പോലീസിനെതിരായ പരാതി പിൻവലിക്കാൻ സമ്മർദ്ദം; പെരിന്തൽമണ്ണ എഎസ്ഐയുടെ ഫോൺ സംഭാഷണം പുറത്ത്

മലപ്പുറം: പെരിന്തൽമണ്ണ പോക്സോ കേസിൽ പോലീസിനെതിരായ പരാതി പിൻവലിക്കാൻ കുട്ടിയുടെ അമ്മയുടെ മേൽ സമ്മർദ്ദമെന്ന് ആരോപണം. പെരിന്തൽമണ്ണ സ്റ്റേഷനിലെ എഎസ്ഐ ശശിയാണ് കുട്ടിയുടെ അമ്മയോട് പരാതി പിൻവലിക്കാൻ ആവശ്യപ്പെട്ടത്. പോലീസ് ഉദ്യോഗസ്ഥന്റെ ഫോൺ സംഭാഷണം പുറത്തു വന്നിട്ടുണ്ട്.



മറ്റൊരാളുമായി ബന്ധം; ശിക്ഷയായി ഭാര്യയെ നഗ്നയാക്കി നടത്തിച്ചു

പണം വാങ്ങി കേസ് ഒത്തു തീർപ്പാക്കിയെന്ന പോലീസിന്റെ പ്രചാരണത്തിനെതിരെയാണ് യുവതി പരാതി നൽകിയത്. അച്ചടക്ക നടപടി ഒഴിവാക്കാൻ പരാതി പിൻവലിക്കണമെന്നാണ് കുട്ടിയുടെ അമ്മയോട് ശശി ആവശ്യപ്പെട്ടത്. കുട്ടിയെ പീഡിപ്പിച്ച കേസ് ഒത്തു തീർത്തതുപോലെ സ്ത്രീയെ അപമാനിച്ച പരാതിയും ഒത്തു തീർക്കണമെന്നാണ് പോലീസിന്റെ ആവശ്യം.

അതേസമയം, പെൺകുട്ടിയുടെ അമ്മയുടെ മൊഴി രേഖപ്പെടുത്തി. എസ് പിയുടെ നിർദ്ദേശ പ്രകാരം പെരിന്തൽമണ്ണ പോലീസാണ് മൊഴിയെടുത്തത്. കുട്ടിക്കുണ്ടായ പീഡനം അമ്മ വിവരിച്ചു. പോക്സോ കേസ് ഒത്തു തീർപ്പാക്കിയെന്ന ആരോപണം അമ്മ ഉന്നയിച്ചിരുന്നു.

നേരിട്ടെത്തി പരാതി നൽകിയിട്ടും കേസെടുക്കാതെ വിഷയം ഒത്തുതീർപ്പാക്കിയെന്നാണ് നാലര വയസുകാരിയുടെ അമ്മ ആരോപിച്ചത്. അയൽവാസിയാണ് കുഞ്ഞിനെ ഉപദ്രവിച്ചത്. എന്നാൽ പരാതി നൽകിയപ്പോൾ കേസ് ഒത്തുതീർന്നെന്ന് എഴുതിക്കുകയായിരുന്നെന്നും അമ്മ ആരോപിക്കുന്നു.

മറ്റൊരാളുമായി അടുപ്പമെന്ന് സംശയം; രണ്ട് കുട്ടികളുടെ അമ്മയായ വിധവയെ കാമുകൻ കഴുത്തറത്ത് കൊന്നു

കുഞ്ഞിനെ ഉപദ്രവിച്ച കാര്യം പരാതിയിൽ ഇല്ലെന്നും അമ്മയെ ഉപദ്രവിച്ച കാര്യം മാത്രമേ പരാതിയിൽ ഉള്ളൂ എന്നുമാണ് പോലീസ് അവകാശപ്പെടുന്നത്. ഒരു ലക്ഷം രൂപ വാങ്ങി കുഞ്ഞിന്റെ അമ്മ കേസ് ഒത്തുതീർപ്പാക്കിയെന്നായിരുന്നു പോലീസിന്റെ പ്രചാരണം.