Edited by Jibin George | Samayam Malayalam | Updated: 29 May 2023, 6:54 pm
മൈസുരുവിൽ സ്വകാര്യ ബസും കാറും കൂട്ടിയിടിച്ചുണ്ടായ അപകടത്തിൽ കുട്ടികൾ ഉൾപ്പെടെ പത്ത് പേർക്ക് ദാരുണാന്ത്യം. കൊല്ലേഗൽ ടി നരസിപുര സംസ്ഥാന പാതയിലാണ് അപകടമുണ്ടായത്
ഹൈലൈറ്റ്:
- സ്വകാര്യ ബസും കാറും കൂട്ടിയിടിച്ച് പത്ത് മരണം.
- മൈസൂരിലെ തിരുമകുടലു – നരസിപുരയ്ക്ക് സമീപമാണ് അപകടം.
- ഒരു കുടുംബത്തിലെ അംഗങ്ങളാണ് മരിച്ചത്.
വടക്കുകിഴക്കോട്ടും വന്ദേ ഭാരത്; അസമിനെയും ബംഗാളിനെയും ബന്ധിപ്പിച്ചു സർവീസ്കൊല്ലേഗൽ – ടി നരസിപുര സംസ്ഥാനപാതയിൽ കുറുബൂരു ഗ്രാമത്തിൽ തിങ്കളാഴ്ച ഉച്ചയ്ക്ക് ശേഷമായിരുന്നു അപകടം. മരിച്ചവരെല്ലാം ബെല്ലാരിയിലെ ഒരു കുടുംബത്തിലെ അംഗങ്ങളാണെന്നാണ് റിപ്പോർട്ടുകൾ. കുടുംബം മൈസുരുവിലേക്ക് വരുന്ന വഴിയാണ് അപകടം. നാല് പുരുഷന്മാർ, മൂന്ന് സ്ത്രീകൾ, മൂന്ന് കുട്ടികൾ എന്നിവരാണ് മരിച്ചത്.
ഓടിക്കൊണ്ടിരിക്കുന്ന ലോറിയിൽ നിന്ന് പുക
വാഹനത്തിൽ പതിമൂന്ന് പേരാണ് ഉണ്ടായിരുന്നത്. പരിക്കേറ്റ മൂന്ന് പേർ ചികിത്സയിലാണ്. മൂന്ന് പേർ സംഭവസ്ഥലത്ത് വെച്ച് തന്നെ മരിച്ചു. മറ്റുള്ളവരെ ആശുപത്രിയിൽ എത്തിക്കും മുൻപ് മരിച്ചു. അപകടത്തിന് പിന്നാലെ ഓടിക്കൂടിയ നാട്ടുകാരും പോലീസും ചേർന്നാണ് രക്ഷാപ്രവാർത്തനം നടത്തിയത്.
തകർന്ന കാറിൽ നിന്ന് പരിക്കേറ്റവരെ പുറത്തെടുക്കാൻ കഴിയാത്ത അവസ്ഥയിലായിരുന്നു. അപകടകാരണം എന്താണെന്ന് വ്യക്തമായിട്ടില്ല. കാർ ബസിലേക്ക് ഇടിച്ചു കയറുകയായിരുന്നുവെന്ന റിപ്പോർട്ടുകളുണ്ടെങ്കിലും സ്ഥിരീകരണം ഉണ്ടായിട്ടില്ല. വിനോദ സഞ്ചാരകേന്ദ്രങ്ങൾ സന്ദർശിക്കാൻ എത്തിയതാണ് അപകടത്തിൽപ്പെട്ട കുടുംബം എന്നാണ് റിപ്പോർട്ട്.
കേരള പുത്ര മുതൽ അഫ്ഗാനിസ്ഥാൻ വരെ; അഖണ്ഡ ഭാരതത്തിന്റെ മാപ്പുമായി പുതിയ പാർലമെന്റ്; ട്വിറ്ററിൽ വിവാദം
ഇന്നലെ കർണാടകയിലെ കൊപ്പൽ ജില്ലയിൽ കാറും ലോറിയും കൂട്ടിയിടിച്ചുണ്ടായ അപകടത്തിൽ ആറു പേർക്ക് ജീവൻ നഷ്ടമായി.
ഇൻഡിക്ക കാറും ലോറിയും കൂട്ടിയിടിച്ചുണ്ടായ അപകടത്തിൽ ആറുപേരും സംഭവസ്ഥലത്തു തന്നെ മരിച്ചു. കോപ്പൽ ജില്ലയിലെ കുഷ്ടഗി താലൂക്കിലെ കലകേരിക്ക് സമീപമായിരുന്നു അപകടം.
Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
