നാം ഒഴിവാക്കുന്ന, അല്ലെങ്കില്‍ നമ്മള്‍ ചെയ്യുന്ന ചില കാര്യങ്ങളാണ്. നാം ചില കാര്യങ്ങള്‍ ചെയ്താല്‍ ഡോക്ടര്‍മാരെ അകറ്റി നിര്‍ത്താം.
വ്യായാമം
ആദ്യമായി വേണ്ടത് ശരീരമനക്കുക എന്നതാണ്. അതായത് വ്യായാമം ചെയ്യുകയെന്നത്. ഇത് ശീലമാക്കുക. ദിവസവും അര മണിക്കൂറെങ്കിലും വ്യായാമം ശീലമാക്കുക. പേരിനുള്ള വ്യായാമമല്ല, ശരീരം നല്ലതു പോലെ വിയര്‍ക്കുന്ന, അനങ്ങുന്ന വിധത്തിലെ വ്യായാമം. നല്ലതുപോലെ നടന്നാല്‍ തന്നെയും ഗുണമുണ്ടാകും. കോണിപ്പടികള്‍ കയറുക, വാഹനം അകലെ പാര്‍ക്ക് ചെയ്ത് നടക്കുക പോലുള്ളവ തന്നെ ചെയ്യാം. വിയര്‍ക്കാനുളള സാഹചര്യം ഒഴിവാക്കുന്നതിന് പകരം വിയര്‍ക്കുന്ന സാഹചര്യം സൃഷ്ടിയ്ക്കാം. അതായത് വ്യായാമം ചെയ്യാം.
വ്യായാമം ചെയ്യാതിരുന്നാല്‍ ശരീരത്തില്‍ ഫ്രീ റാഡിക്കലുകള്‍ രൂപപ്പെടും. ഇത് രോഗകാരണമാകും. വ്യായാമം ചെയ്താല്‍ ഫ്രീ റാഡിക്കലുകള്‍ ഒഴിവാക്കാനാകും. വ്യായാമം ചെയ്താല്‍ അമിത വണ്ണം ഒഴിവാക്കാം. പല രോഗങ്ങളും മരുന്നുകളും അകറ്റി നിര്‍ത്താം.
പ്രമേഹമുണ്ടാകാൻ സാധ്യത ഇവർക്കൊക്കെ
പ്രമേഹമുണ്ടാകാൻ സാധ്യത ഇവർക്കൊക്കെ
ഭക്ഷണം
ഭക്ഷണം പ്രധാനം. കെമിക്കലുകള്‍ അടങ്ങാത്തവ കഴിയ്ക്കുന്നതാണ് ആരോഗ്യത്തിന് നല്ലത്. ഇതിന് ഇന്നത്തെ കാലത്ത് പരിമിതികളുണ്ടെങ്കിലും നമുക്ക് ലഭിയ്ക്കുന്ന പച്ചക്കറികളും പഴങ്ങളുമെല്ലാം നല്ലതു പോലെ വെള്ളത്തിലിട്ട് കഴുകിയെടുക്കാം. ശരീരത്തിന് ആവശ്യമായ വിവിധ തരം പോഷകങ്ങള്‍ ഉള്‍പ്പെടുത്തുക. പഴ-പച്ചക്കറികള്‍, സസ്യ-മൃഗപ്രോട്ടീനുകള്‍, പാല്‍ ഉല്‍പന്നങ്ങള്‍ തുടങ്ങിയവയെല്ലാം തന്നെ കഴിയ്ക്കാം. ഒരേ തരം ഭക്ഷണം കഴിയ്ക്കാതെ വൈവിധ്യമുള്ള, ആരോഗ്യകരമായവ കഴിയ്ക്കാം. സാലഡുകള്‍, സൂപ്പുകള്‍ എന്നിവയെല്ലാം കഴിയ്ക്കാം. പഴങ്ങളിലും പച്ചക്കറികളിലും ആന്റി ഓക്‌സിഡന്റുകളാല്‍ സമ്പുഷ്ടമാണ്. ഇത് ക്യാന്‍സര്‍ പോലുള്ള രോഗങ്ങള്‍ അകറ്റാം. നാരുകള്‍ ഉള്ളവ കുടല്‍ ആരോഗ്യത്തിന് നല്ലതാണ്. ചര്‍മത്തിനും മുടിയ്ക്കുമെല്ലാം ഇതേറെ നല്ലതാണ്.
നല്ല ഉറക്കം
നല്ല ഉറക്കം ആരോഗ്യത്തിന്, ചര്‍മത്തിന്, മുടിയ്ക്ക് പ്രധാനമാണ്. നേരത്തെ കിടന്ന് നേരത്തെ എഴുന്നേല്‍ക്കുന്നത് ശീലമാക്കാം. ദിവസവും 7 മണിക്കൂറെങ്കിലും ഉറങ്ങണം. ഉറങ്ങുന്ന സമയത്താണ് ശരീരത്തിലെ ദോഷകരമായ രാസവസ്തുക്കള്‍ പുറന്തള്ളപ്പെടുന്നത്. ഉറക്കം തടസപ്പെടുന്നത് ഈ ഡീടോക്‌സിഫിക്കേഷന്‍ പ്രക്രിയയെ തടസപ്പെടുത്തുന്നു. ചര്‍മത്തിന്റെ ആരോഗ്യത്തിനും ഉറക്കം പ്രധാനമാണ്. മരുന്നൊഴിവാക്കാന്‍, ഡോക്ടറെ അകറ്റി നിര്‍ത്താന്‍ ഉറക്കം പ്രധാനമാണ്.
നല്ല സാമൂഹിക ബന്ധങ്ങള്‍
നല്ല സാമൂഹിക ബന്ധങ്ങള്‍, സൗഹൃദങ്ങള്‍ ഉണ്ടാക്കുക. ഇത് ഹാപ്പി ഹോര്‍മോണുകളുടെ ഉല്‍പാദനത്തെ സഹായിക്കുന്നു. സ്‌ട്രെസ് കുറയുന്നു. ഇത് പല രോഗങ്ങളും അകറ്റി നിര്‍ത്താന്‍ സഹായിക്കുന്നു. ശാരീരിക, മാനസിക ആരോഗ്യത്തിന് പ്രധാനമാണ് സാമൂഹ്യബന്ധങ്ങള്‍. അതേ സമയം സോഷ്യല്‍ മീഡിയയുടെ ഉപയോഗം കുറയ്ക്കുക. ഇത് ഗുണത്തേക്കാളേറെ പലപ്പോഴും ദോഷങ്ങളാണ് വരുത്തുന്നത്. സോഷ്യല്‍ മീഡിയ കുറച്ച് സോഷ്യല്‍ ബന്ധങ്ങള്‍ സൂക്ഷിയ്ക്കാം.
പല്ലുകളുടെ ആരോഗ്യം
പല്ലുകളുടെ ആരോഗ്യം കാത്തു സൂക്ഷിയ്ക്കണം. പല്ല്, മോണ ആരോഗ്യം സംരക്ഷിയ്ക്കുന്നത് ഹൃദയാരോഗ്യത്തിന് പ്രധാനമാണ്. പല്ല്, മോണരോഗങ്ങള്‍ രക്തത്തില്‍ അണുബാധകളുണ്ടാകുന്നതിന് സാധ്യത കൂടുതലാക്കുന്നു. പല്ല്, മോണ ആരോഗ്യം ശരീരത്തിന്റെ ആകെയുള്ള ആരോഗ്യത്തിന് പ്രധാനമാണെന്നോര്‍ക്കുക. പല്ലിന്, മോണയ്ക്ക് പ്രശ്‌നം വന്നാല്‍ ഉടനടി ചികിത്സ തേടുക.
പുകവലി ശീലം
മദ്യപാനം പുരുഷന്മാരെ ലൈംഗികമായി ബാധിയ്ക്കുന്ന വഴികള്‍:ഡോക്ടര്‍ പറയുന്നത്‌
പുകവലി ശീലം ഉപേക്ഷിയ്ക്കുക. നേരിട്ട് പുക വലിയ്ക്കുന്നത് മാത്രമല്ല, പുകവലിയ്ക്കുന്നവരുടെ അടുത്തിരിയ്ക്കുന്നത് പോലും ദോഷമാണ്. ഇത് ക്യാന്‍സര്‍ സാധ്യത വര്‍ദ്ധിപ്പിയ്ക്കുന്നു. രക്തയോട്ടത്തെ ബാധിയ്ക്കുന്നു, ബ്ലോക്കുകളുണ്ടാക്കുന്നു, കണ്ണിന്റെ ആരോഗ്യത്തെ ബാധിയ്ക്കുന്നു, മലബന്ധമുണ്ടാക്കുന്നു, ചര്‍മത്തേയും മുടിയേയും ബാധിയ്ക്കുന്നു. ഇത്തരം കാര്യങ്ങള്‍ ശ്രദ്ധിച്ചാല്‍ ഒരു പരിധി വരെ നമുക്ക് ഡോക്ടര്‍മാരെ അകറ്റി നിര്‍ത്താം.
