ഉണക്കമുന്തിരി
നാരുകളുടെ ഒരു കലവറ തന്നെയാണ് ഉണക്കമുന്തിരി. ഇത് ദഹനം കൃത്യമായി നടക്കുന്നതിന് സഹായിക്കുന്നുണ്ട്. അതുപോലെ, വയറ്റിലെ പല അസ്വസ്ഥതകളും ഇല്ലാതാക്കാന്‍ ഉണക്കമുന്തിരി നല്ലതാണ്. ഇതില്‍ അടങ്ങിയിരിക്കുന്ന ടാര്‍ടാറിക് ആസിഡ്, പ്രോട്ടീന്‍, ആന്റി- ഇന്‍ഫ്‌ലമേറ്ററി ഘടകങ്ങള്‍ ഇവയെല്ലാം തന്നെ നമ്മളുടെ ആരോഗ്യത്തിന് നല്ലൊരു മുതല്‍കൂട്ടാണ്.
മലബന്ധപ്രശ്‌നം ഉള്ളവര്‍ക്ക് ഉണക്കമുന്തിരി കുതിര്‍ത്ത് കഴിക്കാവുന്നതാണ്. അതുപോലെ തന്നെ രക്തസമ്മര്‍ദ്ദം കുറയ്ക്കുന്നതിനും രോഗപ്രതിരോധശേഷി വര്‍ദ്ധിപ്പിക്കുന്നതിനും ഉണക്കമുന്തിരി ഉപയോഗിക്കുന്നുണ്ട്. ഇത് കൂടാതെ, ശരീരത്തിലെ കൊഴുപ്പ് കുറയ്ക്കാനും ശരീരഭാരം കുറയ്ക്കാനും ഇത് നല്ലത് തന്നെ.
വയര്‍ കുറയ്ക്കാന്‍
വയര്‍ കുറയ്ക്കാന്‍ ഉണക്കമുന്തിരി കഴിക്കുന്നത് നല്ലതാണ്. വെറുതേ കഴിച്ചാല്‍ പോര, കുതിര്‍ത്ത് കഴിക്കാവുന്നതാണ്. ഉണക്കമുന്തിരിയില്‍ നാരുകള്‍ അടങ്ങിയിരിക്കുന്നത് നമ്മള്‍ക്ക് അറിയാം. ഇതില്‍ നാരുകള്‍ അടങ്ങിയിരിക്കുന്നതിനാല്‍ തന്നെ ഇത് ദഹനം നല്ലരീതിയില്‍ നടക്കുന്നതിന് നല്ലതാണ്.
ദഹനം കൃത്യമായി നടന്നാല്‍ മാത്രമാണ് ശരീരത്തില്‍ കൊഴുപ്പ് അടിഞ്ഞ് കൂടാതിരിക്കാനും നമ്മളുടെ ശരീരം പ്രവര്‍ത്തിക്കാന്‍ വേണ്ട ഊര്‍ജം ലഭിക്കുന്നതിന് ഇത് സഹായിക്കുകയും ചെയ്യുന്നു. ഇത്തരത്തില്‍ ദഹനം കൃത്യമായി നടക്കുമ്പോള്‍ ഇത് ശരീരത്തില്‍ നിന്നും അമിതമായിട്ടുള്ള കൊഴുപ്പിനെ പുറംതള്ളാന്‍ സഹായിക്കുന്നു.
കൂടാതെ, ഇതില്‍ നാരുകളും പ്രോട്ടീനും അടങ്ങിയിരിക്കുന്നതിനാല്‍ തന്നെ ഇത് അമിതമായി ആഹാരം കഴിക്കാനുള്ള പ്രവണത കുറയ്ക്കുന്നു. ഇത് മാത്രമല്ല, വിശപ്പ് കുറയ്ക്കാനും ഇത് സഹായിക്കുന്നുണ്ട്. അതിനാല്‍ തന്നെ, വയര്‍ ചാടുന്നത് ഇല്ലാതാക്കാനും വയര്‍ കുറയ്ക്കാനും നിങ്ങള്‍ക്ക് സാധിക്കും.
ചെയ്യേണ്ടത്
വയര്‍ കുറയ്ക്കണം എന്നാഗ്രഹിക്കുന്നവര്‍ തലേദിവസം ഒരു നാല് ഉണക്കമുന്തിരി എടുക്കുക. ഇത് നന്നായി കഴുകിയതിന് ശേഷം ഒറു ഗ്ലാസ്സ് വെള്ളത്തില്‍ ഇട്ട് അടച്ച് മൂടി വെക്കണം. ഇത് പിറ്റേദിവസം എഴുന്നേറ്റ് വരുമ്പോള്‍ വെറും വയറ്റില്‍ ഈ വെള്ളവും ഉണക്കമുന്തിരിയും കഴിക്കണം. ഇത്തരത്തില്‍ ദിവസേന ശീലമാക്കുന്നത് വയറ്റിലെ കൊഴുപ്പ് കുറയ്ക്കാന്‍ നിങ്ങളെ സഹായിക്കുന്നതാണ്.
നിങ്ങള്‍ക്ക് വേണമെങ്കില്‍ ചെറുചൂട് പാലില്‍ ഉണക്കമുന്തിരി ഇട്ട് കുതിര്‍ത്ത് കഴിക്കാവുന്നതാണ്. ഇത്തരത്തില്‍ ചെയ്യുമ്പോള്‍ ഒരു അരമണിക്കൂര്‍ മാത്രം കുതിര്‍ത്താല്‍ മതിയാകും. ഇത്തരത്തില്‍ കഴിക്കുന്നതും നല്ലതാണ്. പാല്‍ എടുക്കുമ്പോള്‍ അതില്‍ ഒരിക്കലും മധുരം ചേര്‍ക്കാതിരിക്കാന്‍ ശ്രദ്ധിക്കണം.
Also Read: അമിതവണ്ണം ലൈംഗികതയെ ബാധിക്കുന്നത് എങ്ങനെ? ഡോക്ടർ പറയുന്നു
ശ്രദ്ധിക്കേണ്ട മറ്റുകാര്യങ്ങള്‍
ശരീരഭാരം കുറയ്ക്കണമെങ്കിലും അതുപോലെ, വയര്‍ കുറയ്ക്കണമെങ്കിലും നമ്മള്‍ ആഹാര കാര്യത്തില്‍ കുറച്ച് ശ്രദ്ധിക്കണം. അമിതമായി കൊഴുപ്പ് അടങ്ങിയ ആഹാരങ്ങള്‍ കഴിക്കാതിരിക്കാന്‍ ശ്രദ്ധിക്കുന്നത് നല്ലതായിരിക്കും. അതുപോലെ, നല്ല ഹെല്‍ത്തിയായിട്ടുള്ള ആഹാരങ്ങള്‍ പരമാവധി കഴിക്കാന്‍ ശ്രദ്ധിക്കുക. പ്രത്യേകിച്ച് പ്രോട്ടീന്‍, ഫൈബര്‍ എന്നിവ അടങ്ങിയ ആഹാരങ്ങള്‍ കഴിക്കുന്നത് നിരവധി ഗുണം നല്‍കും.
അതുപോലെ തന്നെ ചെറിയ രീതിയിലെങ്കിലും നമ്മള്‍ വ്യയാമം ചെയ്യേണ്ടത് അനിവാര്യമാണ്. ഇതിനായി നിങ്ങള്‍ക്ക് നടക്കാന്‍ പോകാം. അതുപോലെ, സൈക്കിള്‍ ചവിട്ടാം. അല്ലെങ്കില്‍ വള്ളിച്ചാട്ടം എന്നിവയെല്ലാം നല്ലതാണ്.
