ലോക്സഭാ സ്പീക്കറുടെ ഇരിപ്പിടത്തിനു സമീപം ചെങ്കോൽ സ്ഥാപിച്ച പ്രധാനമന്ത്രി അതിനുശേഷം ലോക്സഭയിൽ നിലവിളക്ക് തെളിയിച്ചു. പ്രധാനമന്ത്രിയും സ്പീക്കറുമാണ് തിരി തെളിയിച്ചത്. പിന്നാലെ ശിലാഫലകം മോദി അനാച്ഛാദനം ചെയ്യുകയും ചെയ്തു. ഇതേ വേദിയിൽ വെച്ച് പാർലമെന്‍റ് നിർമിച്ച തൊളിലാളികളെ പ്രധാനമന്ത്രി ആദരിച്ചു. പൂജകളോടെ തുടങ്ങിയ ഉദ്ഘാടന ചടങ്ങിൽ സർവമത പ്രാർഥനയും നടന്നു. പാർലമെന്‍റ് ലോബിയിലായിരുന്നു സർവമത പ്രാർഥന.
Also Read : അരിക്കൊമ്പൻ ചുരുളി വെള്ളച്ചാട്ടത്തിന് സമീപം; കുങ്കി ആനകളെ തേനിയിൽ എത്തിച്ചു; ദൗത്യം തുടങ്ങി
കരിങ്കൽ ക്വാറി കാരണം ദുരിതത്തിലായി ഒരു നാട്
12 മണിയോടെയാണ് പാർലമെന്‍റിനെക്കുറിച്ചുള്ള വിഡിയോ പ്രദർശനവും പ്രസംഗങ്ങളും നടക്കുക. 75 രൂപ നാണയവും സ്റ്റാംപും പ്രധാനമന്ത്രി പ്രകാശനം ചെയ്യും. ഇതിന് പിന്നാലെ പ്രധാനമന്ത്രി രാജ്യത്തെ അഭിസംബോധന ചെയ്യും. ഉദ്ഘാടന ചടങ്ങിൽ പ്രധാനമന്ത്രി ആദ്യാവസാനം പങ്കെടുക്കും. ഉദ്ഘാടന ചടങ്ങിൽ രാഷ്ടപതിയുടെയും, ഉപരാഷ്ട്രപതിയുടെയും സന്ദേശങ്ങൾ ചടങ്ങിൽ വായിക്കും.
പാര്‍ലമെന്‍റ് മന്ദിരത്തിന്റെ ഉദ്ഘാടനത്തിന് മുന്നോടിയായി പ്രധാനമന്ത്രിക്ക് ഇന്നലെ തന്നെ ചെങ്കോൽ ഇന്നലെ കൈമാറിയിരുന്നു. പ്രധാനമന്ത്രിയുടെ ഓഫീസിൽ നടന്ന ചടങ്ങിലാണ് തമിഴ്നാട്ടിൽ നിന്നുള്ള പൂജാരിമാരുടെ സംഘം ചെങ്കോൽ കൈമാറിയത്.
അതേസമയം, പ്രതിപക്ഷ കക്ഷികൾ പാർലമെന്‍റ് ഉദ്ഘാടന ചടങ്ങ് ബഹിഷ്കരിക്കുകയാണ്. രാജ്യത്തിന്‍റെ പ്രഥമ പൗരയായ രാഷ്ട്രപതി ദ്രൗപതി മുര്‍മു പുതിയ മന്ദിരം ഉദ്ഘാടനം ചെയ്യണമെന്നായിരുന്നു പ്രതിപക്ഷം ആവശ്യപ്പെട്ടത്. പക്ഷേ കേന്ദ്രം അംഗീകരിക്കാതെ വന്നതോടെയാണ് പ്രതിപക്ഷം ഉദ്ഘാടന ചടങ്ങ് ബഹിഷ്കരിക്കുന്നതായി പ്രഖ്യാപിച്ചത്. പ്രതിപക്ഷത്തെ 20 രാഷ്ട്രീയ പാർട്ടികളാണ് ഉദ്ഘാടന ചടങ്ങിൽ നിന്ന് വിട്ടുനിൽക്കുന്നത്. 19 പാർട്ടികൾ ചേർന്ന് ആദ്യം തന്നെ സംയുക്ത പ്രസ്താവനയിറക്കുകയും ചെയ്തിരുന്നു.
Also Read : Kerala Lottery Result: ഭാഗ്യം നിങ്ങളുടെ തൊട്ടരികെ; 70 ലക്ഷം സ്വന്തമാക്കാൻ മണിക്കൂറുകൾ മാത്രം
രാഷ്ട്രപതി ദ്രൗപദി മുർമുവിനെ മറികടന്ന്, പുതിയ മന്ദിരം ഉദ്ഘാടനം ചെയ്യാനുള്ള, മോദിയുടെ തീരുമാനം കടുത്ത അപമാനവും ജനാധിപത്യത്തിനുനേരെയുള്ള കടന്നാക്രമണവുമാണെന്ന് പ്രതിപക്ഷ പാർട്ടികൾ സംയുക്തപ്രസ്താവനയിലൂടെ പറഞ്ഞു. ജനാധിപത്യത്തിന്‍റെ ആത്മാവിനെ പാർലമെന്‍റിൽനിന്ന് പുറന്തള്ളുമ്പോൾ പുതിയ കെട്ടിടത്തിന് ഒരു മൂല്യവും ഞങ്ങൾ കാണുന്നില്ല. ഉദ്ഘാടനം ബഹിഷ്കരിക്കാനുള്ള കൂട്ടായ തീരുമാനം പ്രഖ്യാപിക്കുന്നെന്നാണ് പ്രതിപക്ഷം പ്രസ്താവനയിലൂടെ പറഞ്ഞത്.
Read Latest National News and Malayalam News
