വിവാഹത്തിന് താൽപ്പര്യമില്ല; മുഹൂർത്തത്തിന് തൊട്ടുമുൻപ് പോലീസിനെ വിളിച്ച് യുവതി; കല്യാണം ഒഴിവാക്കി

നാഗ്പൂർ: വിവാഹത്തിന് തൊട്ടുമുൻപ് പോലീസിനെ വിളിച്ച് ചടങ്ങിൽ നിന്നും പിന്മാറി യുവതി. വീട്ടുകാർ നിശ്ചയിച്ച യുവാവിനെ ഇഷ്ടപ്പെട്ടില്ലെന്ന കാരണത്താലാണ് യുവതി പോലീസിനെ വിളിച്ചതും വിവാഹം വേണ്ടെന്ന് അറിയിച്ചതും. മഹാരാഷ്ട്രയിലെ നാഗ്പൂരിലെ രാംടെക്കിനടുത്ത റിസോർട്ടിൽവെച്ചായിരുന്നു വിവാഹ ചടങ്ങുകൾ നിശ്ചയിച്ചിരുന്നത്. ഇവിടെയാണ് നാടകീയ സംഭവങ്ങൾ അരങ്ങേറിയതും.



ചൊവ്വാഴ്ച ഉച്ചയ്ക്ക് 12 മണിക്കായിരുന്നു വിവാഹചടങ്ങുകള്‍ നിശ്ചയിച്ചിരുന്നത്. മുഹൂര്‍ത്തത്തിന് നിമിഷങ്ങൾ മാത്രം ശേഷിക്കെയാണ് വധു പോലീസിനെ വിളിക്കുന്നത്. മറ്റൊരാളുമായി ഇഷ്ടത്തിലായതിനാൽ ഇയാളെ വിവാഹം കഴിക്കാന്‍ താൽപ്പര്യമില്ലെന്ന് യുവതി പോലീസിനെ അറിയിക്കുകയും ചെയ്തു.

പോലീസിനെതിരായ പരാതി പിൻവലിക്കാൻ സമ്മർദ്ദം; പെരിന്തൽമണ്ണ എഎസ്ഐയുടെ ഫോൺ സംഭാഷണം പുറത്ത്

സംഭവമറിഞ്ഞ വരന്‍റെ വീട്ടുകാർ ദേഷ്യപ്പെടുകയും പെൺകുട്ടിയുടെ വീട്ടുകാരുമായി വാക്ക് തർക്കത്തിലേർപ്പെടുകയും ചെയ്തു. വിവരമറിഞ്ഞ് ഇൻസ്പെക്ടർ പ്രമോദ് മകേശ്വറും സംഘവും സ്ഥലത്തെത്തിയാണ് പ്രശ്നം പരിഹരിച്ചത്. തുടർന്ന് രണ്ട് വീട്ടുകാരെയും രാംടെക്ക് സ്റ്റേഷനിലേക്ക് കൊണ്ടുപോവുകയും ചെയ്തു.

Also Read : മറ്റൊരാളുമായി ബന്ധം; ശിക്ഷയായി ഭാര്യയെ നഗ്നയാക്കി നടത്തിച്ചു



തുടർന്ന് സ്റ്റേഷനിൽ നിന്ന് നടത്തിയ ചർച്ചയ്ക്കൊടുവിലാണ് വിവാഹം വേണ്ടെന്ന തീരുമാനത്തിലേക്ക് വരന്‍റെ വീട്ടുകാർ എത്തുന്നത്. നിശ്ചയിച്ച വിവാഹത്തിന് താൽപ്പര്യമില്ലെന്ന് യുവതി വീട്ടുകാരെ അറിയിച്ചതായാണ് വിവരം. വീട്ടുകാര്‍ തെരഞ്ഞടുത്തയാളെ വിവാഹം കഴിക്കാൻ താൽപ്പര്യമില്ലെന്ന് പെണ്‍കുട്ടി അമ്മയോട് ഒരാഴ്ച മുന്‍പ് പറഞ്ഞിരുന്നെന്നാണ് ഒരു ഒരുദ്യോഗസ്ഥന്‍ പറഞ്ഞതെന്ന് ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്യുന്നത്.