സരസ്വതി അനാഥ, ഇരുവരും കണ്ടുമുട്ടിയത് റേഷൻകടയിൽ വച്ച്; മുംബൈയെ ഞെട്ടിച്ച കൊലപാതകത്തിന്റ കഥ ഇങ്ങനെ

തുടർന്ന്, ഇരുവരും തമ്മിൽ അടുക്കുകയും ഒന്നിച്ച് താമസിക്കുകയുമായിരുന്നു. ഇരുവരും പരിചയപ്പെടുന്ന സമയത്ത് സാനെയ്ക്ക് 49 വയസും സരസ്വതി വൈദ്യയ്ക്ക് 25 വയസുമായിരുന്നു പ്രായമുണ്ടായിരുന്നത്.

ബുധനാഴ്ചയാണ് സരസ്വതിയുടെ ശരീരഭാഗങ്ങൾ മുറിച്ച നിലയിൽ മുംബൈയിലെ അപ്പാർട്ടുമെന്റിൽ നിന്നും കണ്ടെത്തിയത്. മുംബൈയിലെ മിറാ റോഡിലുള്ള ഫ്ലാറ്റിന്റെ ഏഴാമത്തെ നിലയിലുള്ള അപ്പാർട്ടുമെന്റിൽ നിന്നുമാണ് ഇവരുടെ ശരീരഭാഗങ്ങൾ കണ്ടെത്തിയത്. പിന്നാലെ തന്നെ ഇയാൾ അറസ്റ്റിലാകുകയും ചെയ്യുകയായിരുന്നു. തുടർന്നാണ് ഇവരുടെ ബന്ധങ്ങൾ അടക്കമുള്ള വിവരങ്ങൾ പുറത്തുവരുന്നത്.

മുംബൈ ബോറിവാലി സ്വദേശിയായ മനോജ് സാനെ വിവാഹിതനല്ല. ഇയാളുടെ ബന്ധുക്കൾ ഇപ്പോഴും ഇവിടെ താമസിക്കുന്നുണ്ട്. എന്നാൽ, ഇവരെല്ലാമായി അത്ര അടുത്ത ബന്ധമായിരുന്നില്ലെന്നും റിപ്പോർട്ടുണ്ട്. ബോറിവാലിയിൽ തന്നെയാണ് ഇയാൾ ജോലി ചെയ്തിരുന്ന റേഷൻ കടയും ഉണ്ടായിരുന്നത്. എന്നാൽ, മെയ് 29ന് ഈ കട അടച്ചതായും ഇയാൾ പോലീസിനോട് പറഞ്ഞു.

കഴിഞ്ഞ അഞ്ച് വർഷക്കാലമായി സാനേയും സര‍സ്വതിയും 704ാം നമ്പർ അപ്പാർട്ടുമെന്റിൽ ഒന്നിച്ച് താമസിച്ച് വരികയാണ്. ഇരുവരും തമ്മിൽ ഇടയ്ക്കിടെ വാക്ക് തർക്കങ്ങളും വഴക്കുകളും ഉണ്ടാകാറുണ്ടെനന്നും പ്രതി പോലീസിനോട് സമ്മതിച്ചിട്ടുണ്ട്.

അയൽവാസികളുമായി പ്രതിക്ക് അത്ര അടുപ്പമുണ്ടായിരുന്നില്ല. അയൽവാസികളിൽ പലർക്കും ഇവരുടെ പേര് അടക്കം മനസ്സിലാകുന്നത് ഈ കൊലപാതക വാർത്തകൾ പുറത്തുവന്നതിന് പിന്നാലെയാണെന്നും ദേശീയ മാധ്യമമായ എൻ‍ഡിടിവി റിപ്പോർട്ട് ചെയ്യുന്നു.

ഞായറാഴ്ചയോടെയാണ് സരസ്വതി കൊല്ലപ്പെട്ടത് എന്നാണ് പോലീസ് കരുതുന്നത്. ബുധനാഴ്ച വൈകീട്ട് ഏഴുമണിയോടെ പോലീസ് അപ്പാർട്ട്‌മെന്റിൽ കയറിയപ്പോഴാണ് കൊലപാതക വിവരം പുറത്തറിയുന്നത്.

Also Read : മനുസ്മൃതി വായിക്കൂ, 17 വയസ്സിന് മുമ്പ് പെൺകുട്ടികൾ പ്രസവിച്ചിരുന്നു; ഗർഭഛിദ്ര ഹർജിയിൽ ഹൈക്കോടതി

ഇവരുടെ വീട്ടിൽ നിന്നും ദുർഗന്ധം വമിച്ചതിനേതത്തുടർന്നാണ് പോലീസിൽ വിവരം അറിയിച്ചത്. തുടർന്നാണ് പോലീസ് അപ്പാർട്ടുമെന്റിലേക്ക് എത്തിയത്. വാതിലിൽ ആദ്യമൊന്ന് മുട്ടിയെങ്കിലും ആരും വാതിൽ തുറന്നില്ല. പിന്നാലെ ഒരു സ്പ്രേ അടിക്കുന്ന ശബ്ദം കേൾക്കുകയും വാതിൽ തുറന്ന് പുറത്തേക്ക് വരികയുമായിരുന്നു. താൻ ഒരൽപ്പം ജോലിയിലായിരുന്നുവെന്നും അതാണ് തുറക്കാൻ വൈകിയത് എന്നും ഇയാൾ പോലീസിനോട് പറഞ്ഞു.

Read Latest National News and Malayalam News