Authored by Saritha PV | Samayam Malayalam | Updated: 8 Jun 2023, 11:08 pm
കഞ്ഞിവെള്ളം മുടിയില്‍ മാത്രമല്ല, മുഖത്തും കൂടി പുരട്ടാവുന്ന ഒന്നാണ്. ഇത് നല്‍കുന്ന സൗന്ദര്യപരമായ ഗുണങ്ങള്‍ പലതാണ്. ഇതെക്കുറിച്ചറിയൂ.
ബോട്ടോക്‌സ് ഗുണം
നല്ലൊരു ബോട്ടോക്‌സ് ഗുണം നല്‍കുന്ന ഒന്നാണ് മുഖത്തുള്ള കഞ്ഞിവെള്ള പ്രയോഗം. ഇത് ചര്‍മത്തിന് ഈര്‍പ്പം നല്‍കുന്നു. പ്രത്യേകിച്ചും വരണ്ട ചര്‍മത്തിന് ഏറെ ഗുണകരമാണ്. ഇത് മുഖത്തുണ്ടാകുന്ന ചുളിവുകളും വരകളും തടയാന്‍ ഏറെ ഗുണകരമാണ്. ചര്‍മത്തിന് ഇലാസ്റ്റിസിറ്റി നല്‍കാന്‍, അടഞ്ഞ് തൂങ്ങുന്നത് തടയാന്‍ കഞ്ഞിവെള്ള പ്രയോഗം ഏറെ നല്ലതാണ്. നല്ലൊന്നാന്തരം ആന്റി ഏജിംഗ് ലോഷനായി കഞ്ഞിവെള്ളത്തെ കണക്കാക്കാം.
ഇനി ക്ഷീണം വരുമ്പോൾ കുടിക്കാൻ അടിപൊളി പാനീയങ്ങൾ
ഇനി ക്ഷീണം വരുമ്പോൾ കുടിക്കാൻ അടിപൊളി പാനീയങ്ങൾ
ചര്‍മത്തിന് തിളക്കം നല്‍കാന്‍
ചര്‍മത്തിന് തിളക്കം നല്‍കാന്‍ മുഖത്ത് കഞ്ഞിവെള്ളം പുരട്ടുന്നത് നല്ലതാണ്. ഇത് മുഖത്തിന് തിളക്കവും മാര്‍ദവവും നല്‍കുന്ന ഒന്നാണ്. ഇതിലെ സ്വാഭാവിക പോഷകങ്ങള്‍ ചര്‍മത്തിന് ഈ ഗുണം നല്‍കുന്നു. വരണ്ട ചര്‍മമുള്ളവര്‍ക്ക് ഇത് ഈര്‍പ്പം നല്‍കുന്ന ഒന്നാണ്. ചര്‍മത്തിലൂടെ ഈര്‍പ്പം ശരീരത്തിലേയ്ക്ക് വലിച്ചെടുക്കപ്പെടുന്നു. ഇതിലൂടെ ചര്‍മത്തിന് തിളക്കവും മിനുസവും ലഭിയ്ക്കുകയും ചെയ്യുന്നു.
സണ്‍ടാന്‍
കരുവാളിപ്പ്, സണ്‍ടാന്‍ പോലുള്ള പ്രശ്‌നങ്ങള്‍ക്ക് ഇത് നല്ല മരുന്നാണ്. പ്രത്യേകിച്ചും വെയിലേറ്റ് വന്നാല്‍ മുഖത്ത് കഞ്ഞി വെള്ളം പുരട്ടാം. ഇത് ചര്‍മത്തിന് ശാന്തത നല്‍കും. കരുവാളിപ്പ് അകറ്റും. മുഖത്തുണ്ടാകുന്ന കറുത്ത പാടുകള്‍ക്ക് മേല്‍ ഇത് പുരട്ടുന്നത് ഏറെ നല്ലതാണ്. ഇത് നാച്വറല്‍ സണ്‍സ്‌ക്രീന്‍ ആയി കണക്കാക്കാവുന്ന ഒന്നാണ്. സൂര്യപ്രകാശം ഏറ്റ് ചര്‍മത്തിനുണ്ടാകുന്ന അസ്വസ്ഥതകള്‍ മാറാന്‍ മുഖത്ത് കഞ്ഞിവെള്ളം പുരട്ടുന്നത് ഏറെ നല്ലതാണ്.
ചര്‍മ പ്രശ്‌നങ്ങള്‍
എക്‌സീമ പോലുള്ള ചര്‍മ പ്രശ്‌നങ്ങള്‍, അലര്‍ജി പോലുള്ള പ്രശ്‌നങ്ങള്‍ക്ക് കഞ്ഞിവെള്ളം മുഖത്ത് പുരട്ടുന്നത് ഗുണം നല്‍കും. കഞ്ഞിവെളളം പല രീതിയിലും ചര്‍മത്തില്‍ പ്രയോഗിയ്ക്കാം. ഇത് തണുപ്പിച്ച് പുരട്ടുന്നതാണ് നല്ലത്. പുളിപ്പിച്ച കഞ്ഞിവെള്ളവും നല്ലതാണ്.
ഇതല്ലെങ്കില്‍ അരി കഴുകിയ വെള്ളവും മുഖത്തു പുരട്ടാം. ഇതും ഗുണം നല്‍കും. നല്ലൊരു ക്ലെന്‍സര്‍ ആയി ഉപയോഗിയ്ക്കാന്‍ സാധിയ്ക്കുന്ന ഒന്ന് കൂടിയാണ് കഞ്ഞിവെള്ളം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
