Also Read : വിദ്യയുടെ പിഎച്ച്ഡി പ്രവേശം പുനപരിശോധിക്കാനൊരുങ്ങി കാലടി സർവകലാശാല
പ്രായപൂർത്തിയാകാത്ത പെൺകുട്ടി ബലാത്സംഗത്തിനിരയായാണ് ഗർഭിണിയായത്. പിന്നീട്, ഏഴുമാസം കഴിഞ്ഞപ്പോഴാണ് ഗർഭിണിയാണെന്ന വിവരം പെൺകുട്ടിയുടെ അച്ഛൻ അറിഞ്ഞത്. തുടർന്ന് പ്രായം കണക്കിലെടുത്ത് ഭ്രൂണത്തെ വൈദ്യശാസ്ത്രപരമായി ഇല്ലാതാക്കണമെന്ന് ആവശ്യപ്പെട്ട് അദ്ദേഹം കോടതിയിൽ ഹർജി നൽകുകയായിരുന്നു.
കൊലപാതക ശ്രമം; രണ്ടുപേർ അറസ്റ്റിൽ
നിലവിലെ പെൺകുട്ടിയുടെ ഗർഭം വൈദ്യശാസ്ത്രപരമായി തന്നെ അവസാനിപ്പിക്കാൻ അഭിഭാഷകൻ സമ്മർദ്ദം ചെലുത്തിയപ്പോഴാണ് ജസ്റ്റിസ് സമീർ ജെ ദവെ നിരീക്ഷണമുണ്ടായത്. “പഴയ കാലത്ത്, പെൺകുട്ടികൾ 14-15 വയസ്സിന് മുമ്പ് വിവാഹിതരാകുന്നതും 17 വയസ്സിന് മുമ്പ് ഒരു കുട്ടിയുണ്ടാകുന്നതും സാധാരണമായിരുന്നു. നിങ്ങൾ ഇത് വായിക്കില്ല, പക്ഷേ ഇതിനായി മനുസ്മൃതി ഒരിക്കൽ വായിക്കുക.“ എന്നായിരുന്നു ജസ്റ്റിസ് സമീർ ജെ ദവെ പറഞ്ഞത്.
പെൺകുട്ടിക്ക് പറഞ്ഞിരിക്കുന്ന പ്രസവ തീയതി ഓഗസ്റ്റ് 18 ആയതിനാൽ തന്നെ നേരത്തെ തന്നെ വാദം കേൾക്കണമെന്ന് പെൺകുട്ടിയുടെ പിതാവിന് വേണ്ടി ഹാജരായ മുതിർന്ന അഭിഭാഷകൻ സിക്കന്ദർ സെയ്ദ് കോടതിയിൽ അപ്പീൽ നൽകി. പെൺകുട്ടിയുടെ ആരോഗ്യവും ഭ്രൂണത്തിന്റെ നിലയും നോക്കിയാണ് ഗർഭം അലസിപ്പിക്കാൻ അനുമതി നൽകൂ എന്നും കോടതി വ്യക്തമാക്കി.
പെൺകുട്ടിയെ സിവിൽ ആശുപത്രിയിലെ ഡോക്ടർമാരുടെ പാനൽ മുഖേന അടിയന്തരമായി വൈദ്യപരിശോധന നടത്താൻ രാജ്‌കോട്ടിലെ സിവിൽ ഹോസ്പിറ്റലിലെ മെഡിക്കൽ സൂപ്രണ്ടിനോട് കോടതി നിർദ്ദേശിച്ചിട്ടുണ്ട്. കേസിന്റെ വാദം ജൂൺ 15ന് കേൾക്കുമെന്നും അറിയിച്ചിട്ടുണ്ട്.
Read Latest National News and Malayalam News
