വാഷ്‌ബേയ്‌സണ്‍ ക്ലീന്‍ ചെയ്യാന്‍
പലര്‍ക്കും വാഷ്‌ബേയ്ണ്‍ ക്ലീന്‍ ചെയ്ത് എടുക്കുക എന്നത് കുറച്ച് ടാസ്‌ക്കാണ്. ചിലപ്പോള്‍ എത്ര വൃത്തിയാക്കിയാലും സിങ്കിന് ഒരു നിറം വെക്കാത്തത് പോലെ തോന്നും. പ്രത്യകിച്ച്, വെള്ള നിറത്തിലുള്ള സിങ്കാണെങ്കില്‍ എത്ര കഴുകിയാലും ചില ഇടങ്ങളില്‍ നിറം വെക്കാത്തത് പോലെ തോന്നും. ഇത്തരം സന്ദര്‍ഭത്തില്‍ നിങ്ങള്‍ക്ക് ടൂത്ത് പേയ്സ്റ്റ് ഉപയോഗിക്കാവുന്നതാണ്.
ഇതിനായി നിങ്ങള്‍ ഒരു പഴയ ടൂത്ത് ബ്രഷ് എടുക്കുക. ഇതിലേയ്ക്ക് നല്ല വെള്ള നിറത്തിലുള്ള ടൂത്ത് പേയ്സ്റ്റ് തേച്ച് ഒന്ന് നനച്ച് കൊടുത്തത്തിന് ശേഷം സിങ്കിന്റെ എല്ലാ ഭാഗത്തും തേച്ച് പിടിപ്പിക്കാവുന്നതാണ്. ടൂത്ത് ബ്രഷ് എടുക്കാന്‍ പറയുന്നത്, ഇതിന് സിങ്കിന്റെ എല്ലാ ഭാഗത്തും എത്താന്‍ സഹായിക്കും. പ്രത്യേകിച്ച്, പൈപ്പിന്റെ വിടവിലേയ്‌ക്കെല്ലാം പറ്റി പിടിച്ചിരിക്കുന്ന അഴുക്ക് നീക്കം ചെയ്യാന്‍ ഇത് സഹായിക്കും.
ന്നനായി പേയ്സ്റ്റ് തേച്ച് ഒന്ന് ഉരച്ചതിന് ശേഷം നന്നായി വെള്ളം ഒഴിച്ച് നിങ്ങള്‍ക്ക്കഴുകി എടുക്കാവുന്നതാണ്. വാഷ്‌ബേയ്‌സണ്‍ നല്ലപോലെ വെട്ടി തിളങ്ങും എന്നത് മാത്രമല്ല, അതില്‍ നിന്നിരുന്ന മണമെല്ലാം നീക്കം ചെയ്യാനും ഇത് സഹായിക്കും.
ഫ്രിഡ്ജില്‍ ഇവ ഒരിക്കലും വെക്കരുത്‌
ചുമരിലെ അഴുക്ക്
കുട്ടികള്‍ വീട്ടില്‍ ഉണ്ടെങ്കില്‍ ചുമരില്‍ എല്ലാം അഴുക്ക് എപ്പോള്‍ പിടിപെട്ടു എന്ന് ചോദിച്ചാല്‍ മതി. ഇത് മാത്രമല്ല, നമ്മള്‍ ഇട്ക്കിടയ്ക്ക് ചുമരില്‍ കൈ വെക്കുന്നതെല്ലാം ചുമരില്‍ വേഗത്തില്‍ അഴുക്ക് പിടിപെടാന്‍ സാധ്യത കൂട്ടുന്നു. ഇത്തരത്തില്‍ പിടിപെടുന്ന അഴുക്ക് വേഗത്തില്‍ നീക്കം ചെയ്യാന്‍ സാധിച്ചെന്ന് വരികയില്ല.
ഇത് മാത്രമല്ല, കുട്ടികള്‍ പെന്‍സില്‍ കൊണ്ട് കോറി ഇട്ടതും പടം വരച്ചതുമെല്ലാം നീക്കം ചെയ്യാന്‍ നിങ്ങള്‍ക്ക് ടൂത്ത്പേയ്സ്റ്റ് ഉപയോഗിക്കാവുന്നതാണ്. ഇതിനായി നിങ്ങളുടെ കയ്യില്‍ കുറച്ച് ടൂത്ത് പേയ്സ്റ്റ് എടുക്കുക. എപ്പോഴും വെള്ള നിറത്തിലുള്ള ടൂത്ത്പേയ്സ്റ്റ് എടുക്കാവുന്നതാണ്. ഇത് കറ പിടിച്ച ഭാഗത്ത് തേച്ച് പിടിപ്പിക്കുക. അതിന് ശേഷം കൈകൊണ്ട് ഒന്ന് ചെറുതായി ഉരച്ച് കൊടുക്കണം. പതുക്കെ ചെളിയും അഴുക്കെല്ലാം നീക്കം ചെയ്യാന്‍ സാധിക്കുന്നതാണ്.
വെള്ളി
വെള്ളി പാത്രങ്ങള്‍, അതുപോലെ, പാദസരം, വെള്ളി ആഭരണങ്ങള്‍ എന്നിവയെല്ലാം വൃത്തിയാക്കി എടുക്കാന്‍ ടൂത്ത്പേയ്സ്റ്റ് ഉപയോഗിക്കാവുന്നതാണ്. ഇതിനായി ഈ പാത്രങ്ങള്‍ ഒന്ന് കഴുകിയതിന് ശേഷം ഇതിലേയ്ക്ക് സോപ്പും പൊടിയും അതുപോലെ, പേയ്സ്റ്റും ചേര്‍ത്ത് ടൂത്ത്ബ്രഷ് ഉപയോഗിച്ച് നന്നായി ഉരച്ച് കഴുകി എടുക്കാവുന്നതാണ്.
വെള്ളി പാത്രങ്ങള്‍ മാത്രമല്ല, സാധാ പാത്രങ്ങളുടെ ഇടയില്‍ ഇരിക്കുന്ന ചെളി നീക്കം ചെയ്യുന്നതിനും നിങ്ങള്‍ക്ക് ടൂത്ത് പേയ്സ്റ്റ് ഉപയോഗിക്കാവുന്നതാണ്. അതുപോലെ, വിളക്ക് പോലെയുള്ള ഓടിന്റെ സാധനങ്ങള്‍ വൃത്തിയാക്കാനും ടൂത്ത് പേയ്സ്റ്റ് എടുക്കാവുന്നതാണ്. ഇവ വൃത്തിയാക്കാന്‍, കുറച്ച് ചാരവും അതുപോലെ, ടൂത്ത് പേയ്‌സറ്റും ചേര്‍ത്ത് മിക്‌സ് ചെയ്ത് നന്നായി ഉരച്ച് കഴുകി എടുക്കാവുന്നതാണ്.
എണ്ണമയം
വസ്ത്രങ്ങളില്‍ പറ്റിപിടിച്ചിരിക്കുന്ന എണ്ണമയം നീക്കം ചെയ്യാന്‍ ടൂത്ത് പേയ്സ്റ്റ് നിങ്ങള്‍ക്ക് ഉപയോഗിക്കാവുന്നതാണ്. ഇതിനായി ആദ്യം തന്നെ എണ്ണമയം വീണ ഭാഗത്ത് നല്ല വെള്ള നിറത്തിലുള്ള ടൂത്ത് പേയ്സ്റ്റ് പുരട്ടി വെക്കുക. ഒരു രണ്ട് മണിക്കൂറെങ്കിലും പുരട്ടി വെക്കണം. അതുപോലെ, അതിലെ എണ്ണമയം നീക്കം ചെയ്യുന്നത് വരെ കുറച്ച് കുറച്ച് വീതം പേയ്സ്റ്റ് പുരട്ടി വെക്കണം. അതിന് ശേഷം നിങ്ങള്‍ക്ക് ആ വസ്ത്രം കഴുകി എടുക്കാവുന്നതാണ്. അതിലെ കറ നീക്കം ചെയ്യപ്പെടും.
Also Read: പാലും തൈരും ഫ്രിഡ്ജില്‍ സൂക്ഷിക്കേണ്ടത് ഈ വിധത്തില്‍
അയേണ്‍ ബോക്‌സ്
അയേണ്‍ ബോക്‌സിന്റെ അടിഭാഗത്ത് നിറം മാറുന്നത് പതിവാണ്. അതുപോലെ, ചിലപ്പോള്‍ വസ്ത്രങ്ങള്‍ അയേണ്‍ ബോക്‌സില്‍ പിടിച്ചാല്‍ എല്ലാം അതില്‍ കറപിടിച്ചപോലെ ഇരിക്കുന്നത് കാണാം. ഇത് മാറ്റി എടുക്കാനും നിങ്ങള്‍ക്ക് ടൂത്ത് പേയ്സ്റ്റ് ഉപയോഗിക്കാവുന്നതാണ്.
ടൂത്ത് പേയ്സ്റ്റ് ഉപയോഗിച്ച് ഇത് നിങ്ങള്‍ക്ക് കഴുകി എടുക്കാവുന്നതാണ്. ഇതിനും ടൂത്ത് ബ്രഷ് തന്നെ നിങ്ങള്‍ക്ക് ഉപയോഗിക്കാം. ഇതില്‍ പേയ്സ്റ്റ് തേച്ച് ഒന്ന് ഉരച്ചതിന് ശേഷം വെറ്റ് വൈപ്‌സ് ഉപയോഗിച്ച് അടിഭാഗം തുടച്ച് എടുക്കാവുന്നതാണ്. ഒരിക്കലും വെള്ളത്തില്‍ മുക്കി എടുക്കരുത്.
