ഈ ബുദ്ധിമുട്ട് അനുഭവിക്കുന്നതിനാല്‍ തന്നെ പലര്‍ക്കും പൊതു സ്ഥലങ്ങളില്‍ പോകാനും ആള്‍ക്കാരുമായി ഇടപഴകാനും കുറച്ച് മടിയായിരിക്കും. ചിലര്‍ ആണെങ്കില്‍ പെര്‍ഫ്യൂ ഉപയോഗിച്ച് ഇതിന്റെ മണം കുറയ്ക്കാന്‍ ശ്രമിക്കും. എന്നാല്‍, വിയര്‍പ്പും പെര്‍ഫ്യൂമും ചേരുമ്പോള്‍ അത് ചര്‍മ്മ പ്രശനങ്ങളിലേയ്ക്ക് നയിക്കുന്നു.
കക്ഷത്തിലെ അമിതമായിട്ടുള്ള വിയര്‍പ്പും ദുര്‍ഗന്ധവും കുറയ്ക്കാന്‍ നിങ്ങള്‍ക്ക് തന്നെ ചെയ്യാന്‍ സാധിക്കുന്ന ചില കാര്യങ്ങളുണ്ട്. അവ ഏതെല്ലാമെന്ന് നോക്കാം.
വൃത്തി
ഏറ്റവും പ്രധാനമായി ഒരു വ്യക്തിയ്ക്ക് വേണ്ട കാര്യമാണ് വൃത്തി. വൃത്തിയില്ലാതെ കുറേ ബ്യൂട്ടി പ്രോഡക്ട്‌സ് മാത്രം ഉപയോഗിച്ചത് കൊണ്ട് ശരീരത്തിലെ പ്രശ്‌നങ്ങള്‍ നമ്മള്‍ക്ക് മാറ്റി എടുക്കാന്‍ സാധിക്കുകയില്ല. അതിനാല്‍, രണ്ട് നേരം കുളിക്കുക. കുളിക്കുമ്പോള്‍ ആന്റിബാക്ടീരിയല്‍ സോപ്പ് ഉപയോഗിച്ച് കക്ഷം കഴുകി എടുക്കാന്‍ ശ്രദ്ധിക്കുക.
അതുപോലെ, തന്നെ കക്ഷത്തിനടിയിലെ രോമങ്ങള്‍ നീക്കം ചെയ്യാന്‍ ശ്രമിക്കുക. കക്ഷത്തിനടിയില്‍ വെള്ളം നില്‍ക്കാന്‍ അനുവദിക്കരുത്. അത് നന്നായി തുടച്ച് നീക്കി കൊടുക്കേണ്ടത് അനിവാര്യമാണ്.
വസ്ത്രം
നമ്മള്‍ വസ്ത്രം ധരിക്കുമ്പോള്‍ ശരീരത്തിലെ ചൂട് വര്‍ദ്ധിപ്പിക്കുന്ന മെറഅറീരിയല്‍ ഉള്ള വസ്ത്രങ്ങള്‍ ധരിക്കാതിരിക്കാം. നല്ല കോട്ടന്‍ വസ്ത്രങ്ങള്‍ ധരിക്കാന്‍ തിരഞ്ഞെടുക്കുന്നത് നല്ലതാണ്. അതുപോലെ, വസ്ത്രങ്ങള്‍ എല്ലായ്പ്പോഴും ലൂസ് ആയി തിരഞ്ഞെടുക്കുന്നതാണ് നല്ലത്.
ഇത് ശരീരത്തിലേയ്ക്ക് വായു സഞ്ചാരം ഉണ്ടാകുന്നതിന് സഹായിക്കുന്നു. അതിനാല്‍ തന്നെ, ശരീരം അമിതമായി വിയര്‍ക്കുന്നത് തടയാന്‍ സഹായിക്കുന്നതാണ്. ഇത് മാത്രമല്ല, നിങ്ങള്‍ക്ക് തന്നെ കുറച്ച് ഫ്രീ ആയി ഇരിക്കാന്‍ സാധിക്കുന്നത് പോലെ തോന്നുകയും ചെയ്യുന്നു.
സ്‌ട്രെസ്സ് കുറയ്ക്കാം
അമിതമായി സ്‌ട്രെസ്സ് അനുഭവിക്കുന്നവരില്‍ അമിതമായി വിയര്‍പ്പ് ശരീരദുര്‍ഗന്ധം എന്നീ പ്രശ്‌നങ്ങള്‍ കണ്ട് വരുന്നുണ്ട്. ഇത്തരം ആരോഗ്യ പ്രശ്‌നങ്ങള്‍ ഉള്ളവര്‍ മെഡിറ്റേഷന്‍, യോഗ എന്നിവ ചെയ്യാവുന്നതാണ്. അല്ലെങ്കില്‍ നിങ്ങള്‍ക്ക് ഒട്ടും സാധിക്കുന്നില്ലെങ്കില്‍ ഒരു ഡോക്ടറുടെ സഹായം തേടാനും മറക്കരുത്.
സ്‌ട്രെസ്സ് കുറച്ചാല്‍ നിങ്ങള്‍ക്ക് പല ഉപകാരങ്ങളും ഉണ്ട്. നിങ്ങളുടെ നല്ല ഉറക്കം തിരിച്ച് പിടിക്കാനും മനസ്സിന് സമാധാനം ലഭിക്കാനും സഹായിക്കും. അതുപോലെ, ചിലര്‍ ടെന്‍ഷന്‍ അടിച്ചാല്‍ നന്നായി വിയര്‍ക്കും, ചിലര്‍ക്ക് തലവേദന വരാന്‍ തുടങ്ങും. അതിനാല്‍, ഇത്തരം പ്രശ്‌നങ്ങള്‍ ഒഴിവാക്കാനായി പരിഹാര മാര്‍ഗ്ഗങ്ങള്‍ സ്വീകരിക്കുന്നത് നല്ലതാണ്.
ആഹാരം
വിയര്‍ക്കുമ്പോള്‍ ശരീരത്തില്‍ ദുര്‍ഗന്ധം ഉണ്ടാക്കുന്ന ആഹാരങ്ങള്‍ കഴിക്കാതിരിക്കാന്‍ ശ്രദ്ധിക്കുക. ചിലര്‍ക്ക് മീന്‍ കഴിച്ച് കഴിഞ്ഞാല്‍ വിയര്‍പ്പിനും അതിന്റെ മണം കാണാം. ഇത്തരം ബുദ്ധിമുട്ടുകള്‍ അനുഭവിക്കാറുള്ളവര്‍ അത്രം ആഹാരങ്ങള്‍ ഒഴിവാക്കാന്‍ പരമാവധി ശ്രദ്ധിക്കുക.
അതുപോലെ, മദ്യപിക്കുന്നത്, അമിതമായി കഫേയ്ന്‍ അടങ്ങിയ ആഹാരങ്ങള്‍ കഴിക്കുന്നത്, എരിവുള്ള ആഹാരങ്ങള്‍ കഴിക്കുന്നതെല്ലാം ശരീരത്തില്‍ അമിതമായി വിയര്‍പ്പ് ഉണ്ടാകുന്നതിന് കാരണമാകുന്നുണ്ട്. അതിനാല്‍, ഇത്തരം ആഹാരങ്ങള്‍ ഒഴിവാക്കി നല്ല ഹെല്‍ത്തി ഫുഡ് കഴിക്കാന്‍ ശ്രദ്ധിക്കുക.
ആഹാരത്തില്‍ മാത്രം ശ്രദ്ധിച്ചാല്‍ പോര, നല്ലപോലെ വെള്ളം കുടിക്കാനും മറക്കരുത്. ശരീരദുര്‍ഗന്ധം ഇല്ലാതാക്കാന്‍ നന്നായി വെള്ളം കുടിക്കുന്നത് സഹായിക്കും.
Also Read: വിറ്റമിന്‍ സിയുടെ കുറവ് അത്ര നിസ്സാരമായി കാണണ്ട, ഈ പ്രശ്‌നങ്ങള്‍ തേടി എത്തും
ശരീരഭാരം
ശരീരഭാരം എല്ലായ്പ്പോഴും നിയന്ത്രിച്ച് നിര്‍ത്തേണ്ടത് അനിവാര്യമാണ്. ശരീരഭാരം വര്‍ദ്ധിക്കും തോറും അമിതമായി വിയര്‍പ്പ് ഉണ്ടാവുകയും ഇത് കക്ഷത്തിലെ ദുര്‍ഗന്ധത്തിലേയ്ക്ക് നയിക്കുകയും ചെയ്യും.
നിങ്ങള്‍ ഇത്രയും കാര്യങ്ങള്‍ ശ്രദ്ധിച്ചിട്ടും നിങ്ങള്‍ക്ക് അമിതമായി വിയര്‍ക്കുന്നുണ്ടെങ്കില്‍ ഒരു ഡോക്ടറെ കണ്ട് കൃത്യമായി കാരണം കണ്ടെത്തി അതിന് ചികിത്സ തേടേണ്ടത് അനിവാര്യമാണ്.
English Summary: Armpit Sweating and Odor remedy
