നിങ്ങളുടെ ചര്‍മ്മത്തിന് ചേരുന്നതും അതുപോലെ തന്നെ സ്ഥിരമായി ഉപയോഗിക്കാന്‍ സാധിക്കുന്നതുമായ ചില മാര്‍ഗ്ഗങ്ങള്‍ എന്തെല്ലാമെന്നും അവ എങ്ങിനെ മനസ്സിലാക്കാം എന്നും നോക്കാം.
സ്‌കിന്‍ ടൈപ്പ്
ഏതൊരു ചര്‍മ്മ സംരക്ഷണ മാര്‍ഗ്ഗം സ്വീകരിക്കുന്നതിന് മുന്‍പും നിങ്ങളുടെ ചര്‍മ്മം ഏത് ടൈപ്പ് ആണ് എന്ന് മനസ്സിലാക്കണം. ചര്‍മ്മം ഡ്രൈ ആയിട്ടുള്ളവരാണെങ്കില്‍ അവര്‍ പിന്തുടരേണ്ടത് ഒരു രീതിയാണ. അതുപോലെ, ഓയ്‌ലി സ്‌കിന്‍ ഉള്ളവര്‍ പിന്തുടരേണ്ടത് മറ്റൊരു രീതിയാണ്.
വരണ്ട ചര്‍മ്മം ഉള്ളവര്‍ ചര്‍മ്മത്തെ എപ്പോഴും മോയ്‌സ്ച്വര്‍ ചെയ്ത് നിലനിര്‍ത്താന്‍ ശ്രമിക്കണം. അതുപോലെ, കൂടുതല്‍ വരണ്ട് പോകുന്ന തരത്തിലുള്ള പ്രോഡക്ട്‌സ് ഉപയോഗിക്കാതിരിക്കുന്നതാണ് കുറച്ചും കൂടെ നല്ലത്.
ഓയ്‌ലി സ്‌കിന്‍ ആണെങ്കില്‍ ചര്‍മ്മത്തില്‍ നിന്നും അമിതമായിട്ടുള്ള മോയ്‌സ്ച്വര്‍ കണ്ടന്റ് നീക്കം ചെയ്ത് ചര്‍മ്മത്തിലെ മോയ്‌സ്ച്വര്‍ കണ്ടന്റ് നഷ്ടപ്പെടാതെ തന്നെ നല്ല ആരോഗ്യമുള്ള ചര്‍മ്മം നിലനിര്‍ത്താന്‍ ശ്രദ്ധിക്കണം.
വരണ്ട ചര്‍മ്മം
വരണ്ട ചര്‍മ്മം ഉള്ളവര്‍ക്ക് നിരവധി ചര്‍മ്മ പ്രശ്‌നങ്ങള്‍ വരാനുള്ള സാധ്യത വളരെ കൂടുതലാണ്. പെട്ടെന്ന് കരുവാളിപ്പ് പിടിപെടാനും ചര്‍മ്മത്തിന്റെ ഇലാസ്തികത നഷ്ടപ്പെടാനും സാധ്യത കൂട്ടുന്നുണ്ട്. ചര്‍മ്മത്തിന്റെ ഇലാസ്തികത നഷ്ടപ്പെടുമ്പോള്‍ അത് ചര്‍മ്മത്തില്‍ ചുളിവുകള്‍ വീഴുന്നതിലേയ്ക്കും മുഖത്ത് അമിതമായി പ്രായം തോന്നിപ്പിക്കുന്നതിനും കാരണമാകുന്നു.
വരണ്ട ചര്‍മ്മം ഉള്ളവരില്‍ പെട്ടെന്ന് മുഖക്കുരു വരാന്‍ സാധ്യത കുറവാണ്. അതുപോലെ, ഇവരില്‍ ബ്ലാക്ക് ഹെഡ്‌സ്, വൈറ്റ് ബെഡ്‌സ് പ്രശ്നങ്ങളും കുറവായിരിക്കും. ഇവര്‍ ചര്‍മ്മ സംരക്ഷണം ആരംഭിക്കുമ്പോള്‍ പ്രധാനമായും ശ്രദ്ധിക്കേണ്ടത് ചര്‍മ്മത്തെ മോയ്‌സ്ച്വര്‍ ചെയ്ത് നിലനിര്‍ത്തുക എന്നതാണ്.
ചര്‍മ്മത്തിലെ കരുവാളിപ്പ് അകറ്റാന്‍
സൂര്യപ്രകാശമേറ്റ് ചർമ്മത്തിനുണ്ടാകുന്ന കരുവാളിപ്പ് മാറാൻ ടിപ്സ്
എണ്ണമയം ഉള്ള ചര്‍മ്മം
ചിലര്‍ പൗഡര്‍ ഇട്ട് കുറച്ച് നേരം കഴിയുമ്പോഴേയ്ക്കും മുഖത്ത് ആകെ എണ്ണമയം നിറഞ്ഞ് ഒട്ടും മേയ്ക്കപ്പ് ഇടാത്ത പോലെ ഇരിക്കുന്നത് കാണാം. ഇത്തരത്തില്‍ എണ്ണമയം ഉള്ള മുഖമാണ് നിങ്ങളുടേത് എങ്കില്‍ ഇതിനും ഗുണവും ദോഷവും ഉണ്ട്. ഇതിന്റെ ഏറ്റവും വലിയ ഗുണം എന്താണെന്ന് വെച്ചാല്‍ ചര്‍മ്മത്തിന്റെ ഇലാസ്തികത നിലനിര്‍ത്തുകയും പ്രായം തോന്നാതിരിക്കാനും ഇത് സഹായിക്കും.
എന്നാല്‍, മുഖത്ത് കുരുക്കള്‍ പൊന്തുന്നതിനും മുഖത്ത് കുഴി വീഴാനും കറുത്തപാടുകള്‍ വരാനും ബ്ലാക്ക് ഹെഡ്‌സ് വരാനും സാധ്യത വളരെ കൂടുതലാണ്. ഇത്തരം ചര്‍മ്മം ഉള്ളവര്‍ തങ്ങളുടെ ചര്‍മ്മത്തില്‍ നിന്നും അമിതമായിട്ടുള്ള ഓയില്‍ നീക്കം ചെയ്യാനും ചര്‍മ്മത്തെ സംരക്ഷിക്കാനും സഹായിക്കുന്ന മാര്‍ഗ്ഗങ്ങളാണ് പിന്തുടരേണ്ടത്.
വരണ്ട ചര്‍മ്മക്കാര്‍ക്ക് ടിപ്സ്
വരണ്ട ചര്‍മ്മം ഉള്ളവരാണെങ്കിലും ഓയ്‌ലി സ്‌കിന്‍ ആണെങ്കിലും എന്നും മുഖം വൃത്തിയാക്കി കഴുകേണ്ടത് അനിവാര്യമാണ്. വരണ്ട ചര്‍മ്മം ഉള്ളവര്‍ ഫേയ്‌സ് വാഷ് ലോഷന്‍ ഉപയോഗിക്കുന്നതിനേക്കാള്‍ നല്ലത് കുറച്ചും കൂടെ നാച്വറല്‍ ഫേയ്‌സ് വാഷ് മെത്തേഡ് സ്വീകരിക്കുന്നതാണ്. കടലപ്പൊടി ഉപയോഗിച്ച് മുഖം വൃത്തിയാക്കുന്നതെല്ലാം തന്നെ നല്ലതാണ്.
ഇത് ചര്‍മ്മം വരണ്ട് പോകാന്‍ അനുവദിക്കുകയില്ല. കൂടാതെ, കറുത്തപാടുകളും കരുവാളിപ്പും കുറയ്ക്കാന്‍ സഹായിക്കും. ചര്‍മ്മത്തിന്റെ ഇലാസ്തികത നിലനിര്‍ത്താനും സഹായിക്കുന്നു. മുഖം കഴുകി കഴിഞ്ഞാല്‍ കറ്റാര്‍വാഴ ജെല്‍ ഉപയോഗിച്ച് മസാജ് ചെയ്യുന്നത് നല്ലതാണ്. ഇത് രാവിലേയും വൈകീട്ടും ചെയ്യുന്നത് നല്ലത് തന്നെ.
ഇതില്ലെങ്കില്‍ റോസ് വാട്ടര്‍ പുരട്ടാവുന്നതാണ്. അതുപോലെ, പുറത്തേക്ക് ഇറങ്ങുമ്പോള്‍ സണ്‍സ്‌ക്രീന്‍ പുരട്ടണം.സണ്‍സ്‌ക്രീന്‍ പുരട്ടുന്നതിന് മുന്‍പ് കറ്റാര്‍വാഴ ജെല്‍ പുരട്ടാന്‍ മറക്കരുത്. രാത്രിയില്‍ കിടക്കുന്നതിന് മുന്‍പും കറ്റാര്‍വാഴ ജെല്‍ പുരട്ടാം. അതുപോലെ, പരമാവധി കുളിക്കാന്‍ എല്ലാം പിഎച്ച് വാല്യൂ നല്ലപോലെ ഉള്ള പ്രോഡക്ട്‌സ് ഉപയോഗിക്കാം.
ഫേയ്‌സ്പാക്ക്
വരണ്ട ചര്‍മ്മം ഉള്ളവര്‍ ഫേയ്‌സ്പാക്ക് തയ്യാറാക്കുമ്പോള്‍ അതില്‍ നാരങ്ങ എന്നിവ പരമാവധി ചേര്‍ക്കാതിരിക്കുക. മഞ്ഞളും ചേര്‍ക്കരുത്. മഞ്ഞള്‍ ചേര്‍ക്കുകയാണെങ്കില്‍ തന്നെ തേന്‍, കറ്റാര്‍വാഴ ജെല്‍ എന്നിങ്ങനെ ചര്‍മ്മത്തെ മോയ്‌സ്ച്വര്‍ ചെയ്യുന്ന മറ്റൊരു ചേരുവ ഒപ്പം ചേര്‍ത്തിരിക്കണം.
പഴങ്ങള്‍ മുഖത്ത് പുരട്ടുന്നത് നല്ലതാണ്. ബട്ടര്‍ പുരട്ടുന്നത് നല്ലതാണ്. പാല്‍ ചേര്‍ത്ത് തയ്യാറാക്കുന്ന ഫേയ്‌സ്പാക്കുകളും നല്ലതാണ്.
Also read: കണ്ണിന് ചുറ്റുമള്ള കറുപ്പ് അകറ്റാന്‍ വീട്ടിലെ നെയ്യ് ധാരാളം
ഓയ്‌ലി സ്‌കിന്‍
നല്ലപോലെ ഓയ്‌ലി സ്‌കിന്‍ ഉള്ളവരാണ് നിങ്ങള്‍ എങ്കില്‍ എണ്ണമയം നീക്കാന്‍ ദിവത്തില്‍ ഒരിക്കല്‍ പ്രത്യേകിച്ച് വൈകുംന്നേരം ഫേയ്‌സ് വാഷ് ഉപയോഗിക്കുന്നത് നല്ലതാണ്. ഇതിന് ശേഷം അധികം എണ്ണമയം നല്‍കാത്ത ഫേയ്‌സ് സെറം എന്തെങ്കിലും നിങ്ങള്‍ക്ക് ഉപയോഗിക്കാവുന്നതാണ്. നല്ലപോലെ ഓയ്‌ലി ആകുന്ന ക്രീം ഉപയോഗിക്കരുത്.
ഫേയ്‌സ്പാക്ക് തയ്യാറാക്കുമ്പോള്‍ ഇതില്‍ മഞ്ഞള്‍, അതുപോലെ ചെറുനാരങ്ങ എന്നിവ ചേര്‍ക്കാവുന്നതാണ്. മുഖത്തെ എണ്ണമയം ഉള്ളതാക്കുന്ന ചേരുവകളും ണ്ണയും ഒഴിവാക്കാന്‍ ശ്രദ്ധിക്കുക.
