ധനകാര്യവും ഐടിയും സിദ്ധരാമയ്യക്ക് തന്നെ, ഡികെ ശിവകുമാറിന് ബെംഗളൂരു വികസനം; കർണാടകത്തിലെ വകുപ്പ് വിഭജനം ഇങ്ങനെ

ബെംഗളൂരു: പുതിയ 24 മന്ത്രിമാർകൂടി സത്യപ്രതിജ്ഞ ചെയ്ത് അധികാരത്തിൽ എത്തുന്നതോടെ കർണാടകത്തിലെ കോൺഗ്രസ് മന്ത്രിസഭയുടെ വകുപ്പ് വിഭജനം പൂർത്തിയായി. മുഖ്യമന്ത്രിയായി സിദ്ധരാമയ്യയും ഉപമുഖ്യമന്ത്രിയായി ഡി കെ ശിവകുമാറും അധികാരത്തിൽ എത്തിയതിന് ഒരാഴ്ചയ്ക്ക് ശേഷമാണ് പുതിയ വകുപ്പ് വിഭജനം പൂർത്തിയാകുന്നത്. 27ാം തീയതി ശനിയാഴ്ചയാണ് 24 മന്ത്രിമാർകൂടി സത്യപ്രതിജ്ഞ ചെയ്ത് അധികാരത്തിൽ എത്തിയത്.

Also Read : 2024 പൊതുതെരഞ്ഞെടുപ്പ്: പ്രതിപക്ഷ ഐക്യത്തിന്റെ ആദ്യ സംയുക്ത യോഗം ജൂൺ 12ന്; ആരെല്ലാം പങ്കെടുക്കും

പുതിയ പട്ടിക അനുസരിച്ച് മുഖ്യമന്ത്രി സിദ്ധരാമയ്യ ധനകാര്യം, ഇൻ്റലിജൻസ്, ക്യാബ്നെറ്റ് അഫേഴ്സ്, പൊതുഭരണം, ഐടി എന്നീ വകുപ്പുകളുടെ ചുമതലയാണുള്ളത്.

അപകടത്തിൽ 11 പേർക്ക് പരിക്ക്

പിസിസി അധ്യക്ഷനും ഉപമുഖ്യമന്ത്രിയുമായ ഡി കെ ശിവകുമാറിന് ബെംഗളൂരു നഗരവികസന വകുപ്പും ജലസേചനവുമാണ് ലഭിച്ചിരിക്കുന്നു. ബെംഗളൂരു മെട്രോ റെയിൽ കോർപറേഷന്റെ ചുമതലയും ഉൾക്കൊള്ളുന്നതാണ് ബെംഗളൂരു നഗരവികസന വകുപ്പ്. അതിന് പുറമെ, ബിബിഎംപി, ബിഡിഎ, ബിഡബ്ലിയുഎസ്എസ്ബി, ബിഎംആർഡിഎ എന്നിവയുടെ ചുമതലയും ശിവകുമാറിന് തന്നെയാണുള്ളത്.

മറ്റ് മന്ത്രിമാരുടെ വകുപ്പുകൾ ഇങ്ങനെ

ജി പരമേശ്വര – ആഭ്യന്തരം (ഇന്റലിജൻസ് ഉൾപ്പെടുന്നില്ല)

മധു ബങ്കാരപ്പ – വിദ്യാഭ്യാസം

എച്ച് കെ പാട്ടിൽ – നിയമ പാർലമെന്ററികാര്യം, ലെജിസ്ലേഷൻ, ടൂറിസം

ശരണബസപ്പ ദർശൻപൂർ – ചെറുകിട വ്യവസായം, പൊതുമേഖലാ വ്യവസായങ്ങൾ

കെ എച്ച് മുനിയപ്പ – ഭക്ഷ്യ സിവിൽ സപ്ലൈസ്, ഉപഭോക്തൃകാര്യ വകുപ്പുകൾ

ഡോ എം സി സുധാകർ – ഉന്നത വിദ്യാഭ്യാസമന്ത്രി

സതീഷ് ജർകിഹോളി – പൊതുവകുപ്പുകൾ

സമീർ അഹമ്മദ് ഖാൻ – ഹൗസിങ്, വഖഫ്, ന്യൂനപക്ഷ കാര്യ വകുപ്പുകൾ

കൃഷ്ണ ബൈരഗൗഡ – റവന്യൂ വകുപ്പ്

ദിനേഷ് ഗുണ്ഡറാവു – ആരോഗ്യ കുടുംബക്ഷേമ വകുപ്പുകൾ

എൻ ചാലുവരയസ്വാമി – കൃഷി

കെ വെങ്കിടേഷ് – മൃഗസംരക്ഷണം