Authored by Deepu Divakaran | Samayam Malayalam | Updated: 28 May 2023, 7:53 pm
ചെങ്കോലിനു മുന്നിൽ പ്രധാനമന്ത്രി നരേന്ദ്ര മോദി സാഷ്ടാംഗ പ്രണാമം നടത്തുന്നത് ചർച്ചയാകുന്നു. പ്രധാനമന്ത്രിയുടെ പ്രവർത്തി അനുചിതമായെന്ന അഭിപ്രായവുമായി ഒരു വിഭാഗം.
ഹൈലൈറ്റ്:
- ചെങ്കോലിനു മുന്നിൽ സാഷ്ടാംഗം പ്രണമിച്ച് പ്രധാനമന്ത്രി.
- അനുചിതമായെന്ന അഭിപ്രായവുമായി ഒരു വിഭാഗം.
- ഇതാദ്യമായല്ല പ്രധാനമന്ത്രി സാഷ്ടാംഗം പ്രണമിക്കുന്നത്.
പാർലമെൻ്റ് ഉദ്ഘാടനത്തിനു മുന്നോടിയായി നടന്ന പൂജകൾക്കിടെ പ്രത്യേകം സ്ഥാപിച്ച ചെങ്കോലിനു മുന്നിലാണ് പ്രധാനമന്ത്രി സാഷ്ടാംഗം പ്രണമിച്ചത്. വേദമന്ത്രോച്ചാരണങ്ങൾക്കും ശംഖനാദത്തിനും ഇടയിൽ നടന്ന പ്രധാനമന്ത്രിയുടെ പ്രവർത്തിക്കെതിരെ വിവിധ കോണുകളിൽനിന്നു വിമർശനം ഉണ്ടായിട്ടുണ്ട്. എന്നാൽ ബഹുമാനസൂചകമായാണ് പ്രധാനമന്ത്രി ചെങ്കോലിനു മുന്നിൽ സാഷ്ടാംഗ പ്രണാമം നടത്തിയതെന്നാണ് അനുകൂലിക്കുന്നവരുടെ വാദം.
പൊട്ടിച്ചിരിക്കുന്ന മനുഷ്യ ചക്ക; അങ്ങാടിപ്പുറത്തെ വൈറൽ ചക്ക | Viral Jackfruit |
2020 ൽ അയോധ്യയിൽ നടന്ന ഭൂമിപൂജയ്ക്കിടെയാണ് വിഗ്രഹമായ രാം ലല്ലയ്ക്കു മുന്നിൽ മോദി സാഷ്ടാംഗ പ്രണാമം നടത്തിയത്. ഇതിനു മുമ്പ്, 2019 ൽ കക്ഷി നേതാവായി തെരഞ്ഞെടുത്ത ശേഷം പ്രസംഗപീഠത്തിലേക്ക് പോകുന്നതിനിടെ ഭരണഘടനയെ നമിച്ചിട്ടുണ്ട്. വൻ ഭൂരിപക്ഷത്തിൽ ബിജെപി അധികാരമേറ്റ 2014 ലും സമാനമായി പാർലമെൻ്റിലേക്കു നടന്നുവരുന്നതിനിടെ പടികളിൽ നെറ്റിത്തടംകൊണ്ടു നമിച്ചിരുന്നു.
ഭാരതത്തിലെ കോടിക്കണക്കിന് ജനങ്ങളുടെ സ്വപ്നസാക്ഷാത്കാരം, ഭാരതം വളരുമ്പോൾ ലോകം വളരുന്നുവെന്ന് മോദി
ചെങ്കോലിനെക്കുറിച്ച് പ്രധാനമന്ത്രി
മഹത്തായ ചോള സാമ്രാജ്യത്തിൽ കടമയുടെയും സേവനപാതയുടെയും പ്രതീകമായാണ് ചെങ്കോലിനെ കണ്ടിരുന്നതെന്ന് പ്രധാനമന്ത്രി നരേന്ദ്ര മോദി പറഞ്ഞു. ചെങ്കോൽ അധികാര കൈമാറ്റത്തിന്റെ പവിത്രമായ പ്രതീകമായി മാറി. വിശുദ്ധ ചെങ്കോലിന്റെ അന്തസ്സ് വീണ്ടെടുക്കാൻ കഴിഞ്ഞത് നമ്മുടെ ഭാഗ്യമാണ്. സഭാ നടപടികളിൽ ഈ ചെങ്കോൽ നമ്മെ പ്രചോദിപ്പിച്ചുകൊണ്ടേയിരിക്കുമെന്നും അദ്ദേഹം പറഞ്ഞു.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
