കൊച്ചിയിൽ ബീം തകർന്ന് തൊഴിലാളി മരിച്ചു; മൃതദേഹം പന്ത്രണ്ടാം നിലയിൽ തൂങ്ങിക്കിടക്കുന്നു

കൊച്ചി: നിർമ്മാണത്തിലിരുന്ന ഫ്ലാറ്റിൻ്റെ ബീം തകർന്ന് വീണ്ട് കൊച്ചിയിൽ അന്യസംസ്ഥാന തൊഴിലാളി മരിച്ചു. പനമ്പള്ളി നഗർ വിദ്യാനഗർ കോളനിയിൽ ഇന്ന് ഉച്ചയോടെയാണ് സംഭവം. പശ്ചിമബംഗാൾ സ്വദേശി സഞ്ജീവ് സിങ് എന്നയാളാണ് മരിച്ചതെന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്.



കൊല്ലത്ത് കിണർ വൃത്തിയാക്കുന്നതിനിടെ അപകടം; നാല് പേർ മരിച്ചു; ഫയർ ഫോഴ്സ് ഉദ്യോഗസ്ഥൻ കുഴഞ്ഞു വീണു

നിർമ്മാണത്തിലിരുന്ന ഫ്ലാറ്റിൻ്റെ പന്ത്രണ്ടാം നിലയുടെ മുകളിലാണ് അപകടമുണ്ടായത്. നിർമ്മാണത്തിലിരുന്ന ബീ അടക്കമുള്ളവ തൊഴിലാളികൾക്ക് മുകളിലേക്ക് മറിഞ്ഞ് വീഴുകയായിരുന്നു. ബീം വീഴുമ്പോൾ സമീപത്തായി നാല് തൊഴിലാളികൾ ജോലി ചെയ്യുന്നുണ്ടായിരുന്നുവെങ്കിലും ഇവർ ഓടിമാറി.

രക്ഷപ്പെടാൻ ശ്രമം നടത്തിയെങ്കിലും സഞ്ജീവ് സിങ്ങിൻ്റെ ശരീരത്തിലേക്ക് ബീം തകർന്ന് വീഴുകയായിരുന്നു. ഇയാളുടെ മൃതദേഹം തൂങ്ങി കിടക്കുന്ന അവസ്ഥയിലായിരുന്നു. തകർന്ന് വീണ ബീമിന് താഴെ നിർമ്മാണത്തിന് സജ്ജമാക്കിയ തൂണിന് മുകളിലായിട്ടാണ് മൃതദേഹം.

സംസ്ഥാനത്ത് അഞ്ച് പേര്‍ക്ക് കൂടി സിക്ക വൈറസ് സ്ഥിരീകരിച്ചു; 16 പേരുടെ പരിശോധനാ ഫലം നെഗറ്റീവ്

പോലീസും ഫയർഫോഴ്സ് ഉദ്യോഗസ്ഥരും ചേർന്നാണ് രക്ഷാപ്രവർത്തനം നടത്തിയത്. മൃതദേഹം എറണാകുളം ജനറൽ ആശുപത്രിയിലേക്ക് മാറ്റി. സംഭവത്തിൽ അസ്വാഭാവിക മരണത്തിന് പോലീസ് കേസെടുത്തു.