ആര്‍ത്തവ സമയത്ത് രണ്ട് നാപ്കിനുകള്‍ ഉപയോഗിയ്ക്കുന്നുവോ?

​ആര്‍ത്തവ കാലത്ത് ശരീര ശുചിത്വം

ആര്‍ത്തവ കാലത്ത് ശരീര ശുചിത്വം ഏറെ പ്രധാനമാണ്. ദിവസവും രണ്ടു നേരവും കുളിയ്ക്കുക. കുറഞ്ഞത് ഒരു നേരമെങ്കിലും. സ്വകാര്യഭാഗം വൃത്തിയാക്കുക. ഇതിനായി സോപ്പോ ഇതു പോലുളള ലോഷനുകളോ ഉപയോഗിയ്ക്കാതെ ഇരിയ്ക്കുന്നതാണ് നല്ലത്. കാരണം ഈ സമയത്ത് അണുബാധാ സാധ്യത ഏറെയാണ്. കഴുകുമ്പോൾ യോനിയുടെ മുകൾ ഭാഗത്ത് നിന്ന് തുടങ്ങി പുറകിലേക്കുള്ള ദിശയിൽ കഴുകാൻ ശ്രമിയ്ക്കുക.

​ആർത്തവക്രമക്കേടും കാരണങ്ങളും വേണ്ട പ്രതിവിധിയും ഇവ

​ഈ സമയത്ത്

ഈ സമയത്ത് ഉപയോഗിയ്ക്കുന്ന അടിവസ്ത്രത്തിന്റെ കാര്യത്തിലും പ്രത്യേക ശ്രദ്ധ വേണം. കോട്ടന്‍ അടിവസ്ത്രങ്ങള്‍ മാത്രം ഉപയോഗിയ്ക്കുക. ഇതു രണ്ടു തവണയെങ്കിലും മാറുക. ഇവ കഴുകുമ്പോള്‍ ചൂടുവെള്ളം ഉപയോഗിച്ച് വൃത്തിയാക്കുന്നത് ഏറെ നല്ലതാണ്. രക്തം നപ്കിനിൽ മാത്രമേ പടരുന്നുള്ളൂ എന്ന ധാരണയിൽ അടിവസ്ത്രങ്ങൾ മാറ്റാൻ മടിയ്ക്കുന്ന പലരും ഉണ്ട്. ഇതോടൊപ്പം ആർത്തവ ദിനങ്ങളിൽ വായു സഞ്ചാരം ലഭിക്കുന്ന അയഞ്ഞ വസ്ത്രങ്ങൾ ധരിയ്ക്കാനും ശ്രദ്ധിയ്ക്കണം.

ആര്‍ത്തവ സമയത്ത്

ആര്‍ത്തവ സമയത്ത് ഉപയോഗിയ്ക്കുന്ന നാപ്കിനുകളുടെ കാര്യത്തിനും പ്രത്യേക ശ്രദ്ധ വേണം. അമിത രക്തസ്രാവമുള്ള ചില സ്ത്രീകളിലെ പ്രവണതയാണ് രണ്ടു നാപ്കിനുകൾ ചേർത്ത് വെയ്ക്കുക എന്നത്. ഇത് സൗകര്യപ്രദമാണ് എന്ന് തോന്നാമെങ്കിലും അപകടം ക്ഷണിച്ചു വരുത്തുന്ന ഒരു രീതി കൂടിയാണ് ഇത്. ഒന്നോ രണ്ടോ മണിക്കൂർ കൊണ്ട് കൂടുതൽ രക്തം പുറംതള്ളുന്നതിനാൽ അത്ര തന്നെ അപകട സാധ്യതയും കൂടുതലാണ്. നാപ്കിൻ മാറ്റേണ്ട സമയം നീട്ടി കിട്ടുമെങ്കിലും രണ്ടു നപ്കിനുകളിലുമായി ധാരാളം രക്തം കെട്ടിക്കിടക്കും.

നല്ലത്

നാല് മണിക്കൂറിൽ കൂടുതൽ ഒരേ പാഡ് ഉപയോഗിക്കാതിരിക്കുക. തുടർച്ചയായി ഒരു നാപ്കിൻ തന്നെ ഉപയോഗിക്കുന്നത് പ്രശ്നങ്ങൾ ഉണ്ടാകാൻ കാരണമാകും. മെന്‍സ്ട്രല്‍ കപ്പ് പോലുള്ളവ ഉപയോഗിയ്ക്കുന്നുവെങ്കില്‍ ഇത് നല്ലതു പോലെ കഴുകി വൃത്തിയാക്കി ഉണക്കി ഉപയോഗിയ്ക്കുക. നിശ്ചിത സമയം കഴിഞ്ഞാല്‍ ഇതും രക്തം നീക്കി വൃത്തിയാക്കി ഉപയോഗിയ്ക്കാത്ത പക്ഷം ലീക്കിംഗ് പോലുള്ള സാധ്യതകളുമുണ്ട്. പാഡുകളെങ്കിലും കോട്ടന്‍ പാഡുകളാണ് കൂടുതല്‍ നല്ലത്.