Sumayya P | Samayam Malayalam | Updated: 9 Jun 2023, 1:53 pm
ഒരു ലക്ഷം ദിർഹം 22 ലക്ഷത്തിലേറെ രൂപയാണ് ഇവർ സമ്മാനമായി സ്വന്തമാക്കിയിരിക്കുന്നത്. ബിഗ് ടിക്കറ്റ് ഗ്യാരൻ്റീഡ് വീക്കിലി ഇ–ഡ്രോ നറുക്കെടുപ്പിൽ ആണ് രണ്ട് മലയാളികൾ സമ്മാനം സ്വന്തമാക്കിയത്. ഇന്ത്യ, ലബനൻ, ശ്രീലങ്ക, ബംഗ്ലാദേശ് സ്വദേശികളാണ് മറ്റു വിജയികൾ.
മലയാളം പത്രങ്ങളിൽ നിന്ന് ബിഗ് ടിക്കറ്റിനെ കുറിച്ചറിഞ്ഞു
ബിഗ് ടിക്കറ്റിൽ കോടികൾ സമ്മാനം നേടുന്നവരെ കുറിച്ച് മലയാളം പത്രങ്ങളിൽ വായിച്ചറിഞ്ഞാണ് താൻ ടിക്കറ്റ് എടുക്കാൻ ആരംഭിച്ചതെന്ന് ഒന്നാം സമ്മാനം സ്വന്തമാക്കിയ പത്മാവതി പറഞ്ഞു. 2017 മുതൽ 4 കൂട്ടുകാരികളോടൊപ്പം ബിഗ് ടിക്കറ്റ് എടുക്കുന്നുണ്ട്. ഇപ്രാവശ്യം അവസാന നിമിഷമാണ് താൻ ടിക്കറ്റെടുത്തത്. തനിക്ക് വിജയം വരും എന്ന് ഒരിക്കലും കരുതിയില്ലെന്ന് അവർ പറഞ്ഞു. പണം വീടിൻ്റെ അറ്റകുറ്റപ്പണികളെടുക്കാൻ ഉപയോഗിക്കുമെന്ന് സന്തോഷ വിവരം അറിയിക്കാൻ വിളിച്ച ബിഗ് ടിക്കറ്റ് അധികൃതരോട് പത്മാവതി പറഞ്ഞു
രണ്ടാം സമ്മാനവും ഇന്ത്യക്കാരന്
ദുബായിൽ താമസിക്കുന്ന ഇന്ത്യക്കാരൻ ഗൗതം ബസു ആണ് രണ്ടാം സമ്മാനം സ്വന്തമാക്കിയത്. ഒരു ലക്ഷം ദിർഹം ആണ് ഇദ്ദേഹം സ്വന്തമാക്കിയത്. കഴിഞ്ഞ 25 വർഷമായി യുഎഇയിൽ ബിസിനസ് നടത്തിവരുകയാണ് ഇദ്ദേഹം. 2 വർഷം മുമ്പാണ് ബിഗ് ടിക്കറ്റിനെ കുറിച്ച് അറിയുന്നത്. അന്ന് മുതൽ ടിക്കറ്റ് വാങ്ങാൻ തുടങ്ങി. സമ്മാനത്തുക ബിസിനസ് മെച്ചപ്പെടുത്താൻ ഉപയോഗിക്കുമെന്ന് അദ്ദേഹം പറഞ്ഞു. തനിച്ചാണ് അദ്ദേഹം ടിക്കറ്റ് വാങ്ങിയത്.
സംഗീത ജീവിതത്തെക്കുറിച്ച് മിഥുൻ അശോകൻ
സംഗീത ജീവിതത്തെക്കുറിച്ച് മിഥുൻ അശോകൻ | Mithun ashokan| Arjunan Master |
മൂന്നാം സമ്മാനവും മലയാളിക്ക്
5 വർഷമായി ദുബായിൽ കഫ്റ്റീരിയ നടത്തുന്ന മലയാളി യുവാവിന് ആണ് മൂന്നാം സമ്മാനം ലഭിച്ചിരിക്കുന്നത്. മലയാളി യുവാവ് മുഹമ്മദ് ഷമീർ ആണ് സമ്മാനം സ്വന്തമാക്കിയിരിക്കുന്നത്. ഒരു ലക്ഷം ദർഹം ആണ് അദ്ദേഹം സ്വന്തമാക്കിയിരിക്കുന്നത്. 14 സുഹൃത്തുക്കളുമായി ചേർന്ന് അദ്ദേഹം എല്ലാ മാസവും ടിക്കറ്റ് എടുക്കാറുണ്ട്. കഴിഞ്ഞ രണ്ട് വർഷമായി അദ്ദേഹം എല്ലാ മാസവും ടിക്കറ്റ് എടുക്കും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
