എകെ 47, എം-16, സ്നൈപ്പർ റൈഫിൾ തുടങ്ങിയ ആയുധങ്ങൾ ഉപയോഗിച്ചു ജനങ്ങൾക്കുനേരെ നിറയൊഴിക്കുന്ന സംഭവങ്ങൾ ഉണ്ടായി. സുരക്ഷാ സേനയെയും ഇവർ ലക്ഷ്യംവെച്ചു. അടുത്തിടെയുണ്ടായ സംഘർഷം സമുദായങ്ങൾ തമ്മിലുള്ള ശത്രുതയെ തുടർന്നല്ല. കുംകി വിഭാഗക്കാരും സുരക്ഷാ സേനയും തമ്മിലാണ് ഏറ്റുമുട്ടിയത്. സുരക്ഷാ സേനയുടെ നീക്കത്തെ ജനം തടസപ്പെടുത്തരുത്. ജനങ്ങൾ സർക്കാരിൽ വിശ്വാസമർപ്പിച്ചു സുരക്ഷാ സേനയ്ക്കു പിന്തുണ നൽകണമെന്നും സംസ്ഥാനം ശിഥിലമാകാൻ ഒരിക്കലും അനുവദിക്കില്ലെന്നും മുഖ്യമന്ത്രി പറഞ്ഞു.
പൊട്ടിച്ചിരിക്കുന്ന മനുഷ്യ ചക്ക; അങ്ങാടിപ്പുറത്തെ വൈറൽ ചക്ക | Viral Jackfruit |
അതിനിടെ, സംസ്ഥാനത്ത് വിവിധയിടങ്ങളിൽ വെടിവെപ്പ് ഉണ്ടായത് ആശങ്കയ്ക്ക് ഇടയാക്കിയിട്ടുണ്ട്. കാക്ചിങ്ങിലെ സുഗ്നു, ചുരാചന്ദ്പുരിലെ കാങ്വി, ഇംഫാൽ വെസ്റ്റിലെ കാങ്ചുപ്, ഘുർഘുൽ, ഇംഫാൽ ഈസ്റ്റിലെ സഗോൽമാങ്, ബിഷേൻപുരിലെ നുൻഗോയ്പോക്പി എന്നിവിടങ്ങളിലാണ് വെടിവെപ്പ് ഉണ്ടായിരിക്കുന്നതെന്ന് ഔദ്യോഗിക വൃത്തങ്ങൾ അറിയിച്ചു. അക്രമികൾ ബിജെപി എംഎൽഎ രഗുമണി സിങ്ങിൻ്റെ ഇംഫാലിലെ വസതി ആക്രമിക്കുകയും വാഹനങ്ങൾക്കു തീയിടുകയും ചെയ്തു.
അന്ന് രാം ലല്ല, ഇന്ന് ചെങ്കോൽ; മോദിയുടെ സാഷ്ടാംഗ പ്രണാമം രണ്ടാം തവണ
നേരത്തെ, സംസ്ഥാനത്തെ ജനസംഖ്യയിൽ ഭൂരിപക്ഷമായ മെയ്തി വിഭാഗം പട്ടികവർഗ പദവി ആവശ്യപ്പെട്ടതിനെ ചൊല്ലിയുണ്ടായ സംഘർഷത്തിൽ 75 പേർ മരണപ്പെട്ടിരുന്നു. മെയ്തി വിഭാഗവും കുംകി, നാഗ തുടങ്ങിയ ഗോത്രവിഭാഗങ്ങളുമാണ് ഏറ്റുമുട്ടിയിരുന്നത്. മെയ്തി വിഭാഗത്തിന് പട്ടികവർഗ പദവി നൽകാനുള്ള നീക്കത്തിനെതിരെ മെയ് മൂന്നിനു നടത്തിയ ട്രൈബൽ സോളിഡാരിറ്റി മാർച്ച് ആണ് കലാപത്തിനു വഴിയൊരുക്കിയത്. സൈന്യത്തിൻ്റെ ഇടപെടലിനെ തുടർന്ന് സ്ഥിതിഗതികൾ ശാന്തമായതിനു പിന്നാലെയാണ് വീണ്ടും സംഘർഷം ഉടലെടുത്തിരിക്കുന്നത്.
ബെംഗളൂരു- മൈസൂരൂ എക്സ്‍പ്രസ്‍വേയിൽ ലോറിക്കടിയിലേക്കു ബൈക്ക് ഇടിച്ചുകയറി; മലയാളി വിദ്യാ‍ർഥികൾക്ക് ദാരുണാന്ത്യം
അതേസമയം സ്ഥിതിഗതികൾ വിലയിരുത്താനായി കേന്ദ്ര ആഭ്യന്തരമന്ത്രി അമിത് ഷാ 29 ന് മണിപ്പൂരിൽ എത്തും. മൂന്നു ദിവസം അമിത് ഷാ സംസ്ഥാനത്ത് തുടർന്നേക്കും. നേരത്തെ, കരസേന മേധാവി ജനറൽ മനോജ് പാണ്ഡെ മണിപ്പൂരിലെ സാഹചര്യവും സൈന്യം സ്വീകരിച്ച നടപടികളും അമിത് ഷായെ അറിയിച്ചിരുന്നു.
Read Latest National News and Malayalam News
