മുടി ഉള്ളോടെ വളരാന്‍ ഈ ഭക്ഷണങ്ങള്‍ ശീലമാക്കാം

മുടി ഉള്ളോടെ വളരാന്‍ സഹായിക്കുന്നതില്‍ ഭക്ഷണങ്ങള്‍ക്ക് പ്രധാനപ്പെട്ട സ്ഥാനമുണ്ട്. ചില പ്രധാന ഭക്ഷണങ്ങള്‍ മുടി വളര്‍ച്ചയെ സഹായിക്കുന്നു. ഇവയെക്കുറിച്ചറിയൂ.

• 

  ​ഇലക്കറികൾ​

  മുടി കൊഴിച്ചിൽ തടയുന്നതിനും ആവശ്യമായ ഒരു പ്രധാന പോഷകമാണ് അയേണ്‍. ചീര, ബ്രൊക്കോളി, കാബേജ്, സാലഡ് പച്ചിലകൾ എന്നിവ പോലുള്ള ഇലക്കറികൾ ഉൾപ്പെടുത്തുന്നത് ശരീരത്തിലെ ഇരുമ്പിന്റെ അളവ് മെച്ചപ്പെടുന്നു. വിറ്റാമിൻ A , C, B2, B6, B1, E, K മഗ്നീഷ്യം, സിങ്ക്, അയൺ, ഒമേഗാ -3 എന്നിങ്ങനെ എല്ലാ പോഷകങ്ങളും ഇവയില്‍ അടങ്ങിയിട്ടുണ്ട്‌

• 

  ​മധുരക്കിഴങ്ങ്​

  ബീറ്റാ കരോട്ടിന്‍ അടങ്ങിയ മധുരക്കിഴങ്ങ് മുടിയുടെ വളര്‍ച്ചയ്ക്ക് മികച്ച ഭക്ഷണമാണ് ഇതില്‍ വൈറ്റമിന്‍ എ അടങ്ങിയിട്ടുണ്ട്. ഇത് സെബം ഉല്‍പാദനത്തിന് സഹായിക്കുന്നു. എന്നാല്‍ വൈറ്റമിന്‍ എ അമിതമാകുന്നതും മുടി കൊഴിയാന്‍ കാരണമാകുമെന്നോര്‍ക്കുക.
  
  

• 

  ​മത്സ്യങ്ങള്‍​

  ഒമേഗ 3 ഫാറ്റി ആസിഡുകള്‍ അടങ്ങിയ മത്സ്യങ്ങള്‍ മുടിയുടെ ആരോഗ്യത്തിന് മികച്ചതാണ്. വെജിറ്റേറിയന്‍കാര്‍ക്ക് മത്തന്‍ വിത്തുകള്‍, വാള്‍നട്‌സ്, അവോക്കാഡോ എന്നിവ ഉള്‍പ്പെടുത്താം. മീനെണ്ണ ഗുളിക കഴിയ്ക്കുന്നതും നല്ലതാണ്.

• 

  ​നട്‌സ് ​

  നട്‌സ് മുടിയുടെ ആരോഗ്യത്തിന് സഹായിക്കുന്ന ഒന്നാണ്. ഇതില്‍ ഒമേഗ 3, ഫാറ്റി ആസിഡുകള്‍, ബയോട്ടിന്‍ എന്നിവയെല്ലാം തന്നെ അടങ്ങിയിട്ടുണ്ട്. സെലേനിയം, സിങ്ക് എന്നിവയും ഇതില്‍ ധാരാളമുണ്ട്. ഇതെല്ലാം മുടിയുടെ വളര്‍ച്ചയെ സഹായിക്കുന്ന ഘടകങ്ങളാണ്.

• 

  ​മുട്ട​

  മുടിയുടെ വളർച്ചയ്ക്ക് മുട്ട വളരെയധികം സഹായിക്കും. മുട്ടയിൽ അടങ്ങിയിട്ടുള്ള ബയോട്ടിൻ മുടിയുടെ വളർച്ച മെച്ചപ്പെടുത്തുന്നതിന് സഹായിക്കുന്നു. മുടിയുടെ കനം കുറഞ്ഞു പോകുന്നതും പെട്ടെന്നുണ്ടാകുന്ന മുടിയുടെ കൊഴിഞ്ഞുപോക്കും ഒക്കെ ശരീരത്തിൽ ബയോട്ടിന്റെ കുറവ് മൂലം ഉണ്ടാവുന്ന പ്രധാന പ്രശ്നങ്ങളാണ്.
  
  

• 

  ​തൈര് അല്ലെങ്കില്‍ ഗ്രീക്ക് യോഗര്‍ട്ട്​

  തൈര് അല്ലെങ്കില്‍ ഗ്രീക്ക് യോഗര്‍ട്ട് കഴിയ്ക്കുന്നത് മുടിയുടെ വളര്‍ച്ചയ്ക്ക് ഏറെ നല്ലതാണ്. തൈരിനേക്കാള്‍ ഗ്രീക്ക് യോഗര്‍ട്ടാണ് ഇതില്‍ മികച്ചത്. ധാരാളം പ്രോട്ടീനും വൈറ്റമിന്‍ ബിയുമെല്ലാം തൈരില്‍ അടങ്ങിയിട്ടുണ്ട്. ഇത് മുടിയുടെ കട്ടി കൂടാനും മുടി കൊഴിച്ചില്‍ തടയാനും നല്ലതാണ്.