തീരുമാനം മന്ത്രിമാരുടെ കൂടിക്കാഴ്ചയില്‍
സൗദി ടൂറിസം മന്ത്രി അഹമ്മദ് അല്‍ ഖതീബിന്റെ ഒമാന്‍ സന്ദര്‍ശനത്തില്‍ ഒമാന്‍ ടൂറിസം മന്ത്രി സാലിം അല്‍ മഹ്‌റൂക്കിയുമായി നടത്തിയ കൂടിക്കാഴ്ചയിലാണ് ഏകീകൃത ടൂറിസം വിസയ്ക്കും സംയുക്ത ടൂറിസം കലണ്ടറിനും തുടക്കം കുറിക്കാന്‍ തീരുമാനമായത്. ജിസിസി രാജ്യങ്ങളിലെ പൗരന്മാരെയും പ്രവാസികളെയും മറ്റ് അന്താരാഷ്ട്ര സന്ദര്‍ശകരെയും ആകര്‍ഷിക്കാന്‍ ലക്ഷ്യമിട്ടുള്ള പദ്ധതികള്‍ നടപ്പിലാക്കുന്നതിന്റെ മുന്നോടിയായാണ് തീരുമാനം. ഇതിന്റെ ആദ്യ പടിയായി ഇരു രാജ്യങ്ങള്‍ക്കുമിടയില്‍ ഏകീകൃത വിനോദ സഞ്ചാര വിസ പുറത്തിറക്കും. ഇതിന്റെ വിശദാംശങ്ങളില്‍ ഉടന്‍ തീരുമാനമെടുക്കുമെന്നും ഔദ്യോഗിക വൃത്തങ്ങള്‍ അറിയിച്ചു. ഒരു വിസ ഉപയോഗിച്ച് ഇരു രാജ്യങ്ങളിലും വിനോദ സഞ്ചാരം നടത്താന്‍ പാകത്തിലായിരിക്കും പദ്ധതി നടപ്പിലാക്കുക.
ടൂറിസം മേഖലയില്‍ സഹകരണം ശക്തമാക്കും
കൂടാതെ ഇരു രാജ്യങ്ങള്‍ക്കുമിടയില്‍ സീസണല്‍ വിനോദയാത്രകള്‍ സംഘടിപ്പിക്കുക, സംയുക്ത ടൂറിസം കലണ്ടര്‍ പുറത്തിറക്കുക തുടങ്ങി നിരവധി തീരുമാനങ്ങളും മന്ത്രിമാരുടെ കൂടിക്കാഴ്ചയില്‍ കൈക്കൊണ്ടിട്ടുണ്ട്. വ്യാപാര, നിക്ഷേപ രംഗത്തെ സഹകരണം, ടൂറിസം മേഖലയിലെ വിവിധ പദ്ധതികള്‍, ഇരു രാജ്യങ്ങളിലെയും ടൂറിസത്തില്‍ താല്‍പ്പര്യമുള്ള സംരംഭകരെ പിന്തുണക്കല്‍ തുടങ്ങിയ കാര്യങ്ങളും കൂടിക്കാഴ്ചയില്‍ ചര്‍ച്ച ചെയ്തു. ഏകീകൃത ടൂറിസം വിസ നടപ്പിലാകുന്നതോടെ ഒരു വിസയില്‍ തന്നെ ഇരു രാജ്യങ്ങളും സന്ദര്‍ശിക്കാന്‍ സ്വദേശികള്‍ക്കും പ്രവാസികള്‍ക്കും അവസരം ലഭിക്കും. കഴിഞ്ഞ ഡിസംബറില്‍ ഗള്‍ഫ് സഹകരണ കൗണ്‍സില്‍ രാജ്യങ്ങളിലെ നേതാക്കള്‍ അംഗീകരിച്ച ഗള്‍ഫ് ടൂറിസം സ്ട്രാറ്റജി 2023-2030 ന്റെ ഭാഗമായി മേഖലയില്‍ മനുഷ്യ വിഭാവ ശേഷി വികസനത്തില്‍ ഇരു രാജ്യങ്ങളും കൈകോര്‍ക്കും. ഇതിനാവശ്യമായ പരിശീലനങ്ങളും സന്ദര്‍ശന പരിപാടിയും ഇതിന്റെ ഭാഗമായി നടപ്പിലാക്കും.
ഭാസ്കരേട്ടൻ നിങ്ങൾ വിചാരിച്ച ആളല്ല
ഭാസ്കരേട്ടൻ നിങ്ങൾ വിചാരിച്ച ആളല്ല…..| ettayi coffee
സംയുക്ത ടൂറിസം പരിപാടികള്‍ സംഘടിപ്പിക്കും
ടൂറിസം പ്രമോഷന്‍, മാര്‍ക്കറ്റിംഗ്, ടൂറിസം ആക്ടിവേഷന്‍, ടൂറിസം നിയന്ത്രണങ്ങള്‍, എയര്‍ കണക്ഷനുകളുടെ മേഖലയിലെ സഹകരണം, സീസണല്‍ ഫ്‌ളൈറ്റുകള്‍ തുടങ്ങിയ മേഖലകള്‍ ഉള്‍ക്കൊള്ളുന്ന സംയുക്ത ടൂറിസം സംരംഭങ്ങള്‍ ആദ്യഘട്ടമായി ആരംഭിക്കാനും യോഗത്തില്‍ ധാരണയായി. ക്യാമ്പിംഗ്, സാഹസിക ടൂറിസം മേഖലകളില്‍ സംയുക്ത ടൂറിസം പരിപാടികള്‍, സംയുക്ത ടൂറിസം പരിപാടികളുടെ കലണ്ടര്‍, ടൂറിസം മേഖലയിലെ ചെറുകിട ഇടത്തരം സംരംഭങ്ങളെ പിന്തുണയ്ക്കുന്നതിനുള്ള പരിപാടി എന്നിവയും ഇരുപക്ഷവും അംഗീകരിച്ചു.
ടൂറിസ്റ്റുകളുടെ എണ്ണത്തില്‍ വന്‍ വര്‍ധന
ഒമാനില്‍ നിന്ന് സൗദിയിലേക്ക് പോകുന്ന വിനോദസഞ്ചാരികളുടെ എണ്ണം 2023 ന്റെ ആദ്യ പാദത്തില്‍ ഏകദേശം 164,000 പേരാണെന്നാണ് കണക്ക്. 2022 ലെ ഇതേ കാലയളവിലുള്ളതിനേക്കാള്‍ 136 ശതമാനം വളര്‍ച്ചാനിരക്കാണ് വിനോദ സഞ്ചാരികളുടെ എണ്ണത്തില്‍ ഉണ്ടായിരിക്കുന്നത്. ഈ വര്‍ഷത്തിന്റെ ആദ്യ പാദത്തില്‍ സൗദിയില്‍ നിന്ന് ഒമാനിലേക്ക് വന്ന വിനോദസഞ്ചാരികളുടെ എണ്ണം ഏകദേശം 49,000 ആണ്. 2022 ലെ ഇതേ കാലയളവിനെ അപേക്ഷിച്ച് 92 ശതമാനം വളര്‍ച്ചാ നിരക്കാണ് ഇവരുടെ എണ്ണത്തില്‍ ഉണ്ടായതെന്നും കണക്കുകള്‍ വ്യക്തമാക്കുന്നു.
