ഇഷ്ടമുള്ള കേന്ദ്രങ്ങളില്‍ ചെന്ന് വാക്‌സിന്‍ എടുക്കാം
നിലവില്‍ ആപ്പില്‍ രജിസ്റ്റര്‍ ചെയ്യുമ്പോള്‍ സൗദി ആരോഗ്യ മന്ത്രാലയത്തിന്റെ അംഗീകാരമുള്ള എല്ലാ വാക്‌സിനുകളില്‍ നിന്ന് ഏതെങ്കിലുമൊന്ന് തെരഞ്ഞെടുക്കാന്‍ അവസരമുണ്ടായിരിക്കും. ഓരോ വാക്സിനേഷന് കേന്ദ്രത്തിലും ഏത് വാക്‌സിനാണ് ലഭ്യമെന്ന് ആപ്പില്‍ കാണിച്ചിരിക്കും. വ്യത്യസ്ത നിറത്തിലായിരിക്കും ഓരോ വാക്‌സിന്റെ പേരും തെളിയുക. ഇതില്‍ ഓരോ ആള്‍ക്കും താല്‍പര്യമുള്ള വാക്‌സിന്‍ വിതരണം ചെയ്യുന്ന കേന്ദ്രങ്ങള്‍ രജിസ്‌ട്രേഷന്‍ വേളയില്‍ തെരഞ്ഞെടുക്കാം.
വാക്‌സിന്‍ ക്ഷാമം തീര്‍ന്നു
രാജ്യത്ത് വാക്‌സിന്‍ ഡോസുകള്‍ക്കുള്ള ക്ഷാമം പരിഹരിക്കപ്പെട്ട പശ്ചാത്തലത്തിലാണ് പുതിയ തീരുമാനം. വാക്‌സിന്‍ ലഭ്യത കുറഞ്ഞതിനെ തുടര്‍ന്ന് രണ്ടാം ഡോസ് വിതരണം ഇടയ്ക്കു വച്ച് നിര്‍ത്തിവയ്ക്കാന്‍ സൗദി അധികൃതര്‍ നിര്‍ബന്ധിതരായിരുന്നു. എന്നാല്‍ ആവശ്യത്തിന് വാക്‌സിന്‍ ബാച്ചുകള്‍ എത്തിയതിനെ തുടര്‍ന്ന് ജൂലൈ 11 മുതല്‍ രാജ്യത്തെ അര്‍ഹരായ എല്ലാവര്‍ക്കും രണ്ടാം ഡോസ് വിതരണം ആരംഭിച്ചു. രാജ്യത്തെ 587 വാക്‌സിന്‍ വിതരണ കേന്ദ്രങ്ങളില്‍ നിന്നായി രണ്ടു കോടിയിലേറെ വാക്‌സിന്‍ ഡോസുകളാണ് ഇതിനകം വിതരണം ചെയ്തത്.
ഡോസുകള്‍ ഇടകലര്‍ത്തുന്നത് സുരക്ഷിതം
അതിനിടെ, രണ്ട് ഡോസുകള്‍ക്കിടയില്‍ വാക്‌സിനുകള്‍ മാറ്റി സ്വീകരിക്കുന്നത് സുരക്ഷിതവും ഫലപ്രദവുമാണെന്ന് ആരോഗ്യ മന്ത്രാലയം ആവര്‍ത്തിച്ച് വ്യക്തമാക്കി. അന്താരാഷ്ട്ര തലത്തില്‍ നടത്തിയ പഠനങ്ങളുടെയും ഗവേഷണങ്ങളുടെയും അടിസ്ഥാനത്തിലാണിത്. ലോകാരോഗ്യ സംഘടനയുടെ മാര്‍ഗനിര്‍ദ്ദേശങ്ങള്‍ പൂര്‍ണമായി പാലിച്ചു കൊണ്ടാണ് നടപടിയെന്നും മന്ത്രാലയം വ്യക്തമാക്കി. നിലവില്‍ ഫൈസര്‍ ബയോണ്‍ടെക്, ഓക്‌സ്‌ഫോഡ് ആസ്ട്രസെനക്ക് വാക്‌സിനുകള്‍ ആദ്യ ഡോസായി എടുത്തവര്‍ക്ക് മൊഡേണ ഉള്‍പ്പെടെയുള്ള വാക്‌സിനുകള്‍ രണ്ടാം ഡോസായി സൗദിയില്‍ നല്‍കിവരുന്നുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : citizens and residents can now select covid19 vaccine of their choice through sehhaty app at saudi arabia
Malayalam News from malayalam.samayam.com, TIL Network
