Sumayya P | Samayam Malayalam | Updated: 28 May 2023, 5:18 pm
പ്രൊഫഷണൽ ജോലിക്കായി സൗദിയലേക്ക് പോകുന്നവർ ശ്രദ്ധിക്കുക; ജൂൺ ഒന്ന് മുതൽ നാട്ടിൽ നിന്നും സൗദി വിസ സ്റ്റാമ്പ് ചെയ്യുന്നതിന് യോഗ്യത തെളിയിക്കണം, വെബ്സൈറ്റിൽ ഇതിന് വേണ്ടിയുള്ള അപേക്ഷ നൽകണം, മറ്റു നിർദേശങ്ങൾ ഇങ്ങനെ
ഹൈലൈറ്റ്:
- https://svp-international.pacc.sa എന്ന വെബ്സൈറ്റിൽ കയറി അപേക്ഷ സമർപ്പിക്കണം.
- വെബ് സൈറ്റ് നൽകുന്ന വിവരമനുസരിച്ച് ഇന്ത്യയിൽ നാല് സെന്ററുകൾ
https://svp-international.pacc.sa എന്ന വെബ്സൈറ്റിൽ ചെന്ന് ഇതിന് വേണ്ടിയുള്ള അപേക്ഷ നൽകണം. ഇപ്പോൾ 9 വിദഗ്ദ്ധ ജോലികൾ ആണ് സെറ്റിൽ ഉള്ളത്. ഓട്ടോമോട്ടീവ് മെക്കാനിക്, എ.സി ടെക്‌നിഷ്യൻ, ഓട്ടോമോട്ടീവ് ഇലക്ട്രീഷ്യൻ, പ്ലംബർ, ഇലക്ട്രീഷ്യൻ, വെൽഡിങ്, എന്നീ തൊഴിലാളികൾക്ക് ആണ് യോഗ്യത തെളിയിക്കുന്ന സർട്ടിഫിക്കറ്റുകൾ കാണിക്കേണ്ടത്.
Also Read: രാജകീയ വിവാഹം; പാട്ടും നൃത്തവും ദുബായിൽ ആഘോഷരാവ് ; ഭരണാധികാരി ഷെയ്ഖ് മുഹമ്മദിന്റെ മകൾ വിവാഹിതയായി, വീഡിയോ പുറത്ത്
ഡൽഹിയിലും ബോംബെയിലുമാണ് ഇന്ത്യയിൽ ഇതിന്റെ സെന്ററുകൾ ഉള്ളത്. ഹോസ്റ്റൻ ടെസ്റ്റിംഗ് ആൻഡ് സ്കിൽ അപ്ഗ്രഡേഷൻ അക്കാദമി മുംബൈ, അഗ്‌നിൽ ഇൻഡസ്ട്രിയൽ ട്രെയിനിങ് ഇൻസ്റ്റിറ്റ്യുട്ട് മുംബൈ, അറബ്ടെക് ബി.എസ്.എൽ ട്രെയിനിങ് ആൻഡ് ടെസ്റ്റിംഗ് സെന്റർ ഡൽഹി, ഡോൺബോസ്‌കോ ടെക്‌നികൾ ഇൻസ്റ്റിറ്റ്യൂട്ട്, ഡൽഹി എന്നിങ്ങനെ 4 സെന്ററുകൾ ആണ് വെബ് സൈറ്റ് നൽകുന്ന വിവരമനുസരിച്ച് ഇവയാണ് ഇന്ത്യയിൽ ഉള്ളത്.
ജൂൺ ഒന്ന് മുതൽ പ്രൊഫഷനുകൾക്ക് യോഗ്യത പരിശോധിച്ച രേഖയില്ലാതെ വിസ സ്റ്റാമ്പിങ്ങിനായി പാസ്പ്പോർട്ടുകൾ സ്വീകരിക്കില്ലെന്ന് സൗദി കോൺസുലേറ്റ് ട്രാവൽ ഏജൻസികൾക്ക് അയച്ച സന്ദേശത്തിൽ പറയുന്നുണ്ട്. മാധ്യമം ആണ് വാർത്ത റിപ്പോർട്ട് ചെയ്യുന്നത്. വിഷയത്തിൽ പല തരത്തിലുള്ള വ്യകത ഇനിയും വരാനുണ്ടെന്ന് ഈ രംഗത്തെ വിദഗ്തർ പറയുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
