പ്രാതലിനൊപ്പം നാല് ബദാം കഴിച്ചാല്‍ വരുന്ന മാറ്റം….
Authored by Saritha PV | Samayam Malayalam | Updated: 9 Jun 2023, 11:20 am
രാവിലെ പ്രാതലില്‍ ഉള്‍പ്പെടുത്തേണ്ട ഒന്നാണ് ബദാം അഥവാ ആല്‍മണ്ട്‌സ്. ഇത് രാവിലെ കഴിയ്ക്കുന്നത് കൊണ്ട് ലഭിയ്ക്കുന്ന ഗുണങ്ങള്‍ പലതാണ്. ഇതെക്കുറിച്ചറിയൂ.
ഇനി ക്ഷീണം വരുമ്പോൾ കുടിക്കാൻ അടിപൊളി പാനീയങ്ങൾ
ഇനി ക്ഷീണം വരുമ്പോൾ കുടിക്കാൻ അടിപൊളി പാനീയങ്ങൾ
പ്രാതല്‍
നമ്മുടെ പ്രധാന ഭക്ഷണങ്ങള്‍ മൂന്ന് നേരമാണ്. പ്രാതല്‍, ഉച്ചഭക്ഷണം, അത്താഴം എന്നിവയാണ്. ഇതില്‍ യാതൊരു കാരണവശാലും ഒഴിവാക്കരുതാത്ത, ഏറ്റവും പ്രധാന ഭക്ഷണത്തിന്റെ ഗണത്തില്‍ പെടുന്ന ഒന്നാണ് ബ്രേക്ഫാസ്റ്റ് അഥവാ പ്രാതല്‍. നീണ്ട നേരത്തെ ഇടവേളയ്ക്ക് ശേഷം ശരീരത്തിന് ലഭിയ്ക്കുന്ന ഈ ഭക്ഷണത്തില്‍ നിന്നാണ് ശരീരത്തിന് വേണ്ട പോഷകങ്ങള്‍ സംഭരിയ്ക്കപ്പെടുന്നതും ഒരു ദിവസത്തേയ്ക്ക് വേണ്ട ഊര്‍ജം ശരീരം കണ്ടെത്തുന്നതും. ഇതിനാല്‍ പ്രാതല്‍ പ്രധാനമാണ്. ഇത് വെറുതേ കഴിച്ചാലും പോരാ, ആരോഗ്യകരമായവ കഴിയ്ക്കണം. ഇവിടെയാണ് ബദാമിന്റെ പ്രസക്തി വര്‍ദ്ധിയ്ക്കുന്നത്. പ്രാതലിനൊപ്പം നാല് ബദാം കൂടി ഉള്‍പ്പെടുത്തിയാല്‍ ഇത് നല്‍കുന്ന ഗുണങ്ങള്‍ ഏറെയാണ്.
തടി കുറയ്ക്കാന്‍
പ്രോട്ടീന്‍ അടങ്ങിയ ഭക്ഷണങ്ങള്‍ പ്രാതലിന് കഴിയ്ക്കണം എന്നു പറയും. ഇത് തടി കുറയ്ക്കാന്‍ ഏറെ സഹായകമാണ്. കാരണം പ്രോട്ടീന്‍ വയര്‍ പെട്ടെന്ന് നിറഞ്ഞ തോന്നല്‍ നല്‍കും. വിശപ്പ് ഏറെ നേരത്തേയ്ക്ക് ഒഴിവാക്കും. മാത്രമല്ല, ബദാമിലെ പോഷകങ്ങള്‍ ശരീരത്തിന് ആവശ്യമായ പല ഘടകങ്ങളും നല്‍കുകയും ചെയ്യുന്നു. ഇതിനാല്‍ തന്നെ രാവിലെ പ്രാതലിനൊപ്പം ബദാം കൂടി ഉള്‍പ്പെടുത്തുന്നത് ആരോഗ്യകരം മാത്രമല്ല, തടി കുറയ്ക്കാന്‍ സഹായിക്കുന്ന വഴി കൂടിയാണ്.
ബ്രെയിന് ഫുഡ്
ബദാം ബ്രെയിന് ഫുഡ് കൂടിയാണ്. ഇത് തലച്ചോറിന്റെ പ്രവര്‍ത്തന ക്ഷമത വര്‍ദ്ധിപ്പിയ്ക്കാന്‍ സഹായിക്കുന്നു. പഠിയ്ക്കാനും ജോലികള്‍ ചെയ്യാനുമുള്ള ഊര്‍ജം ബ്രെയിന് ലഭിയ്ക്കുന്നു. ഓര്‍മശക്തിയ്ക്കും ബുദ്ധിശക്തിയ്ക്കും മികച്ചതാണ് ബദാം രാവിലെ തന്നെ കഴിയ്ക്കുന്നത്. കുട്ടികള്‍ക്ക് പ്രാതലിനൊപ്പം അല്ലെങ്കില്‍ രാവിലെ ബദാം നല്‍കുന്നത് ശീലമാക്കാം.
നല്ല കൊളസ്‌ട്രോള്‍
ശരീരത്തിന് ആവശ്യമായ ഊര്‍ജം നല്‍കാന്‍ രാവിലെ ബദാം കഴിയ്ക്കുന്നത് കൊണ്ട് സാധിയ്ക്കുന്നു. പ്രാതലില്‍ ബദാം ഉള്‍പ്പെടുത്തുന്നത് ശരീരത്തിന് ഊര്‍ജദായകം കൂടിയാണ്. ഇതു പോലെ തന്നെ ഇത് നല്ല കൊളസ്‌ട്രോള്‍ വര്‍ദ്ധനവിന് സഹായിക്കുന്ന ഒന്നാണ്. ഇത് ശരീരത്തിന് ആകെയുള്ള ആരോഗ്യത്തിന് സഹായിക്കുന്നു. പ്രമേഹ രോഗികള്‍ക്കും ഇത് ഭക്ഷണത്തില്‍ ഉള്‍പ്പെടുത്തുന്നത് കൊണ്ട് ആരോഗ്യ ഗുണങ്ങള്‍ ലഭിയ്ക്കുന്നു. നരച്ച മുടി കറുക്കാന്‍ വീട്ടില്‍ പരീക്ഷിയ്ക്കാവുന്ന ചിലത്….
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
