Sumayya P | Samayam Malayalam | Updated: 28 May 2023, 4:35 pm
റിപ്പോര്‍ട്ട് സ്ഥലത്തിനടുത്തുള്ള പട്രോളിംഗ് സംഘത്തിന് കൈമാറുകയും അവര്‍ റെക്കോര്‍ഡ് സമയത്ത് സംഭവസ്ഥലത്തേക്ക് പോകുകയും ചെയ്തു.
ഹൈലൈറ്റ്:
- ക്രിമിനല്‍ അന്വേഷണ സംഘം പ്രദേശത്തെ ക്യാമറകള്‍ പരിശോധിച്ചു, പ്രതികളെ കണ്ടെത്തുന്നതുവരെ തിരച്ചില്‍ തുടര്‍ന്നു.
- ചോദ്യം ചെയ്യലില്‍, പ്രതികള്‍ തങ്ങളുടെ കുറ്റം സമ്മതിച്ചു, നിര്‍ബന്ധിതമായി മോഷണക്കുറ്റം ചുമത്തി പബ്ലിക് പ്രോസിക്യൂഷന് റഫര്‍ ചെയ്തു.
കമ്പനി ജീവനക്കാരോട് തങ്ങള്‍ പോലീസുകാരാണെന്ന് പറഞ്ഞ് തെറ്റിദ്ധരിപ്പിച്ചാണ് ഗുണ്ടാസംഘം കൊള്ള നടത്തിയത്. കെട്ടിടത്തിനകത്ത് പ്രവേശിച്ച ഉടനെ വാതില്‍ അടച്ച് പണവും ഫോണുകളും ലാപ്ടോപ്പുകളും പിടിച്ചെടുത്ത് സ്ഥലം വിടുകയായിരുന്നു. തങ്ങളുടെ കമ്പനിയില്‍ നിന്ന് 1,200,000 ദിര്‍ഹം മോഷ്ടിച്ചതായി ഓപ്പറേഷന്‍സ് റൂമില്‍ അറിയിപ്പ് ലഭിച്ചതായി നായിഫ് പോലീസ് സ്റ്റേഷന്‍ ഡയറക്ടര്‍ മേജര്‍ ജനറല്‍ ഡോ താരിഖ് മുഹമ്മദ് തഹ്ലക് പറഞ്ഞു.
പതിനൊന്നുകാരിക്ക് നേരെ പീഡനശ്രമം; പ്രതി അറസ്റ്റിൽ
കമ്പനിയിലെ ജീവനക്കാര്‍ കുറ്റവാളികളെ കുറിച്ചുള്ള വിവരങ്ങള്‍ പോലീസിന് നല്‍കിയതിന്റെ അടിസ്ഥാനത്തില്‍ കെട്ടിടത്തിലെ നിരീക്ഷണ ക്യാമറകള്‍ പരിശോധിക്കുകയും തങ്ങളുടെ കൈയിലുള്ള ക്രിമിനല്‍ ഡാറ്റ അതീവ കൃത്യതയോടെയും പ്രൊഫഷണലിസത്തോടെയും വിശകലനം ചെയ്താണ് പ്രതികളെ പോലിസ് സംഘം വലയിലാക്കിയതെന്ന് ഡോ തഹ്ലക് പറഞ്ഞു. സ്ഥാപനം പ്രവര്‍ത്തിക്കുന്ന കെട്ടിടത്തില്‍ 6 പേര്‍ അടങ്ങുന്ന സംഘം എത്തി ഡോര്‍ബെല്‍ അടിച്ച് വാതില്‍ തുറക്കാന്‍ ആവശ്യപ്പെട്ടതായി ജീവനക്കാര്‍ പോലിസിനോട് പറഞ്ഞു. അവരില്‍ ഒരാള്‍ എമിറാത്തി ഭാഷയിലായിരുന്നു സംസാരിച്ചത്. തങ്ങള്‍ പോലീസുകാരാണെന്ന് പറഞ്ഞതിനെ തുടര്‍ന്ന് വാതില്‍ തുറന്ന ഉടന്‍ തന്നെ അകത്ത് കയറി പണം കുറച്ച് ഉപകരണങ്ങളും മോഷ്ടിച്ച് അവിടെ നിന്ന് രക്ഷപ്പെടുകയായിരുന്നുവെന്നും കമ്പനിയിലെ ജീവനക്കാര്‍ പറഞ്ഞു.
ആദ്യ പ്രതിയെ ഇയാളുടെ വസതിയില്‍ വച്ചും മിനിറ്റുകള്‍ക്കകം രണ്ടാമനെ അല്‍ സത്വ മേഖലയില്‍ വച്ചും അറസ്റ്റ് ചെയ്തു. അല്‍ ബിദ്ദ പ്രദേശത്തെ മൂന്നാമത്തെ പ്രതിയുടെ വസതിയില്‍ സംഘം റെയ്ഡ് നടത്തി, മറ്റ് രണ്ട് പ്രതികളെയും അറസ്റ്റ് ചെയ്തു. വേഗത്തിലുള്ള പ്രതികരണവും കര്‍ശനമായ പ്രവര്‍ത്തന പദ്ധതിയും പ്രതികളെ പ്രദേശം വിട്ടുപോകുന്നതില്‍ നിന്ന് തടഞ്ഞുവെന്ന് ക്രിമിനല്‍ റെക്കോര്‍ഡ്‌സ് വകുപ്പ് മേധാവി ലെഫ്റ്റനന്റ് കേണല്‍ യാസര്‍ അല്‍ ഹാഷിമി പറഞ്ഞു. തൊഴിലില്ലാത്ത ഏഷ്യക്കാരാണ് അക്രമം നടത്തിയതെന്നും മുഴുവന്‍ തുകയും ഇവരുടെ പക്കല്‍ നിന്ന് കണ്ടെത്തിയതായും അദ്ദേഹം പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
