ഉരുക്കു വെളിച്ചെണ്ണയുടെ അധികം ആർക്കുമറിയാത്ത ഗുണങ്ങൾ

നിങ്ങളുടെ വീട്ടിൽ ഉരുക്ക് വെളിച്ചെണ്ണ ഉണ്ടെങ്കിൽ, സാധാരണ ആരോഗ്യപ്രശ്നങ്ങളുടെ പരിഹാരം തേടി നിങ്ങൾക്ക് മറ്റെങ്ങും പോകേണ്ടതില്ല. നിങ്ങളുടെ ചർമ്മത്തിനും മുടിക്കും ഏറ്റവും മികച്ച സുഹൃത്ത് എന്നാണ് ഇത് അറിയപ്പെടുന്നത്, എന്നാൽ ഇതിന്റെ ഗുണങ്ങളും ഉപയോഗങ്ങളും ഇതിനപ്പുറത്തേക്ക് ഉണ്ട് എന്നതാണ് ഗുണകരമായ വസ്തുത. ഇത് ആരോഗ്യത്തിനും പലവിധത്തിൽ ഗുണം ചെയ്യുന്നുണ്ട്.



വെളിച്ചെണ്ണ പ്രധാനമായും ആരോഗ്യകരമായ കൊഴുപ്പുകളാണ്. കാപ്രിലിക്, ലോറിക്, കാപ്രിക് ആസിഡുകൾ തുടങ്ങിയ ഇടത്തരം ചെയിൻ ഫാറ്റി ആസിഡുകൾ ഇതിൽ അടങ്ങിയിരിക്കുന്നു. ആരോഗ്യകരമായ പൂരിത കൊഴുപ്പിന്റെ ഏറ്റവും മികച്ച ഉറവിടം കൂടിയാണ് ഈ എണ്ണ, ഇതിലെ 90 ശതമാനം ഫാറ്റി ആസിഡുകളും പൂരിതമാണ്. സ്വാഭാവിക പൂരിത കൊഴുപ്പുകൾ നിങ്ങളുടെ ശരീരത്തിൽ എച്ച്ഡിഎൽ (നല്ല) കൊളസ്ട്രോൾ വർദ്ധിപ്പിക്കാനും ഹൃദയാരോഗ്യം പ്രോത്സാഹിപ്പിക്കാനും സഹായിക്കുമെന്ന് പല വിദഗ്ധരും വിശ്വസിക്കുന്നു.

തൈറോയ്ഡ് പ്രവർത്തനം മെച്ചപ്പെടുത്തുന്നു



വെളിച്ചെണ്ണയ്ക്ക് നിങ്ങളുടെ തൈറോയ്ഡ് പ്രവർത്തനത്തെ മെച്ചപ്പെടുത്താനുള്ള കഴിവുണ്ട്. വെളിച്ചെണ്ണയിലെ ഫാറ്റി ആസിഡുകൾ തൈറോയ്ഡ് ഹോർമോണിന്റെ ഉത്പാദനത്തെ പ്രോത്സാഹിപ്പിക്കും. അതിനാൽ, ഹൈപ്പോതൈറോയിഡിസം ഉള്ളവർക്ക് ഇത് നല്ലതാണ്. കൂടാതെ, ഇത് മെറ്റബോളിസം വർദ്ധിപ്പിക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു, ഹൈപ്പോതൈറോയിഡിസം ബാധിച്ച ആളുകൾ അഭിമുഖീകരിക്കുന്ന രണ്ട് സാധാരണ പ്രശ്നങ്ങളാണ് ഇവ രണ്ടും എന്നത് ഇതോടൊപ്പം കൂട്ടിവായിക്കേണ്ടതാണ്.

വായയുടെ ആരോഗ്യം മെച്ചപ്പെടുത്തുന്നു



വെളിച്ചെണ്ണ ഉപയോഗിച്ച് വായ കുൽക്കുഴിയുന്നത് വായയുടെ ആരോഗ്യം മെച്ചപ്പെടുത്തുന്നതിന് വളരെ ഫലപ്രദമാണെന്ന് കണക്കാക്കപ്പെടുന്നു. വെളിച്ചെണ്ണ വായിലെ ബാക്ടീരിയകളെ നശിപ്പിക്കാനും വായ്‌നാറ്റം, പല്ല് നശിക്കൽ, കാവിറ്റി, മോണപ്പഴുപ്പ്, മോണരോഗങ്ങൾ എന്നിവ തടയാനും സഹായിക്കുമെന്ന് പഠനങ്ങൾ സൂചിപ്പിക്കുന്നു.

പലപ്പോഴും ആയുർവേദവുമായി ബന്ധപ്പെട്ട പരിഹാരമായി നിർദേശിക്കുന്ന എണ്ണ കൊണ്ടുള്ള കുൽക്കുഴിയൽ വായിൽ നിന്ന് ബാക്ടീരിയകളെ നീക്കം ചെയ്യുന്നതിനും വായയുടെ ശുചിത്വം പ്രോത്സാഹിപ്പിക്കുന്നതിനും നിങ്ങളെ സഹായിക്കുന്നു. ഒരു ടേബിൾസ്പൂൺ ഉരുക്ക് വെളിച്ചെണ്ണ എടുത്ത് 15 മിനിറ്റ് വായിൽ ചുറ്റിക്കുക. പല്ല് തേക്കുന്നതിനു മുമ്പ് ദിവസവും ഇത് ചെയ്യുക. ദിവസവും മോണയിൽ കുറച്ച് തുള്ളി വെളിച്ചെണ്ണ പുരട്ടി മസാജ് ചെയ്യാം.

ദിവസവും ബീറ്റ്റൂട്ട് ജ്യൂസ് കുടിക്കാം, ഗുണങ്ങൾ ഇവയാണ്

അൽഷിമേഴ്‌സ് രോഗവുമായി പോരാടുന്നു



വെളിച്ചെണ്ണയിലെ മീഡിയം ചെയിൻ ട്രൈഗ്ലിസറൈഡുകൾ തലച്ചോറിന്റെ ആരോഗ്യം വർദ്ധിപ്പിക്കുന്നതിനൊപ്പം അൽഷിമേഴ്‌സ് രോഗത്തെ തടയാനോ അവയ്ക്ക് കാലതാമസം വരുത്താനോ സഹായിക്കും. അൽഷിമേഴ്‌സ് മാറ്റാനാവാത്തതും വളരുന്നതുമായ മസ്തിഷ്ക രോഗമാണ് എന്നതിനാൽ, ഇത് ഓർമ്മശക്തി, സ്വഭാവം, മാനസിക കഴിവുകൾ എന്നിവ കുറയുന്നു.

അൽഷിമേഴ്സ് രോഗം ഉൾപ്പെടെയുള്ള ന്യൂറോ ഡീജനറേറ്റീവ് രോഗങ്ങൾക്ക് കാരണമാകുന്ന ഘടകങ്ങളിലൊന്നായ ബീറ്റാ-അമിലോയിഡ് പെപ്റ്റൈഡുകളുടെ ഫലങ്ങൾ വെളിച്ചെണ്ണ ദുർബലമാക്കുന്നുവെന്ന് കണ്ടെത്തി. ഒരു മുതൽ രണ്ട് ടേബിൾ സ്പൂൺ ജൈവമായ ഉരുക്ക് വെളിച്ചെണ്ണ ദിവസവും കഴിക്കുന്നത് ഇതിന് സഹായിച്ചേക്കാം.

കരപ്പൻ ചികിത്സിക്കുന്നു



വർഷങ്ങളായി, കരപ്പൻ അഥവാ എക്സിമ അല്ലെങ്കിൽ അറ്റോപിക് ഡെർമറ്റൈറ്റിസ് ചികിത്സിക്കാൻ വെളിച്ചെണ്ണ ഉപയോഗിക്കുന്നു, ഇത് വരണ്ട ചർമ്മത്തിന്റെ പാടുകളാൽ ഉണ്ടാവുന്ന ഒരു വിട്ടുമാറാത്ത ചർമ്മ അവസ്ഥയാണ്. ഇത് മൂലം ചർമ്മത്തിൽ വീക്കം, ചുവന്ന തടിപ്പ്, മുറിവുകൾ, പാടുകൾ എന്നിവ ഉണ്ടാവുന്നു. വെളിച്ചെണ്ണയിൽ ആൻറി ബാക്ടീരിയൽ, ആന്റിഓക്‌സിഡന്റ് ഗുണങ്ങൾ ഉണ്ട്, ഇത് ചർമ്മത്തിന്റെ ആരോഗ്യം പുനഃസ്ഥാപിക്കാനും കേടായ ചർമ്മത്തെ സുഖപ്പെടുത്താനും വടുക്കൾ തടയാനും സഹായിക്കുന്നു.

കരപ്പൻ ചികിത്സിക്കാൻ, പ്രശ്നം ബാധിച്ച ചർമ്മത്തിൽ ഒരു ദിവസം 3 അല്ലെങ്കിൽ 4 തവണ ഉരുക്ക് വെളിച്ചെണ്ണ പുരട്ടുക. കൂടാതെ, നിങ്ങൾക്ക് ദിവസവും ഒന്ന് മുതൽ രണ്ട് ടേബിൾ സ്പൂൺ ഉരുക്ക് വെളിച്ചെണ്ണ കഴിക്കാവുന്നതുമാണ്

പൈൽസ് സുഖപ്പെടുത്തുന്നു



നിങ്ങളുടെ മലദ്വാരത്തിലും താഴത്തെ മലാശയത്തിലുമുള്ള വീർത്ത സിരകളാണ് ഹെമറോയ്ഡുകൾ എന്നറിയപ്പെടുന്ന പൈൽസ്. വെളിച്ചെണ്ണയ്ക്ക് വീക്കം തടയുന്ന ആൻറി ഇൻഫ്ലമേറ്ററി ഗുണങ്ങൾ ഉണ്ട്, ഇത് വീക്കം ഉള്ള സിരകളെ ശമിപ്പിക്കാനും ദ്രുത രോഗശാന്തിയെ പ്രോത്സാഹിപ്പിക്കാനും സഹായിക്കുന്നു. കൂടാതെ, വെളിച്ചെണ്ണ ഒരു സ്വാഭാവിക പോഷകസമ്പുഷ്ടമായ ഘടകം കൂടിയാണ്. ഇത് പൈൽസിന്റെ പ്രധാന കാരണങ്ങളിൽ ഒന്നായ മലബന്ധത്തിൽ നിന്ന് മോചനം നേടാൻ സഹായിക്കും.

നിങ്ങളുടെ മലവിസർജ്ജനം നിയന്ത്രിക്കുന്നതിന്, ദിവസവും 1 മുതൽ 2 ടീസ്പൂൺ എക്സ്ട്രാ വിർജിൻ വെളിച്ചെണ്ണ കഴിക്കുക, ഓരോ മലവിസർജ്ജനത്തിനും ശേഷം ഹെമറോയ്ഡിൽ എണ്ണ പുരട്ടുക, അങ്ങിനെ വേദനയും വീക്കവും കുറയ്ക്കുക.

അപസ്മാരം കുറയ്ക്കുന്നു



അപസ്മാരം ബാധിച്ച ആളുകൾക്ക് ഇത് നിയന്ത്രിക്കാൻ കീറ്റോജെനിക് ഡയറ്റ് (വളരെ കുറഞ്ഞ കാർബോഹൈഡ്രേറ്റ്, വളരെ ഉയർന്ന കൊഴുപ്പ്) ഡോക്ടർമാർ സാധാരണയായി ശുപാർശ ചെയ്യുന്നു. വെളിച്ചെണ്ണ ഒരു കീറ്റോജെനിക് ഭക്ഷണക്രമത്തിലെ പ്രധാന ഘടകങ്ങളിൽ ഒന്നാണ്, കാരണം ഇതിന് ഇടത്തരം ചെയിൻ ട്രൈഗ്ലിസറൈഡുകൾ ഉണ്ട്. അപസ്മാരം കുറയ്ക്കുന്നതിന് ഉരുക്ക് വെളിച്ചെണ്ണയുടെ ഉപഭോഗത്തിന്റെ അളവ് പ്രതിദിനം ഒരു ടീസ്പൂൺ 3 തവണയാണ്, ഇത് ക്രമേണ ഒരു ദിവസം രണ്ട് ടേബിൾ സ്പൂൺ ആയി വർദ്ധിപ്പിക്കണം.