്യോഗികമായി സ്ഥിരീകരിച്ചിട്ടില്ല.



Also Read : ഇന്നും നാളെയും സംസ്ഥാനത്ത് കൊവിഡ് കൂട്ടപരിശോധന; രണ്ട് ദിവസങ്ങളിലായി 3.75 ലക്ഷം പേരെ പരിശോധിക്കും



ജസ്റ്റീസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് കേസ് പരിഗണിക്കുന്നത്. സംസ്ഥാന സര്‍ക്കാര്‍ അപ്പീൽ പിൻവലിച്ചാൽ കേസിലെ പ്രതികളും അപ്പീൽ പിൻവലിച്ചാൽ കേസിലെ പ്രതികളും അപ്പീൽ പിൻവലിക്കാനുള്ള സാധ്യതയാണ് നിലനിൽക്കുന്നത്. പ്രതികൂല പരാമര്‍ശം ഉണ്ടായാൽ മന്ത്രി വി ശിവൻകുട്ടി അടക്കമുള്ളവര്‍ വിചാരണ നേരിടേണ്ടിവരും. രാവിലെ 11 മണിയോടെ സുപ്രീം കോടതിയിലെത്തും.

സര്‍‍ക്കാർ വാദം തുടരുമെന്നും കോടതിക്ക് തൃപ്തികരമല്ലെങ്കിൽ അപ്പീൽ പിൻവലിക്കുമെന്നാണ് മാതൃഭൂമിയുടെ റിപ്പോര്‍ട്ട്. അപ്പീൽ പിൻവലിക്കുകയാണെങ്കിൽ പ്രതികള്‍ക്ക് വിചാരണ കോടതിയിൽ വിചാരണ നേരിടേണ്ടി വരും.

Also Read : പിണറായി – ഗഡ്ഗരി കൂടിക്കാഴ്ച; കേരളത്തിന് പുതിയ ദേശീയ പാത, 11 റോഡുകള്‍ ഭാരത് മാല പദ്ധതിയിൽ

2015ലാണ് കേസിനാസ്പദമായ സംഭവമുണ്ടായത്. യുഡിഎഫ് ഭരണകാലത്ത്, ബാർകോഴ വിവാദം ഉണ്ടായിരുന്ന സമയത്താണ് അന്നത്തെ ധനമന്ത്രിയായിരുന്ന കെ എം മാണിയുടെ ബജറ്റ് തടസ്സപ്പെടുത്തി കയ്യാങ്കളിയുണ്ടായത്.