ഇത്തരത്തില്‍ ആഹാര കാര്യത്തില്‍ നമ്മള്‍ ശ്രദ്ധിക്കേണ്ട കാര്യങ്ങള്‍ എന്തെല്ലാമെന്ന് നോക്കാം. പ്രത്യേകിച്ച് നല്ല രോഗപ്രതിരോധശേഷിയും ആരോഗ്യവും വളര്‍ത്തിയെടുക്കാന്‍ എന്തെല്ലാം ശ്രദ്ധിക്കണം എന്ന് നോക്കാം.
പോഷക സമ്പന്നമായ ആഹാരം
എപ്പോഴും നല്ല പോഷക സമ്പന്നമായ ആഹാരങ്ങള്‍ കഴിക്കാന്‍ ശ്രദ്ധിക്കണം. പോഷകങ്ങള്‍ കൃത്യമായി നമ്മളുടെ ശരീരത്തില്‍ എത്തിയാല്‍ മാത്രമാണ് നമ്മളുടെ അവയവങ്ങളുടെ പ്രവര്‍ത്തനം കൃത്യമായി നടക്കുകയുള്ളൂ. അതുപോലെ തന്നെ എല്ലുകള്‍ക്ക് ബലം ഉണ്ടാകണമെങ്കിലും നമ്മളുടെ ഓര്‍മ്മശക്തി നിലനില്‍ക്കാനും രോഗപ്രതിരോധശേഷി നിലനിര്‍ത്താനും പോഷകങ്ങള്‍ അനിവാര്യം. ഒരാളുടെ വളര്‍ച്ചയ്ക്ക് പോഷകങ്ങള്‍ ഒഴിച്ച് കൂടാനാകാത്ത ഒരു വസ്തുതയാണ്.
അതിനാല്‍ തന്നെ പോഷക സമ്പന്നമായ പഴങ്ങളും പച്ചക്കറികളും നമ്മള്‍ കഴിക്കണം. പല വര്‍ണ്ണത്തിലുള്ള പച്ചക്കറികള്‍ കഴിക്കുന്നത് ആരോഗ്യത്തിന് വളരെ നല്ലതാണ്. ഇത് ശരീരത്തിലേയ്ക്ക് നല്ല ഹെല്‍ത്തി ഫാറ്റ് നല്‍കുന്നതിന് സഹായിക്കുന്നുണ്ട്. അതുപോലെ തന്നെ നമ്മളുടെ മൊത്തത്തിലുള്ള ആരോഗ്യം നിലനിര്‍ത്താനും ഇത് സഹായിക്കുന്നു.
ആഹാര കാര്യത്തിലെ സ്ഥിരത
നമ്മളുടെ നല്ല ആരോഗ്യത്തിനും ദഹനം കൃത്യമായി നടക്കുന്നതിനും ഏറ്റവും പ്രധാനപ്പെട്ട ഒരു കാര്യമാണ് ആഹാര കാര്യത്തിലെ സ്ഥിരത. എന്നും ഒരേ സമയത്ത് ആഹാരം കഴിക്കുന്നതും നല്ല ഹെല്‍ത്തി ഫുഡ് കഴിക്കാന്‍ പരമാവധി ശ്രദ്ധിക്കുന്നതെല്ലാം തന്നെ ശരീരത്തിലേയ്ക്ക് കൃത്യമായി പോഷകങ്ങള്‍ എത്തുന്നതിന് സഹായിക്കുന്നുണ്ട്. ഇത് മാത്രമല്ല, അനാവശ്യമായി ശരീരത്തില്‍ കൊഴുപ്പ് അടിഞ്ഞ് കൂടാതിരിക്കാനും ഇത് സഹായിക്കുന്നു. ഇത് അമിതവണ്ണം പോലെയുള്ള പ്രശ്‌നങ്ങള്‍ അകറ്റാനും നല്ല ആരോഗ്യമുള്ള ശരീരം നിലനിര്‍ത്താനും സഹായിക്കുന്നു.
നമ്മളുടെ ആഹാര കാര്യത്തില്‍ ശ്രദ്ധ കൊണ്ടുവന്നില്ലെങ്കില്‍ പ്രമേഹം, രക്തസമ്മര്‍ദ്ദം, കൊളസ്‌ട്രോള്‍ പോലെയുള്ള ആരോഗ്യ പ്രശ്‌നങ്ങള്‍ നമ്മള്‍ക്ക് വരുന്നതിനും ഇത് ഒരു കാരണമാകുന്നുണ്ട്. അതിനാല്‍ കൃത്യസമയത്തെ ഇടവേളകളില്‍ മാത്രം ആഹാരം കഴിക്കാന്‍ ശ്രദ്ധിക്കാം. ഇത് ദഹനം കൃത്യമായി നടക്കുന്നതിന് സഹായിക്കും. ദഹനം നടന്നാല്‍ പകുത അസുഖങ്ങള്‍ നമ്മള്‍ക്ക് ഇല്ലാതാക്കാം.
ഗായിക മാളവിക അനില്‍കുമാറിന്റെ ലൈഫ്‌സ്റ്റൈല്‍ വിശേഷങ്ങള്‍
ലൈഫ്‌സ്‌റ്റൈലിനെക്കുറിച്ചു തുറന്നു പറഞ്ഞ്‌ മാളവിക അനിൽകുമാർ
പ്രോസസ്സ്ഡ് ഫുഡ്
പരമാവധി അമിതമായി പ്രോസസ്സിംഗ് കഴിഞ്ഞ് എത്തുന്ന ആഹാരങ്ങള്‍ കഴിക്കാതിരിക്കാന്‍ ശ്രദ്ധിക്കുക. പ്രത്യേകിച്ച് കേക്ക്, ബിസ്‌ക്കറ്റ്, സാന്‍ഡ്വിച്ച് എന്നിവയെല്ലാം കഴിക്കുന്നത് സത്യത്തില്‍ കൊഴുപ്പ് ഉണ്ടാക്കുകയും ഇത് അമിതവണ്ണത്തിലേയ്ക്കും മറ്റു പല ആരോഗ്യ പ്രശ്‌നങ്ങളിലേയ്ക്കും നയിക്കുകയും ചെയ്യുന്നു.
അതിനാല്‍ ഇത്തരം ആഹാരങ്ങള്‍ പരമാവധി ഒഴിവാക്കുന്നതാണ് നല്ലത്. നല്ല ഹെല്‍ത്തി ആയിരിക്കാന്‍ ആഗ്രഹമുള്ളവര്‍ രാവിലെ തന്നെ ബിസ്‌ക്കറ്റ് കഴിച്ച് ജോലിക്ക് പോകുന്നതും പഠിക്കാന്‍ പോകുന്നതും ഒഴിവാക്കുക. അതുപോലെ, നല്ല ഹെല്‍ത്തി ആഹാരങ്ങള്‍ കഴിക്കാന്‍ ശ്രദ്ധിക്കുക.
വെള്ളം കുടിക്കുക
നമ്മളുടെ ശരീരത്തിന്റെ ഒട്ടുമിക്ക പ്രവര്‍ത്തനങ്ങളും നടക്കണമെങ്കില്‍ നല്ല ആഹാരം മാത്രം കഴിച്ചത് കൊണ്ടായില്ല. നല്ലപോലെ വെള്ളവും കുടിക്കണം. കൃത്യമായി ശരീരത്തിലേയ്ക്ക് വെള്ളം എത്തിയാല്‍ മാത്രമാണ് നല്ല ദഹനം നടക്കുകയുള്ളൂ. അഥുപോലെ തന്നെ ശരീരത്തിലേയ്ക്ക് ഓക്‌സിജന്‍ എത്തിക്കുന്നതിനും അവയവങ്ങളുടെ പ്രവര്‍ത്തനത്തിനും വെള്ളം വേണം. കാര്‍ ഓടിക്കാന്‍ പെട്രോള്‍ എന്നത് പോലെയാണ് ശരീരം പ്രവര്‍ത്തിക്കാന്‍ വെള്ളം.
എന്നും രാവിലെ എഴുന്നേല്‍ക്കുമ്പോള്‍ തന്നെ രണ്ട് ഗ്ലാസ്സ് വെള്ളം കുടിച്ചാല്‍ ശരീരം ശുദ്ധിയായി. പിന്നെ ഇടയ്ക്കിടയ്ക്കായി ഒരു ദിവസം കുറഞ്ഞത് 3 ലിറ്റര്‍ വെള്ളം കുടിച്ചാല്‍ ചര്‍മ്മ പ്രശ്‌നങ്ങള്‍ മുതല്‍ പല ആരോഗ്യ പ്രശ്‌നങ്ങളും അടുക്കില്ല.
Also read: ദിവസവും 8 ഗ്ലാസ്സ് വെള്ളം കുടിച്ചാല്‍ ഈ ഗുണങ്ങള്‍ ലഭിക്കും
അനുപാതം
നമ്മള്‍ ഒരു ദിവസം കഴിക്കുന്ന ആഹാരത്തിന് കൃത്യമായ ആനുപാതം കണക്കാക്കുന്നത് നല്ലതാണ്. പ്രോട്ടീന്‍ എത്രത്തോളം വേണം, ഫൈബര്‍ എത്രത്തോളം വേണം അതുപോലെ തന്നെ എനര്‍ജി എത്രവേണം എന്നെല്ലാം നമ്മള്‍ കൃത്യമായ അനുപാതം കണക്കാക്കണം. അതിനനുസരിച്ച് വേണം ഒരുദിവസത്തെ ആഹാരം നിങ്ങള്‍ ക്രമീകരിക്കാന്‍. ഇത് കൃത്യമായ അളവില്‍ പോഷകങ്ങള്‍ എത്തുന്നതിന് സഹായിക്കുന്നു.
